María Sefidari Huici

Wikipedia, Entziklopedia askea
María Sefidari Huici

Chair of the Wikimedia Foundation Board of Trustees (en) Itzuli

2018ko uztailaren 19a - 2021eko ekainaren 3a
← Christophe Henner - Natalia Tymkiv →

Affiliations Committee (en) Itzuli diruzain

2012 - 2013

Wikimedia Españako deputy chairperson (en) Itzuli

2010 - 2012
Bizitza
Jaiotzako izen-deiturakMaría Sefidari Huici
JaiotzaMadril, 1982 (41/42 urte)
Herrialdea Espainia
Familia
Ezkontidea(k)Laura Hale (en) Itzuli
Hezkuntza
HeziketaMadrilgo Complutense Unibertsitatea : Psikologia
Hizkuntzakgaztelania
Jarduerak
JarduerakLGBT ekintzailea eta Wikimedian (en) Itzuli
Enplegatzailea(k)Juan Carlos Erregea Unibertsitatea
KidetzaWikimedia Foundation Board of Trustees (en) Itzuli
Wikimedia Foundation Board of Trustees (en) Itzuli
Wikimujeres (en) Itzuli
Twitter: Msefi Edit the value on Wikidata

María Sefidari Huici (Madril, 1982ko uztailaren 19a) psikologoa, irakaslea eta Espainiako komunikazio eta kultura digitalean aditua da. Interneteko kudeaketa kooperatiboan eta kultur ekoizpenean aditua eta ezagutza eta kultura libreko aktibista. 2018ko uztailaren 20tik Wikimedia Fundazioko Administrazio Kontseiluko presidentea da. 2020ko martxoan, Sefidarik lau hilabeteko baimena eskatu zion Kontseiluari, bere amatasunerako prestatzeko, eta, beraz, Nataliia Tymkivek ordezkatu zuen karguan, Kontseiluko bitarteko presidenteorde gisa.[1]

Prestakuntza[aldatu | aldatu iturburu kodea]

Psikologian lizentziatu zen Madrilgo Unibertsitate Konplutentsean, eta bertan ere Merkataritza eta Turismoko Maisutza ikasi zuen. 2014an Techweek Women’s Leadership Fellows programako bekaduna izan zen, negozioetan eta teknologian emakumeen lidergoa babesteko.[2] 2015etik, Juan Carlos Erregea Unibertsitateko Komunikazio Digitaleko, Kulturako eta Herritartasuneko Maisutza programako irakaslea izan zen. 2020an, Asturiasko Printzesa sarien epaimahaikide izan zen, Komunikazioa eta Humanitateak kategorian.[3][4] 2022an doktore tesia aurkeztu zuen Juan Carlos Erregea Unibertsitatean: Wikipedia y el reto de la equidad de conocimiento: un análisis de los sesgos y la perpetuación de desigualdades en la representación del contenido destacado de la enciclopedia.[5] Ikerketa honetan hizkuntz desberdinetako Wikipedien azalak aztertu zituen 2019an zehar, agertzen ziren biografien isuri edo alborapenak nabarmenduz.[5] Euskarazko Wikipediari dagokionez, 4 biografia baino ez ziren agertu azalean. Horietatik hiru gizon zuri eta europarrenak izan ziren: Émile Durkheim, Miguel de Cervantes eta Ruyard Kipling. Eva Perón emakume bakarra izan zen, Argentinarra bai, baina zuria.[5]

Ezagutza eta kultura librea[aldatu | aldatu iturburu kodea]

Sefidari, Wikipedian Raystorm[6] izenez ezaguna, ezagutza eta kultura libreari buruzko Wikimedia proiektuetan laguntzen hasi zen 2006an.[7] Elkarrizketa batzuetan azaldu duenez Wikipedia aurkitu zuen ahizpa txikiak azaldu zionean edonork idatz edo edita dezakeen webgune bat zegoela.[7] «Dena hasten da, dio, gai batean sartzen hasten zarenean eta artikuluak hobetzen ordu asko ematen dizkiozunean, eta Wikipediako politikak aldatu egin beharko liratekeela ikusten duzunean».[8] Handik gutxira eta ingelesezko Wikipedian antzeko proiektu batean inspiratuta, Wikiproyecto LGBT atera zuen, kolektibo horiek ikusarazteko eta gaiarekin lotutako edukiak hobetzeko eta antolatzeko.[8]

Edukietan egindako lanaz gain, Wikimedia mugimenduan parte hartu du:

  • 2011n, Wikimedia Españako kide sortzailea eta elkarteko lehen lehendakariordea izan zen,[9]
  • 2015ean, Wikimujeres elkarteko lehendakariordea. Talde hau Wikimediako erabiltzaile-taldea da eta emakumeak ikusaraztea eta Wikipedian genero-arrakala ezabatzea ditu ardatz.[10][11] Wikimedia mugimenduan hainbat gobernu-batzordetako kide izan zen, besteak beste, Afiliazio Batzordekoa eta Kontseiluaren Gobernantza Batzordekoa, bertako lehendakari izan zelarik.
  • 2013an Wikimedia Fundazioaren Batzordeko kide aukeratu zuten eta bertan jardun zuen 2015era arte.
  • 2016an Wikimedia Fundaziora itzuli zen lanpostu huts bat betetzeko, eta erakundearen lehendakariordea izan zen.
  • 2017an bigarren agintaldirako lehendakariorde izendatu zuten.[12] Urte hauetan ezagutza ireki eta libreari buruzko hainbat prestakuntza-ikastaro eta ekitalditan parte hartu du, tartean, Wikipediako edukietan aniztasuna eta genero-berdintasuna txertatzeari buruzko prestakuntza ikastaro eta ekitaldi askotan.[13] [14]
  • 2018ko uztailean, Wikimedia Fundazioko lehendakari hautatu zuten Wikimaniako 14. topaketan.[15]

Nazioarteko hainbat hitzalditan hizlari izan da Wikimedia proiektuei, sareko lankidetzari eta mundu osoko komunitate birtualen gobernantzari buruz, besteak beste, Hong Kong, Argentina, Mexiko, Berlin eta Londres.[16]

Erreferentziak[aldatu | aldatu iturburu kodea]

  1. ↑ (Ingelesez) «Minutes/2020-02 - Wikimedia Foundation Governance Wiki» foundation.wikimedia.org (Noiz kontsultatua: 2023-07-21).
  2. ↑ (Ingelesez) «Chicago Womens leadership program | Techweek» web.archive.org 2018-07-20 (Noiz kontsultatua: 2023-07-21).
  3. ↑ (Gaztelaniaz) «Feria Internacional del Libro de Guadalajara y Hay Festival of Literature & Arts - Premio Princesa de Asturias de Comunicación y Humanidades 2020» Fundación Princesa de Asturias (Noiz kontsultatua: 2023-07-21).
  4. ↑ (Gaztelaniaz) «La Feria del Libro de Guadalajara y el Hay Festival, premios Princesa de Asturias de Comunicación» Nius Diario 2020-06-09 (Noiz kontsultatua: 2023-07-21).
  5. ↑ a b c (Gaztelaniaz) María, Sefidari. (2022). Wikipedia y el reto de la equidad de conocimiento: un análisis de los sesgos y la perpetuación de desigualdades en la representación del contenido destacado de la enciclopedia. Juan Carlos Erregea Unibertsitatea.
  6. ↑ (Gaztelaniaz) Bordoy, Giselle. (2013). «Publicaron los resultados de las elecciones de la Fundación Wikimedia – Wikimedia Argentina» web.archive.org (Noiz kontsultatua: 2023-07-21).
  7. ↑ a b (Gaztelaniaz) Rodriguez, Juanma. «La Wikipedia al descubierto» The Objective (Noiz kontsultatua: 2023-07-22).
  8. ↑ a b (Gaztelaniaz) Caballero, Lucía. (2017-03-15). «La española que ha llegado a vicepresidir Wikimedia defendiendo al colectivo LGBT» elDiario.es (Noiz kontsultatua: 2023-07-21).
  9. ↑ (Gaztelaniaz) «Wikipedia: 10 años y 278 ediciones» El País 2011-01-11 ISSN 1134-6582. (Noiz kontsultatua: 2023-07-21).
  10. ↑ (Gaztelaniaz) «Wikipedia se llena de nombres de mujer» El Comercio 2016-10-17 (Noiz kontsultatua: 2023-07-21).
  11. ↑ (Ingelesez) «Board of Trustees - Wikimedia Foundation Governance Wiki» foundation.wikimedia.org (Noiz kontsultatua: 2023-07-21).
  12. ↑ (Ingelesez) «Board of Trustees - Wikimedia Foundation Governance Wiki» foundation.wikimedia.org (Noiz kontsultatua: 2023-07-21).
  13. ↑ (Gaztelaniaz) «Iniciativa Open Data reivindica el papel y la importancia de los datos abiertos en la sociedad actual.» Mis datos, tus datos, 2018-07-20 (Noiz kontsultatua: 2023-07-21).
  14. ↑ (Ingelesez) «Mapping the feminist internet: the Whose Knowledge? campaign at the AWID Forum» www.genderit.org (Noiz kontsultatua: 2023-07-21).
  15. ↑ (Ingelesez) «Wikimedia Foundation announces Tanya Capuano as new Trustee, alongside leadership appointments at 14th annual Wikimania» Diff 2018-07-20 (Noiz kontsultatua: 2023-07-21).
  16. ↑ (Gaztelaniaz) «María Sefidari Huici» www.medialab-matadero.es (Medialab-Matadero Madrid) (Noiz kontsultatua: 2023-07-21).

Kanpo estekak[aldatu | aldatu iturburu kodea]

Maria Sefidari - "Wikipedia y la aplicación práctica de la equidad de conocimiento" (WikInvisibles, 2023)

"https://eu.wikipedia.org/w/index.php?title=María_Sefidari_Huici&oldid=9646675"(e)tik eskuratuta