Louis L'Amour

Louis L'Amour
	; Irudi gehiago
Bizitza
Jaiotza	Jamestown, 1908ko martxoaren 22a
Herrialdea	Ameriketako Estatu Batuak
Heriotza	Los Angeles, 1988ko ekainaren 10a (80 urte)
Hobiratze lekua	Forest Lawn Memorial Park
Heriotza modua	berezko heriotza: birikako minbizia
Familia
Ama	Emily Lavisa LaMoore
Hezkuntza
Hizkuntzak	ingelesa
Jarduerak
Jarduerak	idazlea, eleberrigilea, gidoilaria eta zientzia-fikzio idazlea
Jasotako sariak	ikusi Askatasunaren Domina Presidentziala ; National Book Award (1980) ; Ameriketako Estatu Batuetako Kongresuko Urrezko Domina ; Owen Wister Award (1981) ;
Izengoitia(k)	Tex Burns, Louis Deaborn Lamoor eta Jim Mayo
Genero artistikoa	Westerna
Zerbitzu militarra
Adar militarra	Ameriketako Estatu Batuetako Armada
Parte hartutako gatazkak	Bigarren Mundu Gerra
	louislamour.com

Louis Dearborn L'Amour (Jamestown, Ipar Dakota, AEB, 1908ko martxoaren 22a - Los Angeles, Kalifornia, AEB, 1988ko ekainaren 10a) ingelesezko idazlea izan zen.

Biografia

Ahozko tradizio aberatsa jaso zuen etxean, txikitatik Mendebalde Urruneko lehen konkistatzaileen abenturak eta indiarrekiko borroken istorioak entzun baitzituen. Hortik atera zuen bere nobeletarako gaia. Bere bizimodua ere nobeletakoa izan zen. Hamabost urte zituela utzi zuen eskola, eta mendebaldera jo zuen, era bateko eta besteko lanak eginez.

Hogei urte inguru zituela, Ekialde Urruneko zenbait tokitan ibili zen. Han ere ez zuen zorte handirik izan, ordea, eta berriro bere sorlekura itzulita, boxeolari egin zen. Gero, Bigarren Mundu Gerran parte hartu zuen, eta bere soldadu-lagunek behin eta berriz eskatzen zioten Mendebaldeko lehen kolonoen istorioak kontatzeko. Istorio horiek pizten zuten interesa ikusita, idazten hasi zen.

1951n argitaratu zuen lehen nobela, Tex Burns ezizenaz: Hopalong Cassidy eta High Rockeko zaldunak. 1953an kaleratu zuen Sakona, bere nobelarik ezagunenetakoa. Arrakasta handia izan zuen, bai kritikaren aldetik eta baita irakurleen aldetik ere. 1953tik 1958ra bitartean, 15 eleberri kaleratu zituen. Oso eleberri originalak idatzi zituen: bere heroiek, betiko gogortasunaren atzean, erromantizismo kutsu bat zuten, eta ekintzaren erritmoa oso azkarra zen, indarkeria gehiegi gabe. Bere azken nobelak familia-sagak izan ziren. Europatik etorritako zenbait familiaren arrastoa jarraitu zuen, eta 40 nobela idazteko gaia atera zuen, bere ikerketetatik. Sackettarrei buruzko nobelak dira, esate baterako, Urruneko mendi urdinetarako bidean (1976), Gizon bakartia (1971) eta Broken Hillseko gizona (1975).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q379895
Multimedia: Louis L'Amour / Q379895