Ordizia-Txindoki-Ordizia erronka

Ordizia udalerria eta urrutira Txindoki mendia, erronkaren ibilbidearen bi gune nagusiak.

Ordizia-Txindoki-Ordizia erronka, Gipuzkoako Goierri eskualdean burututako kirol dema bat da. Ordizia udalerriaren herrigunea eta Txindoki mendiaren gailurraren arteko ibilbidearen joan-etorria denbora laburrenean burutzean datza.

Gaur egungo errekorra 1:25:09 denboran dago, 2019ko uztailaren 6an Aritz Egea urretxuar mendi lasterkariak ezarria.

Historia

Jatorria 1953an Pedro Aierbe ordiziarrak Juan Jose Rezola itsasondoarrari egindako erronkan dago: "Ezetz Ordiziatik Larraitzera bizikletaz abiatu, Txindoki igo eta 3 ordu azpiko denboran itzuli!".

Irailaren 6an, goizeko 8:00etan, Rezola Ordiziako Zabala jauregian zegoen Olano tabernaren paretik bizikletaz abiatu, Andres Urdanetaren estatua dagoen kokalekuan, Larraitzera iritsi, Txindokira korrika igo-jaitsi eta abiapuntu berdinera 1:42:30 denboran itzuliz erronka irabazi zuen. Sekulako balentria, jada 46 urteko kirolari amauteurra zela (lanbidez arotza) eta gaur egungo bizikletekin parekatuz gero garaikoen pisua eta sinpletasuna kontuan hartuz.

Handik 25 urtera, 1978an, Iñaki Maiora 24 urteko ormaiztegiarrak errekorra hobetzea otu zitzaion. Garai hartan Maiora txirrindulari profesionala zen, 1980, 1981, 1983 eta 1984ko Espainiako Ziklo-kros Txapelketen irabazlea. Irailaren 24an goizeko 9:00etan abiatu eta ibilbidea 1:26:28 denboran amaituz errekor berria ezarri zuen.

Ibilbidea

Erronkaren ibilbidea lau ataletan banatua dago:

• Ordizia-Larraitz: Bizikletaz GI-2133 errepidean Zaldibian barna.
• Larraitz-Txindoki: Lasterketa mendi bidean maldan gora.
• Txindoki-Larraitz: Lasterka mendi bidean maldan behera.
• Larraitz-Ordizia: Bizikletaz GI-2133 errepidean barna.

• 
  Zabala jauregia erronkaren abiapuntua eta helmugaren kokalekua.
• 
  Txindokiko gailurra.

Saiakerak

Partaideak
Izena	Adina	Herria	Data	Irteera orua	Pisua	Ordizia-Larraitz	Txindoki-Larraitz	Larraitz-Txindoki	Larraitz-Ordizia	Guztira
Juan Jose Rezola	54 urte	Itsasondo	1951ko irailaren 6a	Goizeko 8:00ak	48 kg	22'30"	48'30"	17'30"	14'00"	1:42:30
Iñaki Maiora	24 urte	Ormaiztegi	1978ko irailaren 24a	Goizeko 9:00ak		17'54"	41'43"	15'13"	11'38"	1:26:28
Aritz Egea		Urretxu	2019ko uztailaren 6a	Goizeko 10:00ak	60 kg					1:25:09
Manuel Merillas*		León	2020ko ekainaren 24a			17'54"	41'43"	15'13"	11'38"	1:22:55*

• Epaileen baieztapenik gabe.

Kanpo estekak

• Ordizia-Txindoko-Ordizia erronkari buruzko artikulua, Noticiasdegipuzkoa.com (Gaztelaniaz)

• Datuak: Q65216053