Parisko katakonbak

Wikipedia, Entziklopedia askea
Jump to navigation Jump to search
Parisko katakonbak
Catacombes de Paris.JPG
Kokapena
MetropoleMetropolis of Greater Paris [[File:Arbcom ru editing.svg
HiriaParis
Municipal arrondissementParisko 14. barrutia
Helbidea place Denfert-Rochereau Itzuli
avenue du Colonel-Henri-Rol-Tanguy Itzuli , 1
Koordenatuak 48° 50′ 02″ N, 2° 19′ 57″ E / 48.83397°N,2.33245°E / 48.83397; 2.33245Koordenatuak: 48° 50′ 02″ N, 2° 19′ 57″ E / 48.83397°N,2.33245°E / 48.83397; 2.33245
Historia eta erabilera
Irekiera1811
Bisitariak urtean 314.086
Webgune ofiziala

Parisko katakunba (frantsesez: Les Catacombes) Frantziako hiriburuaren hilerri ospetsuena da. Hilerria Erromatar Inperioan kareharri meategiak ziren lur azpiko tunel sarean egokitu zen. Dena dela, hilerria ez da hain zaharra, XVIII. mendekoaren amaierakoa baita. Gaur egun hezurtegia gordetzen da non sei milioi pertsonen hezurdura dauden, Europako hezurtegi handiena alegia.[1]

Kokapena eta deskribapena[aldatu | aldatu iturburu kodea]

Ofizialki katakonben sarrera Parisko 14. barrutian dago baina hortik meategien zati txiki bat bakarrik ikus daiteke, % 0,05a. Berez, antzinako harrobien bideak barruti desberdinetan zehar zabaltzen dira: bosgarrena, seigarrena, hamabigarrena, hamahirugarrena, hamabosgarrena eta hamaseigarrenean. Beste zonalde horietan bisitak 1955ko azaroaren 2ko ministerio-aginduaz debekatuta daude nahiz eta jende asko ilegalki sartu. Isteko arrazoi ofiziala seguritatea izan zen baina ezaguna zen, bestetik, katakonbetan meza beltzak eta mota askotako erritualak egiten zirela. Egun polizia berezia dago katankonbetan, cataflics, bertan ibiltzeko debekua bete arazteko.

Sarrera ofizialetik at, Paris osoan badira beste sarrera asko, estoldetan eta metro sareatik.

Tunelen sistema oso nahasia da eta, nahiz eta zein kale azpian egokitzen diren azaltzeko plakak egon, oso erraza da bertan galtzea. Pasabide asko estuak eta txikiak dira, batzuk ur azpian. Horregatik meategian ibiltzeko gida baten laguntza ezinbestekoa da.

Historia[aldatu | aldatu iturburu kodea]

Hezurdurak Parisko katakonbetan.

Meategi hauen hilerri bezalako erabilera Charles-Axel Guillaumot-ek, harrobien inspektorea, 1786an, ezarri zuen. Arrazoia hiriko hilerriak oso beteta zeudela eta arazoari irtenbide bat emateko beharra zegoela.[2] Gaia konplexua zen zeren eta Les Halles barrutian, Saints-Innocents hilerrian, hildakoen erabileraren okerraren ondorioz, kutsadura arazoak sortzen ari baitziren.

Lehenengo gorpuzkinak Saint Nicolas des Champs hilerritik eraman zituzten. Hildakoak 1788ko nahasmenduetan gertatutakoak ziren eta hilerri berrian abuztuaren 28 eta abuztuaren 29an jarri ziren. Ondoren, hamabost hilabetetan, hilerri guztietatik milioika giza-hezur eraman zituzten. Azkenak, 1870ekoak dira. Operazioak gauez egiten ziren, horretarako zalgurdiak erabiliz.[3]

Hezurrak ormak eginez kokatu ziren, tarteka aldare txikiekin. Halaber, hezurren jatorriak adierazteko plakak jarri ziren. Ezagunak dira hemen ikus daitezkeen epitafioak.

Katakonba hauetan gertakari asko eman dira. Horrela, 1871ean, Parisko Komunan, kamera batean monarkiazale talde bat erahila izan zen. Bigarren Mundu Gerran bestetik, Frantziako Erresistentziak ezkutatzeko eta mugitzeko tunel-sare hau erabili zuen. Alemanek, aldiz, Lycée Montaigne eskolaren azpian, seigarren barrutian, bunker bat eraiki zuten.

Argazki galeria[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Parisko katakonbak