Mikel Pagadizabal

Mikel Pagadizabal
Bizitza
Jaiotza	Villabona-Amasa, 1974ko Abuztuaren 27a (49 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	aktorea, komediantea, gidoilaria eta telebista aurkezlea

Mikel Pagadizabal Amiano (Villabona, Gipuzkoa, 1974ko ekainaren 29a) euskal gidoilari eta umorista da. ETB1eko Wazemank saioan hasi zuen bere telebistako ibilbidea. Berak dioenez, Anjel Alkainek salbatu egin zuen gidoilari modura kontratatu zuenean. Aktore lanen bat ere egin du.

Wazemanken arrakastaren ondoren, lan-talde berdinarekin saio gehiagotan aritu zen: Noaoa!, Finlandia, Brinkola, Wazemank 2.0 eta Wazemank 3.0.

2010etik 2013ra Euskadi Irratian aritu zen umorezko saio batean Jon Iraolarekin, Anjel Alkainekin eta Ilaski Serranorekin batera.

Nagore Aranburu eta Egoitz Lasarekin batera lehen stand-up bakarrizketa antzezlanak egin ditu: Bodologuak 2010 eta Potologuak 2012

2010-2011 Nagore Aranbururekin batera DBH telesaila sortu eta idatzi zuen.

Denboraldi desberdinetan Vaya Semanita (etb2) saioko gidoilaria izan da

2013 Airean saioan aritu zen denboraldi batez gidoilari eta kolaboratzaile modura, Jaime Otamendirekin batera.

2014etik aurrera Herri txiki, infernu handi aurkezle eta gidoilari lanetan ibili da Zuhaitz Gurrutxagarekin batera. Saio honekin gainera, Gabon Gaueko gala (Euskal Kantuen Gaua) eta Urte Zahar Gaueko kanpaikadak aurkeztu ditu.

2019an Autentikoak saioa ere aurkeztu zuen Fermin Etxegoienekin batera.

Ibilbidea

Urtea	Lana	Katea	Postua
2005-2007	Wazemank	ETB 1	Gidoilari-aktorea
2007-2008	Noaoa!	ETB 1	Gidoilari-aktorea
2009	Brinkola	ETB 1	Gidoilari-aktorea
2009	Wazemank 2.0	ETB 1	Gidoilari-aktorea
2010	Wazemank 3.0	ETB 1	Gidoilari-aktorea
2011-2012	Finlandia	ETB 1	Gidoilari-Aktorea
2010-2013	Oilategia	Euskadi Irratia	Esatari-gidoilaria 2010-2011 DBH Sortzaile eta gidoilaria
2013-2014	Airean	ETB 1	Gidoilari-Kolaboratzaile
2015- gaur egun	Herri txiki, infernu handi	ETB 1	Aurkezlea-gidoilaria
2015-2018	Herri txiki kantari	ETB 1	Aurkezlea
2016-2020	Urte amaierako kanpaikadak	ETB 1 / ETB 2	Aurkezlea
2017-2018	Herri city	ETB 1	Aurkezlea
2019	Autentikoak	ETB 1	Aurkezlea-gidoilaria
2021	Herri Txiki Zirku Handi	ETB 1	Aurkezlea

Kanpo estekak

• Mikel Pagadizabali elkarrizketa (matraka.info)
• Mikel Pagadizabali elkarrizketa Argia astekarian

• Datuak: Q12263629