Maria Krüger
| Maria Krüger | |
|---|---|
| Bizitza | |
| Jaiotza | Varsovia, 1904ko irailaren 6a |
| Herrialdea |  Polonia  Errusiar Inperioa |
| Heriotza | Varsovia, 1999ko abuztuaren 13a (94 urte) |
| Hobiratze lekua | Powązki Cemetery (en)  |
| Familia | |
| Aita | Edmund Krüger |
| Anai-arrebak | ikusi
|
| Hezkuntza | |
| Heziketa | Varsoviako Unibertsitatea Q20032244 |
| Hizkuntzak | poloniera |
| Jarduerak | |
| Jarduerak | kazetaria, haur literatura idazlea, gidoilaria eta idazlea |
| Lan nabarmenak | ikusi
|
| Jasotako sariak | |
  | |
Maria Krüger (Varsovia, 1904ko irailaren 6a – ibidem, 1999ko abuztuaren 13a) poloniar idazle eta kazetaria izan zen.
Bizitza[aldatu | aldatu iturburu kodea]
Edmund Krüger idazlearen eta Aniela Paulina Krügerren alaba eta Halina Bielińska zuzendariaren ahizpa zaharrena[1], Maria Krüger Varsovian jaio zen 1904ko irailaren 6an[2]. 1924tik 1929ra Varsoviako Zientzia Politikoen Akademian ikasi zuen, eta hurrengo hiru urtez Varsoviako Unibertsitatean. Aldi berean Trzaska, Evert i Michalski eta Nasza Księgarnia argitaletxeen lan egin zuen[3]. 1930eko hamarkadaz geroztik, kazetari gisa lan egin zuen hainbat aldizkaritan, eta horrez gain, Płomyk eta Płomyczek aldizkarietan haurrentzako ipuinak eta olerkiak argitaratu zituen[4]. Naziek Polonia okupatu zutenean, Maria Krügerrek Epoka talde demokratikoarekin kolaboratu zuen, eta 1944an Varsoviako matxinadan parte hartu zuen[5][6].
Gerra ostean, denbora batez Kultura eta Arte Ministerioan aritu zen, eta gero Atzerri Ministerioan[6]. 1946tik 1948ra poloniar irratiko berriemaile izan zen Bernan (Suitza)[3]. Poloniara itzuli ondoren, haurrentzako irratsaioen saila zuzendu zuen eta telebistan lan egin zuen, non, bereziki, Miś z okienka haurrentzako saio ezaguna sortu zuen[5][6].
1959an, Maria Krügerren idazlanik ospetsuena argitaratu zen: Karolcia izeneko haurrentzako eleberri laburra. Liburuak arrakasta handia izan zuen, eta irakurleek eta argitaletxeak eskatuta, Krügerrek segida bat idatzi zuen 1970ean: Witaj, Karolciu[7].
Maria Krüger 1999ko abuztuaren 13an hil zen. Varsoviako Powązki hilerrian lurperatu zuten[6].
Lanak[aldatu | aldatu iturburu kodea]
- Nasi przyjaciele (1930)
- Szkoła narzeczonych (1945)
- Dar rzeki Fly (1957)
- Petra (1957)
- Bajki (1958)
- Karolcia (1959)
- Godzina pąsowej róży (1960)
- Klimek i Klementynka (1962)
- Apolejka i jej osiołek (1963)
- Ucho, dynia, sto dwadzieścia pięć! (1964)
- O Margosi młynarzównie (1965)
- Jak Bartuś z wiatrem gonił (1966)
- Witaj, Karolciu (1970)
- Złota korona. Opowiadania z historii Polski (1976)
- Serce dzwonu (1981)
- Odpowiednia dziewczyna (1988)
- Najpiękniejsze bajki (1997)
- To my! Dwa kapciuszki (1997)
- Było? Nie było?
- Legendy polskiej ziemi
- Po prostu Lucynka P.
Erreferentziak[aldatu | aldatu iturburu kodea]
- ↑ (Polonieraz) «Maria Krüger» Sejm Wielki (Noiz kontsultatua: 2024-06-14).
- ↑ (Polonieraz) «Krüger Maria» Encyklopedia PWN jatorrizkotik artxibatua (artxibatze data: 2022-10-29) (Noiz kontsultatua: 2024-06-14).
- ↑ a b (Polonieraz) Jędrych, Karolina. (2017). Portret dziewczynki, dziewczyny i kobiety w powieściach Marii Krüger. Katowice: Wydawnictwo Uniwersytetu Śląskiego, 181 or..
- ↑ (Polonieraz) Jędrych, Karolina. (2017). Portret dziewczynki, dziewczyny i kobiety w powieściach Marii Krüger. Katowice: Wydawnictwo Uniwersytetu Śląskiego, 9 or..
- ↑ a b (Ingelesez) Rogowska, Gabriela. (2013). «Maria Krüger (1904–1999)» in Marciniak, Katarzyna Polish Literature for Children & Young Adults Inspired by Classical Antiquity. A Catalogue. Warsaw: University of Warsaw, 153-159 or..
- ↑ a b c d (Errusieraz) «Крюгер Мария» ПроДетЛит jatorrizkotik artxibatua (artxibatze data: 2022-10-29) (Noiz kontsultatua: 2024-06-14).
- ↑ (Polonieraz) Jędrych, Karolina. (2017). Portret dziewczynki, dziewczyny i kobiety w powieściach Marii Krüger. Katowice: Wydawnictwo Uniwersytetu Śląskiego, 11 or..
Kanpo estekak[aldatu | aldatu iturburu kodea]
Datuak: Q11768981