Pako Miangolarra

Pako Miangolarra
Bizitza
Jaiotza	Gernika-Lumo, 1934ko abenduaren 8a (91 urte)
Herrialdea	Bizkaia, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	argitaratzailea
Lan nabarmenak	ikusi Herri Gogoa;

Francisco Miangolarra Gorostiaga edo Pako Miangolarra (Gernika, Bizkaia, 1934ko abenduaren 8a) euskal kulturaren eta politikaren sustatzaile eta filantropoa izan zen, bai Euskal Herrian bai erbestean (Venezuela, Frantzia).^[1] Frankismo garaian Donostiako Gros auzoan Herri Gogoa diskoetxea (1967-1981) sortu zuen, mezenas gisa, Iñaki Beobide eta Axen Egañarekin batera, eta Euskal Kantagintza Berriaren hainbat disko grabatu zituen Donostiako estudioan. Mikel Laboak, Benito Lertxundik, Lourdes Iriondok, Xabier Letek, eta Antton Valverdek, besteak beste, diskoak grabatu zituzten Groseko estudio klandestino hartan.^[2]

Aita itsas-merkataritzako kapitaina zen. Gerra zibila bukatu baino lehentxeago Venezuelan erbesteratu zen familia osoa, Baionatik 1939ko apirilaren 22an aterata. Venezuelan familiakoen artean Inprimategi arrakastatsu bat sortu zuten. 1952tik hasi zen urtero hilabete batzuk Donostian edo Lapurdin ematen. Urte horietan Lapurdin tratu handia izan zuen Federiko Krutwig eta Mark Légasserekin.^[2]

Federiko Krutwigen Vasconia (1962) obra polemikoa Paco Miangolarrak sustatu eta finantzatu zuela, Venezuelako erbestetik Ipar Euskal Herrira etorri berritan.^[3] ^[2]

Joxemari Sorsentzat, «fenomeno bat» zen Paco Miangolarra: «Hura Ameriketatik zetorren, eta han aurreratuago zeuden ikus-entzunezkoetan hemen baino. Halako batean, euskaraz ikasteko metodo bat atera zuen. 'Un método para tontos' zioen horren aldeko publizitateak; ergelentzat eta ordura arte ikasi ezin izan zutenentzat aproposa zela agintzen zuen. Baina berak ez zekien euskaraz».^[4]

Bibliografia

Patxi Zubizarreta: Sakonean, itsasoa ikusten da, (Txalaparta, 2023). Saiakera labur honetan Miangolarra Gorostiaga familiaren biografia bildua du Zubizarretak.^[4]

Erreferentziak

↑ «Miangolarra Gorostiaga, Francisco - Auñamendi Eusko Entziklopedia» aunamendi.eusko-ikaskuntza.eus (kontsulta data: 2023-09-23).
1 2 3 Zubizarreta, Patxi. (2023). Sakonean itsasoa ikusten da. Miangolarratarren uberan.. Txalaparta ISBN 978-84-19319-62-3..
↑ Krutwig, Federiko. «Paco Miangolarra eta Vasconia Federiko Krutwig - Jakin.eus» www.jakin.eus (kontsulta data: 2023-09-23).
1 2 Ubeda, Garbiñe. (2026-05-03). «Nahasketa mahai «mitiko» baten historia ahantzia» Berria (kontsulta data: 2026-05-04).

Ikus, gainera

Kanpo estekak

Datuak: Q122781514

[1] «Miangolarra Gorostiaga, Francisco - Auñamendi Eusko Entziklopedia» aunamendi.eusko-ikaskuntza.eus (kontsulta data: 2023-09-23).

[:0-2] 1 2 3 Zubizarreta, Patxi. (2023). Sakonean itsasoa ikusten da. Miangolarratarren uberan.. Txalaparta ISBN 978-84-19319-62-3..

[3] Krutwig, Federiko. «Paco Miangolarra eta Vasconia Federiko Krutwig - Jakin.eus» www.jakin.eus (kontsulta data: 2023-09-23).

[#1-4] 1 2 Ubeda, Garbiñe. (2026-05-03). «Nahasketa mahai «mitiko» baten historia ahantzia» Berria (kontsulta data: 2026-05-04).

[1]

[2]

[3]

[4]