Mugaldekoak (telesaila)

Mugaldekoak (telesaila)
Jatorria
Izenburua	Mugaldekoak
Jatorrizko hizkuntza	euskara
Jatorrizko herrialdea	Espainia
Sasoi kopurua	1
Atalak	9
Ezaugarriak
Genero artistikoa	thriller television series (en) eta historical fiction (en)
Iraupena	30 minutu
Kolorea	koloretakoa
Zuzendaritza eta gidoia
Zuzendaria(k)	Fernando Bernués; Mireia Gabilondo
Gidoigilea(k)	Patxo Telleria; Harkaitz Cano
Antzezlea(k)
	Isidoro Fernández ; Mireia Gabilondo ; Iñaki Beraetxe ; Iñaki Rikarte ; Sara Cozar ; Kike Diaz de Rada ; Klara Badiola ; Egoitz Lasa ; Josean Bengoetxea ; Aintzane Gamiz ; Patxo Telleria ; Gorka Aginagalde ; Eneko Olasagasti
Emanaldia
Jatorrizko igorlea	ETB 1
Hasiera-data	2010eko maiatzaren 27a
Argumentu nagusia	Comète sarea
	eitb.eus…

Artikulu hau telesailari buruzkoa da; beste esanahietarako, ikus «Mugaldekoak».

Mugaldekoak Euskal Telebistan grabatu den telesail historikoa da. ETB 1ean igortzeko grabaturik, Fernando Bernués eta Mireia Gabilondo zuzendariak eta hauez gain, Patxo Telleria eta Harkaitz Cano gidoigileak zituen.

Egileek izen bereko telefilma egin zuten.

Istorioa[aldatu | aldatu iturburu kodea]

Oharra: Atal honek istorio osoa edo amaiera argitzen du.

1940ko hamarkadako hasierako urteetan, Hego Euskal Herrian Gerra Zibila ondoko urteak dira, Ipar Euskal Herrian, berriz, Bigarren Mundu Gerrakoak. Hegazkinlari aliatuak naziek okupaturiko eremutik ateratzeko sarea sortu zuten britainiar espiek, frantziar erresistentziako kideek eta euskal mugalariek. Sareak Comète izena izango zuen.

Irene Solagureneni (Mireia Gabilondo) Comète sarean parte hartzeko eskatuko diote. Familia errepublikarrekoa da, baina haren senarra, Manuel Larralde doktorea (Isidoro Fernández), frankisten bandoan aritu da gerran, mediku-kapitain mailan. Dedee de Jongh (Matxalen de Pedro) sareko arduradunarekin bilduko da Solaguren, eta baietz erantzungo dio azkenerako. Erabaki horrek bere bizitza eta familia osoarena aldaraziko ditu.^[1]