Luis Urbina (militarra)

Luis Urbina (militarra)
Bizitza
Jaiotza	Gasteiz, 1721eko urriaren 11
Herrialdea	Araba, Euskal Herria
Heriotza	Madril, 1799ko otsailaren 8a (77 urte)
Jarduerak
Jarduerak	ofizierra
Zerbitzu militarra
Adar militarra	Espainiako Lurreko Armada

Luis Urbina (gaztelaniaz: Luis de Urbina) (Gasteiz, 1721eko urriaren 11- Madril, 1799ko otsailaren 8) arabar militarra Espainiako Armadan.

Biografia

Juan Manuel Urbinaren anaia zen. 16 urte zituenean itsas armadan sartu zen, eta handik hiru urtera alferez egin zuten. 1742. urtean Italiarantz itsasoratu zen, ingelesen eta austriarren aurka borrokatzera. 1745. urtean, Sevillako errejimentuko komandante zela, Orango plaza gobernatzera joan zen; baina, agintari erlijiosoekiko zituen konponezinak ikusirik, Iruñera bidali zuten. Soraluze, Tolosa eta Arrasateko armagintza eta altzairugintzak behatzeko agindua jaso zuen, geroago Toledoko ezpatagintza sortzeko. 1762. urtean, Ingalaterraren aurkako gerra piztu zenean, Erregearen gudarosteetako brigadier egin zuten. 1769. urtean, Habanarantz abiatu zen, eta, hurrengo urtean, Espainiara itzuli zen, mariskal zela. 1776. urtean, teniente koronel egin zuten, eta hamalau urtez izan zen fiskal militarra. 69 urte zituenean, Ceuta defenditzeko agindua eman zioten, eta erraz gainditu zitzaion Marokoko erregeari. 1792. urtean, Frantziako Konbentzioak Espainiako errege Karlos IV.ari gerrara hots egin zionean, Valentziara bidali zuten Luis Urbina, eta Valentziako eta Murtziako erresumako kapitain nagusi izendatu zuten. Karlos III.aren Ordenako Gurutze Handiarekin saritu zizkioten bere lanak.

Bibliografia

• Joaquín José de Landázuri: Varones ilustres Alaveses, Gasteiz, 1799.

Kanpo estekak

• (Gaztelaniaz):Luis Urbina Auñamendi Entziklopedian.

• Datuak: Q12262701