Mama Cax
| Mama Cax | |
|---|---|
| Bizitza | |
| Jaiotzako izen-deiturak | Cacsmy Brutus |
| Jaiotza | New York, 1989ko azaroaren 20a |
| Herrialdea |  Ameriketako Estatu Batuak  Haiti |
| Heriotza | Londres, 2019ko abenduaren 16a (30 urte) |
| Jarduerak | |
| Jarduerak | modeloa eta disability rights activist (en)  |
  | |
Cacsmy Brutus (New York, 1989ko azaroaren 20a – Londres, 2019ko abenduaren 16a[1]), Mama Cax izengoitiaz ezagunagoa, haitiar-estatubatuar modelo eta aktibista izan zen, pertsona desgaituen eskubideen alde borrokatu zena[2].
Bizitza
[aldatu | aldatu iturburu kodea]New Yorken jaio eta Haitin hazi zen[3]. Hamalau urte zituela, osteosarkoma eta birikako minbizia diagnostikatu zizkioten[4]. Bi urte geroago aldakako protesia ezarri zioten eta eskiuneko hanka anputatu zioten[2][5][6]. Geroago aitortu zuen hiru urte behar izan zituela bere buruarekiko konfiantza berreskuratzeko eta lehen urteetan protesia ezkutatu zuela[7]. Unibertsitatean ikasten ari zela, Mama Cax izena erabiltzen hasi zen. Nazioarteko harremanetan lizentziatu zen[8]. Hemezortzi urterekin gurpil-aulkiko saskibaloia jokatzen ikasi zuen[9].
2016ko irailaren 15ean, Barack eta Michelle Obamak antolatutako Etxe Zuriko lehen moda desfilean parte hartzera gonbidatu zuten. Garai hartan New Yorkeko alkatetzan lan egiten zuen eta aldi berean ikasketak amaitzen zituen[10]. Wet'no Wild Beauty kanpainan parte hartu zuen eta 2017an Jag Models agentziak kontratatu zuen[11].
2018ko irailean lehen agerraldia egin zuen New York Fashion Weeken Becca McCharen diseinatzaileak sortutako bainujantzian[12]. Okasiorako, erabili zuen hanka protesikoa bainujantziaren kolore berekoa zen. Hilabete berean, Teen Vogue aldizkariko azalean agertu zen Jillian Mercado eta Chelsea Wernerrekin batera[13][11].
2019an, Mama Cax Olay markaren aurpegia izan zen. Rihannaren Fenty Beauty ikuskizunean ere parte hartu zuen[11]. ASOSekin eta Tommy Hilfigerrekin ere aritu zen elkarlanean, blog bat sortu zuen, eta bere Instagrameko kontuak 197.000 jarraitzaile zituen[6][14]. Gorputzaren positibotasunari buruz hitz egin zuen eta konferentziak antolatu zituen[15].
2019ko urrian iragarri zuen New Yorkeko maratoian parte hartzeko entrenatzen ari zela, gurpil-aulkia erabiliz. Abenduaren hasieran Londresko ospitale batean ingresatu zuten sabeleko mina eta odol-koaguluekin[13]. 2019ko abenduaren 20an, Mama Caxen familiak Instagramen jakinarazi zuen lau egun lehenago hil zela[11].
2023ko otsailaren 8an, Googlek doodle bat eskaini zion Historia Beltzaren Hilabetearen baitan[16].
Erreferentziak
[aldatu | aldatu iturburu kodea]- ↑ (Gaztelaniaz) Alesanco, Laura. «Fallece la modelo Mama Cax a los 30 años de edad» Hola 2019-12-21 (Noiz kontsultatua: 2024-07-19).
- ↑ a b (Ingelesez) «Mama Cax on Her Amputation, Beauty, and Body Positivity: “I Felt Pride, and That Changed Everything”» Glamour 2017-05-03 (Noiz kontsultatua: 2024-07-19).
- ↑ (Gaztelaniaz) Machuca, Pablo. «Muere a los 30 años la modelo y activista Mama Cax» Huffpost 2019-12-21 (Noiz kontsultatua: 2024-07-19).
- ↑ (Ingelesez) Brickell, Susan. «Fashion Blogger and Cancer Survivor Mama Cax Talks Body Positivity, Self-Care, and the Skincare Products Behind Her Gorgeous Glow» Health 2019-04-18 jatorrizkotik artxibatua (artxibatze data: 2019-12-20) (Noiz kontsultatua: 2024-07-19).
- ↑ (Ingelesez) Abelman, Devon. «Mama Cax Shares How Losing a Leg Didn’t Make Her Feel Any Less Beautiful (VIDEO)» Allure 2016-10-26 (Noiz kontsultatua: 2024-07-19).
- ↑ a b (Gaztelaniaz) «La historia de superación de Mama Càx: le dieron 3 semanas de vida y hoy es bloguera de moda» Enfemenino 2016-08-26 (Noiz kontsultatua: 2024-07-19).
- ↑ (Ingelesez) Bondy, Halley. «Mama Cax: What losing a leg taught me about beauty» MSNBC 2019-07-22 (Noiz kontsultatua: 2024-07-19).
- ↑ (Ingelesez) «About» Mama Cax (Noiz kontsultatua: 2024-07-19).
- ↑ (Ingelesez) Polish, Jay. «Model Mama Cax Tells Us How She’s Training To Hand Cycle The NYC Marathon» Bustle 2019-10-29 (Noiz kontsultatua: 2024-07-19).
- ↑ (Ingelesez) Betker, Ally. «Model-Activist Mama Cax on Traveling with a Disability» Here (Noiz kontsultatua: 2024-07-19).
- ↑ a b c d (Gaztelaniaz) Arbat, Sandra. «Fallece a los 30 años la modelo revolucionaria Mama Cax» La Vanguardia 2019-12-21 (Noiz kontsultatua: 2024-07-19).
- ↑ (Ingelesez) Patel, Shyam. «The Chromat Runway Continues to Champion Body Diversity» Paper 2018-09-08 (Noiz kontsultatua: 2024-07-19).
- ↑ a b (Gaztelaniaz) Trejo, Nicole. «Muere Mama Cax, la modelo que luchó contra el cáncer y estereotipos» El Universal 2019-12-23 (Noiz kontsultatua: 2024-07-19).
- ↑ (Gaztelaniaz) «Fallece la modelo Mama Cax a los 30 años: luchó por la inclusividad y desfiló para Rihanna» Vanity Fair 2019-12-21 (Noiz kontsultatua: 2024-07-19).
- ↑ (Gaztelaniaz) Giovinazzo, Eleonora. «El triunfo de Mama Cāx: superó un tumor, le amputaron una pierna y ahora es bloguera de moda» Huffpost 2016-08-26 (Noiz kontsultatua: 2024-07-19).
- ↑ (Ingelesez) «Celebrating Mama Cax» Google 2023-02-08 (Noiz kontsultatua: 2024-07-19).
