Mendiola (Hernio)

Mendiola
Mendiola
Datu orokorrak
Garaiera	431 m
Mota	mendi
Geografia
Koordenatuak	43°10′20″N 2°05′48″W / 43.1723144°N 2.0966534°W
Mendikatea	Hernioko mendilerroa
Herrialdea	Euskal Herria
Probintzia	Gipuzkoa
Eskualde	Tolosaldea
Udalerria	Alkiza

Artikulu hau mendiari buruzkoa da; beste esanahietarako, ikus «Mendiola».

Mendiola Alkizako udalerrian kokaturiko mendia da herrigunearen iparrekialdean dagoena (43º10'19N, 2º05'49,27W). Mendiolak 431 m-ko altitudea du. Sakamidra bailaran zehar doan bidearen eskuinean kokaturik dagoen tontor konikoa da. Bide beraren ezkerraldean eta Mendiolaren parean, Txurro izeneko gaina dago, 430 m-koa non erpin geodesikoa kokatuta dagoen^[1].

Mendiaren izenaz gain, mendiola terminoak baditu beste esanahi batzuk Alkizan. Alkizako udal artxiboak herri-ondasunen artean 6 elementu jasotzen ditu izen horrekin 1750ean: mendia, baserria, herri-saila, irasaila, hariztia eta mintegia^[2]. Herri-ondasun horiek errematean jarri zituen udalak XIX. mendearen hasieran (1799-1846 bitartean 8 enkante edo erremate egin ziren) eta jabe pribatuen eskuetara pasa ziren^[3].

Mendiola baserriaren erreferentzia 1348an ageri da Lope Diaz de Rojas-ek eta Pero Ibañez-ek Gaztelako erregearen aginduz eginiko Tolosako aitoren semeen erroldan^[4]. Dokumentu horretan Alkizako zortzi etxe ageri dira, Mendiola tartean. Gogoan izan orduan Alkiza Tolosako partea zela.

Erreferentziak[aldatu | aldatu iturburu kodea]

↑ Urrutia, Javi. «Mendiola (431 m)» https://www.mendikat.net (Noiz kontsultatua: 2021-02-16).
↑ Aranburu Ugartemendia, Pello Joxe. (2003). Alkiza. Auzoen eta hiribilduaren azterketa historikoa (1348-1950). Alkizako udala, 280 or. ISBN 84-606-3058-7..
↑ Aranburu Ugartemendia, Pello Joxe. (2003). Alkiza. Auzo eta hiribilduaren azterketa historikoa (1348-1950). Alkizako udala, 286-289 or. ISBN 84-606-3058-7..
↑ Aranburu Ugartemendia, Pello Joxe. (2003). Alkiza. Auzo eta hiribilduaren azterketa historikoa (1348-1950). Alkizako udala, 51 or. ISBN 84-606-3058-7..

Kanpo estekak[aldatu | aldatu iturburu kodea]

Datuak: Q105531418

[1] Urrutia, Javi. «Mendiola (431 m)» https://www.mendikat.net (Noiz kontsultatua: 2021-02-16).

[2] Aranburu Ugartemendia, Pello Joxe. (2003). Alkiza. Auzoen eta hiribilduaren azterketa historikoa (1348-1950). Alkizako udala, 280 or. ISBN 84-606-3058-7..

[3] Aranburu Ugartemendia, Pello Joxe. (2003). Alkiza. Auzo eta hiribilduaren azterketa historikoa (1348-1950). Alkizako udala, 286-289 or. ISBN 84-606-3058-7..

[4] Aranburu Ugartemendia, Pello Joxe. (2003). Alkiza. Auzo eta hiribilduaren azterketa historikoa (1348-1950). Alkizako udala, 51 or. ISBN 84-606-3058-7..

[1]

[2]

[3]

[4]