Paskual Enea

Paskual Enea
Eraikitako euskal ondasun nabarmena
Kostaldeko Donejakue bidea
Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Lezo
Koordenatuak	43°19′16″N 1°53′55″W
Historia eta erabilera
Eraikuntza	XVIII. mendea -
Arkitektura
Estiloa	Barrokoa pizkundetar arkitektura
Ondarea
EJren ondarea	25

Paskual enea etxea Lezon dagoen XVIII. mendeko eraikina da, Gurutze Santuaren plazako 4. zenbakian kokatzen dena. Zabala enearekin batera plazako frontea osatzen dute, bien erdian Ramon Cortazar arkitektoak XX. mendean eraikitako alondegia dutela.

Ezaugarriak

Etxeak oinplano zuzena du, bi isurietako estalkia eta teilatu gailurra fatxada nagusiarekiko paraleloa da. Beheko solairua eta beste hiru ditu. Lehenengo eta bigarren solairuko baoek ebaki apainduak dituzte eta hirugarren solairuan, 1930ean gehitua, armarria dago. Hiru solairuetako balkoiak jarraituak dira fatxadaren alderik alde, forjazko barandekin eta mentsuletan oinarriturik.

Harlangaitzezko mehelinak ditu eta zurezko zeharkako habeak, 7 m inguruko argi librearekin. Fatxada nagusia harearriz egina da.

Ondarea

Eusko Jaurlaritzak izendatutako ondarea da.

Argazki galeria

• 
  Paskual enea ezkerrean, Zabala enea eskubian eta alondegia erdian.
• 
  Hirugarren solairuko armarria

Kanpo estekak

• Datuak: Q65920581
• Multimedia: Paskual Enea / Q65920581

Artikulu hau Arkitekturari buruzko zirriborroa da. Wikipedia lagun dezakezu edukia osatuz.