Lankide eztabaida:Gotzon

Wikipedia, Entziklopedia askea

Kaxo, hasi berria naiz Wikipedian, eta oraindik tentuz ibili beharra daukat, formatuarekin ez nahasteko eta orriari egitura egokia emateko.

Ikusi dut arima karitatezko batek txukundu duela Némirovskyren orria, hasieran begi bistakoa eginez; izenaren segidan parentesi artean ipini jaiotza eta heriotza datak.

Mila esker, halako laguntzaz ikasten joango naiz pixkanaka.

Biografietan, «xxxx da / izan zen» jarri behar da[aldatu iturburu kodea]

Kaixo, Gotzon. Ikusi dut hainbat biografiatan kendu egin duzula aditza «kazetaria da» edo «idazlea izan zen» moduko esaldietatik. Euskal Wikipedian, ordea, irizpidea aditza jartzea da. Beraz, ez kendu gehiagorik, mesedez; aditz horiek kendu ahal izateko, Txokoan irizpide horren alde idatzi eta wikilariak konbentzitu beharko dituzu. --Xabier Armendaritz Icons-mini-comment new.gif 2012-02-15, 12:59

Kutxatekako argazkien lizentzia[aldatu iturburu kodea]

Kaixo Gotzon! Lan bikaina egin duzu Ategorrietako sarraskiaren artikuluan, ze ona! Gainbegiratu dut eta irudi batzuekin duda dut. Kutxatekak no-commercial lizentzia jarri die argazkiei, eta berez egilea orain dela 80 urte baino gehiago hil bada, erabil daitezke, ezin diotelako lizentzia hori jarri, baina kasu honetan ziur gaude horrela dela? Bestela, argazki horiek, zorrotz jokatuta, ezin dira igo eta arazoak egon daitezke.

El Gráfico ere igo duzu... hortxe dudak ditut. Uste dut igo daitezkeela, baina BNEren lizentzia horretarako zein den ez daukat argi. Konprobatu al duzu? Theklan (eztabaida) 17:33, 10 ekaina 2021 (CEST)[erantzun]

Erantzuna[aldatu iturburu kodea]

Ustez, ez dugu arazorik Ategorrietako sarraskiaren artikuluan ageri diren irudiokin:

  • Guztiak dira Ricardo Martín argazkilariak eginak; bai Kutxatekatik hartutakoak, bai Mundo Gráfico aldizkaritik hartutakoak. Wikipediaren arabera, Ricardo Martín 1936an hil zen; beraz, 2016an bete ziren 80 urte hil zenez geroztik.
  • Biblioteca Nacional de España-ko hemerotekari dagokionez, nahiz aipatzen ari garen argazkien egilea, betiere, Ricardo Martín bera den, Aviso legal-ean dio: «Por tanto, y salvo que se especifique expresamente lo contrario, las imágenes en dominio público que se encuentren en el dominio bne.es están bajo una licencia de Reconocimiento CC-BY 4.0 o equivalente». Beraz, ez genuke arazorik izan beharko. Bertatik hartutako irudien oinean, berariaz aipatzen da BNEren iturria, badaezpada ere. Gotzon Icons-mini-comment new.gif 2021-06-10 20:57 (CEST)