Instagram

Wikipedia, Entziklopedia askea
Jump to navigation Jump to search
Instagram
Instagram logo.svg
URL helbidea https://instagram.com/
Komertziala? Bai
Webgune mota Argazkiak eta bideoak elkarbanatzea
Erabiltzailea erregistratzea Bai
Hizkuntza(k) Hizkuntza anitzekoa (33 hizkuntzatan)
Jabea Facebook
Egilea Kevin Systrom eta Mike Krieger (Burbn, Inc.)
Argitalpen data 2010eko urriaren 6a
Egoera Aktiboa

Instagram argazkiak eta bideoak partekatzeko erabiltzen den sare sozial zein mobiletarako aplikazioa da. Erabiltzaileek hainbat efektu fotografiko aplika ditzakete, filtroak, markoak eta retro eta vintage koloreak, besteak beste. Ondoren, argazkiak beste sare sozialetan partekatzeko aukera ematen du, hala nola Facebook, Tumblr, Flickr eta Twitterren. Instagramen berezitasun bat argazkiei forma karratua ematen diela da, Kodak Instamatic-en eta Polaroid kamararen omenez. Hau dela eta argazkien formak ez du egungo kamara eta mugikor gehienek darabilten 16:9 ratioa.

Instagram Kevin Systrom eta Mike Krieger-ek sortu zuten, eta 2010eko urrian atera zen merkatura. Laster egin zen ezagun, 2012ko apirilean 100 milioi erabiltzailetik gora zituen, eta 300 milioi baino gehiago lortu zituen 2014ko abenduan. Hasiera batean iPhonerako diseinatu zen, eta iOS 3.0.2 edo sistema aurreratuagoa duten iPad eta iPodetan ere eskuragarri dago. 2012 hasieran Androiderako bertsioa atera zuten.


4.0 bertsiotik aurrera gehienez 15 segundu dituzten bideoak argitaratzeko aukera eskaintzen du. Tresna berri honek irudi-egonkortzailea dakar.

Instagramek 12 urtetik aurrerako adin-sailkapena du.

Historia[aldatu | aldatu iturburu kodea]

Instagrameko sorrera San Franciscon izan zen. Kevin Systrom eta Mike Krieger Foursquare-ren antzerako Burbn-en lanean ari zirela erabaki zuten honek argazkiak igotzeko eskaintzen zituen aukeran zentratu eta mugikorretarako aplikazio bat sortzea. Produktua Apple Store-an atera zen, hain zuzen ere, 2010eko urriaren 6an, Instagram izena jarriz.

Gutxira Jos Riedel taldean sartu zen, elkartearen kudeatzailea bezala. Shayne Sewwney 2010eko azaroan lan taldean sartu zen ingeniari bezala eta Jessica Zollman 2011ko abuztuan ebanjelari bezala kontratatu zuten.

2011ko urtarrilean, Instagramek traolak gehitu zituen, modu honetan erabiltzaileak gai baten inguruan gainontzeko erabiltzaileek partekatutako argazkiak ikusi ahal ditu. Aplikazioak traola zehatzak erabiltzera bultzatzen du, horrela argazkiak arrakasta handiagoa izango duelako eta gustuko dut gehiago lortuko dituelako. 2011ko irailean, 2.0 bertsioa martxan jarri zen App Storean. Filtro berriak zituen, argazkiaren gune zehatz batzuetan desenfokeak jartzeko aukera, argazkiak editatzeko aukera kalitate onean, irudia biratzeko aukera eta azkenik, eguneratzeko botoia gehitu zuten.

2012ko apirilaren 3an, Android mugikorrentzako bertsioa atera zen. Aste batzuk lehenago Androidentzako bertsio bat lantzen ari zirela abisatu zuten, hortaz, aplikazioa ezin izango dela erabili. Ondorioz, web gune batean erregistratzeko aukera eman zuten aplikazio berriaren berri izateko, eta bertan 430.000 pertsona erregistratu ziren. Androidenzako aplikazioa atera zenean milio bat descarga baino gehiago lortu zituen 24 ordutan. Ondorengo hilabeteetan, milioi bat pertsona baino gehiagok Google Play-en bere iritzia eman zuen, modu honetan 2013ko maiatzean iritzi gehien zuen bosgarren aplikazioa izan zen.

2012ko apirilaren 9an Facebookek Instagram erosi zuen mila miloi dolarrengatik.

2012ko abenduaren 17an, Instagramek pribatutasun terminoak eta erabilpen arauak eguneratu zituen, egindako aldaketen ondorioz, Instagramek erabiltzaileen argazkiak saldu zitzakeen hauei baimenik eskatu eta ezer esan beharrik gabe. Askok kritikatu zituzten neurri hauek, besteak beste, pribatutasunaren babesleek, National Geographic-ek eta Kim Kardanshianen moduko pertsonaia ezagunek eta, azkenean, Instagramek bertan behera utzi zituen. Hala ere, Instagramek erabiltzaile asko galdu zituen, antzeko zerbitzuak eskaintzen zituen beste aplikazio batzuk erabiltzea erabaki zuten.

2013ko maiatzaren 2tik aurrera, Instagramek beste erabiltzaile eta markak etiketatzeko aukera eskaintzen du, erabiltzaileek gehien eskatzen zuten gaitasunetako bat zen hau. Urte bereko abenduaren 12an, Instagram Direct sortu zuten; mezu zuzenak bidaltzeko modua da, argazkiak zein bideoak izan daitezke, Facebook-en inbox bezala. 2015etik iragarkiak ipini ahal dira.

Egun, Windows Phone beta fasean du app-a (fase honetan akatsak automatikoki zuzentzen dira), funtzio guztiak erabili daitezke, bideoak igotzea izan ezik. Windows 10 Mobile sistema eragilean duela gutxi atera zen aplikazioaren bertsio osoa, denbora askoz beta bertsioan egon ostean.

2016ko maitzean logotipoa eguneratu zuen, bere kamera vintage alde batera utziz eta koloredun gehiago duen beste batengatik aldatuz. Ortzadan baten atzean dagoen kamera bat da.

2016ko abuztuan Instagramek Insta Stories aurkezten du, atal berri honetan egun bateko iraupena duten argazki eta bideoak argitaratu daitezke.

2016ko azaroaren 21, Insta Stories zerbitzuak, zuzenekoak egiteko aukera jartzen du martxan. Erabiltzaile baten zuzeneko emankizun bat egiten du eta gainerako erabiltzaileak emankizun hori ikustera batu daitezke eta mezuak bidal ditzakete. Periscoperen moduko funtzioa da hau. Zuzeneko bat hasten denean erabiltzaileak jakinarazpen bat jasotzen du bere mugikorrean, zuzenekoa ikusteko.

Instagram Direct eta Insta Stories zerbitzuak oso kritikatuak izan dira, Snapchat eta Periscoperen oso antzekoak direlako.

Inpaktua[aldatu | aldatu iturburu kodea]

2012ko martxoaren 11ean, Instagramek erregistratutako 27 milioi erabiltzaile izatera ailegatu zela iragarri zuen. Hala ere, 2012ko irailaren hasieran, Mark Zuckerber-ek, Facebook-eko zuzendari exekutiboak, iragarri zuen sare sozialak 100 milioi erabiltzaile erregistratu baino gehiago zituela jada.

2012ko maiatzean segunduro 28 argazki igotzen ziren eta erabiltzaile bat gehitzen zen aplikaziora. Igotako argazkiak guztira mila milioitik gora dira.

2012ko abuztuaren 9an Ellie Goulding abeslariak Anything could happen abestiaren bideoklipa estreinatu zuen. Bideoa instragrameko flitroekin apainduriko argazkiekin bakarrik egin zen. Argazki horiekin hitzak edo abestiaren letrak irudikatzen ziren. Ia 4 minututako bideoan 1.200 argazki ezberdin baino gehiago erabili ziren.

2013eko otsailaren 27an aplikazioa martxan jarri zenetik bi urte eta erdira, 100 milioi erabiltzaile aktibo zituen. Honek 10 milioi erabiltzaileen igoera suposatu zuen, hilabete eskas batean. Azkenik, 2017eko abuztuan berretsi zen Instagram 800 milioi erabiltzaile aktibora heldu zela.

Jarraitzaile gehien dituzten Instagram kontuak[aldatu | aldatu iturburu kodea]

Zerrenda honetan biltzen dira Instagramen jarraitzaile gehien dituzten 25 kontuak. 2018eko otsailean eginiko inkestaren arabera, Top 1ean Instagramen kontu propioa kokatzen da 232 milioi jarraitzailerekin. Bere atzetik Selena Gomez abeslari eta aktorea dagu, indibidualki jarraitzaile gehien dituen pertsona (133 milioi jarraitzaile). Zortzi kontu dira zehazki 100 milioi jarraitzaile dituztenak. Horrela geratuko litzateke zerrenda gaur egun:

Rankinga Kontuaren Izena Kontuaren Jabea Jarraitzaile Kopurua Ogibidea Bizitokia
1 @instagram Instagram 232 milioi Social media plataforma USA
2 @selenagomez Selena Gomez 133 milioi Musikaria eta aktorea USA
3 @cristiano Cristiano Ronaldo 120 milioi Futbol jokalaria POR
4 @arianagrande Ariana Grande 117 milioi Musikaria eta aktorea USA
5 @beyonce Beyoncé 111 milioi Musikaria eta aktorea USA
6 @kimkardashian Kim Kardashian 107 milioi Pertsonaia ezaguna USA
7 @taylorswift Taylor Swift 106 milioi Musikaria eta aktorea USA
8 @kyliejenner Kylie Jenner 103 milioi Pertsonaia ezaguna USA
9 @therock Dwayne Johnson 100 milioi Aktorea eta borrokalari profesionala USA
10 @justinbieber Justin Bieber 96 milioi Musikaria CAN
11 @neymarjr Neymar 88 milioi Futbol jokalaria BRA
12 @kendalljenner Kendall Jenner 88 milioi Modeloa USA
13 @leomessi Lionel Messi 87 milioi Futbol jokalaria ARG
14 @nickiminaj Nicki Minaj 86 milioi Musikaria TRI
15 @natgeo National Geographic 85 milioi Magazinea USA
16 @nike Nike 76 milioi Kirol jantzi korporazio multinazionala USA
17 @mileycyrus Miley Cyrus 74 milioi Musikaria eta aktorea USA
18 @khloekardashian Khloé Kardashian 72 milioi Pertsonaia ezaguna USA
19 @jlo Jennifer Lopez 72 milioi Musikaria eta aktorea USA
20 @katyperry Katy Perry 68 milioi Musikaria USA
21 @ddlovato Demi Lovato 65 milioi Musikaria eta aktorea USA
22 @kourtneykardash Kourtney Kardashian 60 milioi Pertsonaia ezaguna USA
23 @badgalriri Rihanna 60 milioi Musikaria BAR
24 @victoriassecret Victoria’s Secret 59 milioi Lentzeria konpainia USA
25 @kevinhart4real Kevin Hart 57 milioi Komikoa USA

Datu demografikoak[aldatu | aldatu iturburu kodea]

Datu demografikoak (Pew Research Center)
Internet erabiltzen duten estatubatuarren artean, Instagram erabiltzen dutenak
Guztira %28
Emakumeak %31
Gizonezkoak %24
18-29 urte %55
30-49 urte %28
50-64 urte %11
+65 urte %4
Hiritarrak %32
Suburbanoak %28
Landa ingurukoak %18

Pew Research Center ikerketaren arabera, Internet erabiltzen duten estatubatuarren artean %28ak Instagram erabiltzen du.[1]

Batez ere erabiltzaile gazteak dira, plataforma erabiltzen duten 150 milioi pertsonetatik %90a 35 urtetik beherakoa baita. Pew Research-ek egindako ikerketaren arabera, Internet erabiltzen duten 18 eta 29 urte bitarteko estatubatuarren %55ak Instagram erabiltzen du, eta 30-49 urte bitartekoen %28ak. 50 eta 64 urte arteko estatubatuarren artean %11ak soilik erabiltzen du Instagram.

Ikerketa beraren arabera, erabiltzaile gehienak emakumezkoak dira. Hain zuzen ere, Internet erabiltzen duten emakume estatubatuarren artean %31ak Instagram erabiltzen du, gizonezkoen %24aren aurrean.

Batez ere, erabiltzaileak hiritarrak eta suburbanoak dira, eta landa inguruko Internet erabiltzaileen artean %18ak soilik erabiltzen du Instagram.

Instagram argazkiak partekatzeko sare sozial hedatuenetarikoa dela uste bada ere, datuek diote egunean sarera igotzen diren argazkien %7a baino ez dela Instagram bidez egiten. Izan ere, Pew Research-en ikerketak argi adierazten du, Internet erabiltzen duten estatubatuarren artean %28ak baino ez duela Instagram erabiltzen.

Zentsura[aldatu | aldatu iturburu kodea]

2013ko urrian Instagramek Petra Collins argazkilari Kanadiarraren kontua ezabatu zuen bere pubiseko ilea agertzen zen argazki bat argitaratzeagatik[2], eta 2015eko urtarrilean Instagramek Australiako moda agentzia baten Instagram kontua ezabatu zuen antzeko arrazoiak zirela eta. 2015eko martxoan Rupi Kaur artistaren marrazki batzuk ezabatu zituzten, azpiko arropan hilekoaren odola erakusten zutelako. Facebook eta Tumblr plataformetan Instagramen zentsura salatu zuten “Ez gaituzte zentsuratuko” esanez[3].

Emakumezkoen titiburuak ere zentsuratzen ditu Instagramek, ez, ordea, gizonezkoenak. Horregatik #FreetheNipple traolarekin kanpaina hasi zuten sareko erabiltzaileek.

Filtroak[aldatu | aldatu iturburu kodea]

Instagram filtro ezagunak izateagatik identifikatzen dugu. Polaroid kameraren argazkiei aipamena egiten dieten filtroak dira:

  • Clarendon: Itzalak nabarmentzen ditu eta erreflexuak argiztatu. Jatorrian bideoentzako filtro moduan atera zen.
  • Gingham: Argazkiak garbitzen ditu. Tonu horixka bat ematen du argazki ilunetan, edo disdira gehiago (logure efektua) argazki argitsuetan.
  • Moon: Zuri Beltzeko Gingham-en bertsioa, itzalak biziagoak izanik.
  • Lark: Gorriak gutxiagotzen ditu, urdinak eta berdeak igotzen dituen bitartean: paisaiei bizia ematen die.
  • Reyes: Argazkiei hauts edo vintage aspektua ematen die.
  • Juno: Berdeetan tonu hotzak ñabartzen ditu. Tonu beroak nabarmentzea eta zuriak disdiratzea eragiten du.
  • Slumber: Irudia desaturatzen du eta lanbro itxura gehitzen dio retro-amets aspektua emateko. Enfasia beltz eta urdinetan dauka.
  • Crema: Itxura krematsua gehitzen dio, irudia berotu eta hoztu egiten du.
  • Ludwig: Desaturazio ukitu bat du eta argia hobetzen du.
  • Aden: Urdin zein berdeen aspektu naturala ematen du.
  • Perpetua: Pastel efektua gehitzen dio, erretratuentzat egokia.
  • Amaro: Argia gehitzen dio irudiari, foku bat erdian duelarik.
  • Mayfair: Tonu arrosa berotsu bat gehitzen dio, biñeta meheak irudiaren zentrua argiztatzeko eta ertz beltz mehe bat.
  • Rise: Disdira bat gehitzen dio irudiari, subjektuaren argiztapena leuntzen.
  • Hudson: Ilusio “izoztu” bat sortzen du, itzal potenteekin, tindu hotzekin eta zentru sahiestuarekin.
  • Valencia: Irudia desegiten du, esposizioa igotzean eta irudia berotzean, antzinako ukitu bat emanez.
  • X-Pro II: Koloreen bitalitatea igotzen du urre-koloreko tinduarekin, kontraste altuarekin eta biñeta mehe batekin.
  • Sierra: Aspektu margula eta leuna ematen dio.
  • Willow: Filtro monokromatioa, tonu more meheekin eta ertz zeharrargi batekin.
  • Lo-Fi: Koloreak aberasten ditu eta itzal gogorrak gehitzen ditu, saturazioarekin eta tenperaturaren berotzearekin.  
  • Earlybird: Irudiei aspektu zaharragoa ematen die, tonu sepia batekin eta tenperatura bero batekin.
  • Brannan: Kontrastea eta esposizioa igotzen du eta tindu metaliko bat gehitu.  
  • Inkwell: Argazkia zuri beltzean jartzen du.
  • Hefe: Saturazio eta kontraste altua, Lo-Fi efektuaren antzekoa.
  • Nashville: Tenperatura berotzen du, kontrastea leuntzen du eta esposizio areagotzen du, tindu more bat emanez. .
  • Sutro: Ertzak erretzen ditu, isladak areagotzen ditu eta itzalak, baina kasu honetan moreak eta marroiak nabarmenduz. .
  • Toaster: Argazkiaren erdigunea erretzen du eta inguruan iluntasun dramatiko bat gehitzen dio.
  • Walden: Esposizioa areagotzen du eta tindu hori bat jartzen dio argazkiari.
  • 1977: Esposizio handiagoa, baina gorriak eta arrosak areagotzen dira.
  • Kelvin: Saturazioa eta tenperatura areagotzen du
  • Stinson: Nahiko leuna den filtro bat da, kolorearen intentsitatea jaisten duena
  • Vesper.
  • Maven.
  • Ginza.
  • Skyline.
  • Dogpatch.
  • Brooklyn.
  • Helena.
  • Ashby.
  • Charmes.

Weekend Hashtag Project[aldatu | aldatu iturburu kodea]

"Weekend Hashtag Project” Instagramen sortutako proiektu bat da. Erabiltzaileak gai bati buruzko argazki bat igotzera bultzatzen ditu. Hau da, Instagram Komunitateak gai bat aukeratzen du, ostiralean gai hori zein den esaten da eta asteburuan zehar erabiltzaileek gai horretan oinarrituz argazkiak igotzen dituzte.

Aplikazioak eta erlazionatutako zerbitzuak[aldatu | aldatu iturburu kodea]

  • PrintingGram, webgune bat da, erabiltzaileek beraien argazkiak inprimatu ditzakete formatu desberdinetan: imanak, egutegiak, argazki-albumak...
  • Instagramers igers (Instagrameko erabiltzaileak) guztientzako gune bat da. Berrien blog bat da, Instagrameko azken berriak argitaratzen dira bertan. Web ofiziala: instagramers.com
  • Instamap iPad-entzako zerbitzu bat da, kokapenaren arabera edo traola baten bidez argazkiak bilatu daitezke. Emaitzak galeria moduan edo mapa baten bidez ikus daitezke.
  • Schedugr.am erabiltzailari argazkiak programatzeko aukera eskaintzne dion webgune bat da.
  • 100 Cameras in 1 iPhone, iPad, Windows eta Android argazkientzako efektuak eskaintzen ditu eta gero Instagramera igotzeko aukera ematen du.
  • Carousel, Mac-entzako da, Instagrameko zuzeneko transmisioa eskaintzen du Mac-ean.
  • Iconosquare.com (antes Statigr.am) ordaintzen den aplikazioa da, bertan erabiltzailearen estatistikak, jarraitzaileak, gustukoak eta komentarioak aztertzen ditu.  
  • Instagram & Printing alokatu daitekeen dispositibo bat da, bilera sozialetan erabiltzeko, argazkiak inprimatu egiten ditu.
  • Printic iPhone-entzako da eta argazkiak inprimatzeko modurik errezena eta azkarrena da. Argazkiak 3x4 hazbeztekoak dira, laranja kolore baten gainean eta zerbait idazteko aukerarekin.  
  • Optink, webgune bat da Instagrameko markoa sortzen duena, photocall-etan erbailtzeko balio du, Facebook eta Twiterreko markoak ere egiten ditu. Webgunea: optink.com
  • Socialmatic Italiako diseinu grafikoko enpresa bat da, Socialmatic izeneko kamera prototipoa sortu duena. Kamerak 16GB memoria, Wi-Fi-a eta Bluethooth ditu.
  • Gramatica Instagrameko erabiltzaileei aukera gehiago eskaintzen dizkien aplikazio bat da; galeriako argazkiekin egiteko aukerak ematen ditu: zoom egitea, argazkiak zkutatzea, zerrendak sortzea, hainbat kontu lotzea...
  • Pro HDR iOS eta Android-entzako aplikazio bat da, argazkiak fusionatu egiten ditu, HDR erresoluzioan.
  • Tweegram iOS-entzako aplikazio bat da, argazkietan testua gehitzeko aukera ematen du, beti ere estilo desberdinetako testuak eskainiz.
  • PicFrame iOS eta Android-entzako aplikazio bat da, argazki desberdinak biltzen ditu argazki bakar batean zati desberdinetan banatuta.
  • TheShow Red Bullek sortutako aplikazio bat da, erabiltzailearen argazkiak argazki erakusketa batean egongo balira bezala ikusteko aukera eskaintzen du. Behin webgunearekin harremanetan jarriz gero, bideoa deskargatzeko aukera dago, ondoren bakoitzak bere sare sozialetan ipintzeko.
  • Flipagram argazki bideoak egiteko aplikazio bat da, erabiltzaileak argazki kopurua, erritmoa eta musika erabakitzen du. Ondoren, bideoak Instagramen, Faceook-en eta Twitterren partekatu ahal dira.
  • Instagrafic iOS eta Android-entzako aplikazio bat da, 36 argazkiko argazki-albuna egiteko aukera eskaintzen du. Albuna inprimatu daiteke.
  • Instacollage iOS eta Android-entzako aplikazio bat da. Argazkiak collage batean batzeko balio du, 20 kuadrikula baino gehiagotan (orain 3D-ko collageak egin ahal dira) eta filtroak erabili daitezke. Zuzenean Facebook-en, Twitterren eta Instagramen igotzeko aukera eskaintzen du.
  • Instaweather, iOS eta Android-entzako aplikazio bat da. Argazkiak partekatzeko aukera ematen du momentuan zauden hiria eta eguraldiarekin batera. Honako hau bidaietan asko erabiltzen da.

Sariak[aldatu | aldatu iturburu kodea]

  • 2011ko urtarrilean, Instagram “Mugikorrentzako aplikaziorik onenaren” sarian txapeldunordea gelditu zen, 2010eko TechCrunch Crunchies-ean.
  • 2011ko maiatzean, Kevin Systrom-ek 66.postuan geratu zen “2011ko sormena gehien landu duten 100 pertsonen artean”.
  • 2011ko ekainean «30 Under 30» aldizkariak Systrom y Krieger bere zerrendetan sartu zuten.
  • 2011ko irailean, Instagram “tokian tokiko aplikazio onenaren” saria irabazi zuen SF Weekly Web Awards-etan.
  • 2011ko abenduan, Apple Inc.-ek Instagram urteko aplikazioa bezala izandatu zuen..
  • 2015ean Instagram iPhoneko 100 aplikazio onenen barruan zegoen. Mundu mailan eragin handiena izan zuen aplikazioa.
  • 2017ko ekainean, MTV MIAW-ek “urteko mendekotasuna” bezala izendatu zuen.


Erreferentziak[aldatu | aldatu iturburu kodea]

  1. (Ingelesez)  «Instagram Demographics», Pew Research Center: Internet, Science & Tech, 2015-08-17, http://www.pewinternet.org/2015/08/19/mobile-messaging-and-social-media-2015/2015-08-19_social-media-update_09/. Noiz kontsultatua: 2018-03-04 .
  2. (Ingelesez)  Collins, Petra (2013-10-17), «Why Instagram Censored My Body», Huffington Post, https://www.huffingtonpost.com/petra-collins/why-instagram-censored-my-body_b_4118416.html. Noiz kontsultatua: 2018-03-04 .
  3. (Ingelesez)  Banks, Grace (2017-04-10), «Pics Or It Didn't Happen: reclaiming Instagram's censored art», the Guardian, http://www.theguardian.com/books/2017/apr/10/pics-or-it-didnt-happen-reclaiming-instagrams-censored-art. Noiz kontsultatua: 2018-03-04 .