Loaldiaren Katedrala (Mosku)
| Loaldiaren Katedrala (Mosku) | |
|---|---|
| Moskuko Kremlina | |
.JPG)
| |
| Kokapena | |
| Estatu burujabe |  Errusia |
| Capital of Russia |  Mosku |
| Administrative okrug of Moscow | Erdialdeko barrutia (Mosku) |
| District of Moscow | Tverskoy District |
| Koordenatuak | 55°45′04″N 37°37′01″E / 55.751111°N 37.616944°E |
 | |
| Historia eta erabilera | |
| Irekiera | 1475 (egutegi gregorianoa) |
| Izenaren jatorria | Mariaren Loaldia |
| Erlijioa | kristautasun ortodoxoa |
| Elizbarrutia | Moskuko eparkia |
| Izena | Mariaren Loaldia |
| Arkitektura | |
| Arkitektoa | Aristotile Fioravanti (en)  Aristotile Fioravanti (en) |
| Materiala(k) | kareharria |
| Estiloa | Russian architecture (en) |
| Ondarea | |
| Kontaktua | |
| Helbidea | Москва, Кремль |
| Webgune ofiziala | |
Loaldiaren Katedrala (errusieraz: Успенский собор, translit.: Uspenski sobor), Jasokundeko Andre Mariaren Katedrala edo Jasokundearen Katedrala Moskuko Kremlinean dagoen harri zuriz eta adreiluz eraikitako katedrala da. Katedralen plazaren iparraldeko zatia edertzen du. Aristoteles Fioravanti arkitekto italiarrak 1475 eta 1479 artean eraiki zuen, Ivan III.a Errusiakoak hala eskatuta.[1]
Historia[aldatu | aldatu iturburu kodea]
Bere eraikuntza, Errusiako Estatu zentralizatuaren eraketaren garaikoa da, Ivan III.a Errusiakoak, Moskovia, tataro-mongoliar zapalkuntzatik askatu ondoren, nazioarteko harremanen esparruan bete-betean sartu zenean.
Loaldiaren katedrala, 1475-1479 urteen artean eraiki zuten, 1326ko tenplu zaharra egon zen tokian. Lehenengo tenplua Ivan I.a Moskukoaren garaian eraiki eta bere hondamendi egoeragatik eraitsi zuten.[2]
Moskuko lehen tenplu metropolitarra sortzeko, Vladimirreko Loaldiaren katedrala zaharra eredu izan zen, eta, beraz, Moskuren jarraipena nabarmendu nahi zen Errusiako lurraldeko gune politiko zaharrenetako batekin alderatuta. Katedralaren hormak landutako harri zurizkoak dira, eta gangak eta kupulen teilatuak adreiluzkoak.
Elizaren hegoaldeko, mendebaldeko eta iparraldeko fatxadak arku bat osatzen duten zutabetxoekin apainduta daude erdi parean. Katedraleko sarrerak hormaren lodieran sartzen diren atariak dira. Urrezko bost kupula daude katedralaren gainean.
1514an, urtaroetan agertzen denez, Moskovia zaharreko pintura-inspiratzaile onenek pintzelkada freskoz apaindu zuten katedrala.
Jasokundearen Katedrala Errusiar Tsarerriaren tenplu nagusia izan zen, errusiar estatu zentralizatuaren boterearen eta handitasunaren adierazgarri. Han egiten zituzten zeremonia nagusi guztiak, eta Estatuaren xedapenak argitaratzen ziren. Katedralean zinak, errusiar tsarren tronuratzea eta enperadoreen koroatzea ospatzen zituzten. Bertan, Ivan IV.a errusiar tsar titulua jaso zuen lehena izan zen.
Jasokundearen Katedrala Moskuko metropolitarren eta aitalehenen panteoia izan zen. Metropolitarren hilobiak, Petri metropolitarretik (1326) Adrian patriarkaraino (1700) tenpluaren hormetan zehar daude.
Erreferentziak[aldatu | aldatu iturburu kodea]
- ↑ Crummey, Robert O.. (1996). The formation of Muscovy: 1304 - 1613. (7. argitaraldia) Londres: Longman ISBN 9780582491533..
- ↑ Freeze, Gregory L.. (2009). Russia: a history. (3. argitaraldia) Oxford New York: Oxford university press, 22 or. ISBN 9780199560417..
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q748910
Multimedia: Assumption Cathedral in Moscow / Q748910