Paul Moritz Cohn

Paul Moritz Cohn
	; Irudi gehiago
London Mathematical Society (en) lehendakari	; 1982 - 1984 ; ← Barry Edward Johnson (en) - Ioan James (en) →
London Mathematical Society (en) lehendakari
Bizitza
Jaiotzako izen-deiturak	Paul Moritz Cohn
Jaiotza	Hanburgo, 1924ko urtarrilaren 8a
Herrialdea	Erresuma Batua ; Alemania
Heriotza	Londres, 2006ko apirilaren 20a (82 urte)
Hezkuntza
Heziketa	Schule Alsterdorfer Straße (en) ; (1930 - 1931) ; Stadtteilschule Winterhude (en) ; (1931 - 1934) ; Talmud Tora Schule (en) ; (1934 - 1939) ; Trinity College ; (1944 - 1948) ; Cambridgeko Unibertsitatea ; (1948 - 1951) doktore
Tesia	Integral Modules, Lie Rings and Free Groups (en)
Tesi zuzendaria	Philip Hall (mul)
Doktorego ikaslea(k)	Aidan H. Schofield (en) ; Walter S. Sizer (en) ; Vitor de Oliveira Ferreira (en) ; John F. Watters (en) ; William Stephenson (en) ; Andrew J. Bowtell (en) ; Michael J. Stevens (en) ; David R. Lane (en) ; John R. Silvester (en) ; Theofilus de Wet Jooste (en) ; Warren Dicks (en) ; Muhammad Zafrullah (en) ; M. Mahdavi-Hezavehi (en) ; Alexander Gruza (en) ; Gabor Révész (en) ; T. Khawaja (en) ; Mark Hedges (en)
Hizkuntzak	ingelesa
Jarduerak
Jarduerak	matematikaria eta unibertsitateko irakaslea
Lantokia(k)	Ingalaterra
Enplegatzailea(k)	Albertako Unibertsitatea ; Bar-Ilan University (en) ; Kaliforniako Unibertsitatea Berkeleyn ; Chicagoko Unibertsitatea ; Université de Nancy (en) (1951 - 1952); Manchesterreko Unibertsitatea (1952 - 1962); Queen Mary University of London (en) (1962 - 1967); Bedford College (1967 - 1984); Princetongo Unibertsitatea (1967 - 1968); Londresko University College (1984 - 1989)
Jasotako sariak	ikusi Royal Societyko kidea (1980) ; Senior Berwick Prize (1974) ; Paul R. Halmos - Lester R. Ford Awards (1972) ;
Kidetza	Royal Society

Paul Moritz Cohn (Hanburgo, 1924ko urtarrilaren 8a - Londres, 2006ko apirilaren 20a) alemaniar matematikaria izan zen.

Cambridgeko Trinity Collegen ikasi zuen eta 1948an graduatu zen; doktoregoa Cambridgen bukatu zuen 1951n. Hurrengo urtean Manchesterreko Unibertsitatean lanean hasi zen, eta 1961-1962 bitartean Yaleko Unibertsitatean eta Kaliforniako Berkeleyko Unibertsitatean aritu zen. 1962an Londresko Unibertsitatera joan zen, eta hango Queen Mary Collegen aritu zen 1967 arte. Hala ere, urte horietan zenbait bisitaldi egin zituen Chicagoko Unibertsitatera eta New York Estatuko Stony Brook-eko Unibertsitatera. Londresko Unibertsitatea utzi gabe, Bedford Collegen matematika-irakasle hautatu zuten. Hurrengo urteetan hainbat unibertsitatetan aritu zen, besteak beste, Rutgers Unibertsitatean, Parisko Unibertsitatean eta Delhiko Tulane Unibertsitatean, Albertako Unibertsitatean eta Ottawako Carleton Unibertsitatean. Israelen egon ondoren, Estatu Batuetako eta Alemaniako unibertsitateetan ibili zen. 1984an Londresera itzuli zen, eta bertan University Collegeko Matematikako Astor Irakasle hautatu zuten. Cohnek ekarpenik gehienak aljebraren arloan egin ditu, bereziki eraztun ez-kommutatiboen teorian. Magnusen teorema orokortzeaz gainera, tenkagailu-espazioen egitura aztertu zuen.

Lehenengo liburua, Lie groups (Lie taldeak), 1957an argitaratu zuen. 1958tik aurrera Jordan aljebrak eta Lieren zatiketa-eraztunak landu zituen. Bere liburu garrantzitsuenetako batzuk hauek dira: Linear equations (1958, Ekuazio linealak); Universal algebra (1965, Aljebra unibertsala); Algebraic numbers and algebraic functions (1991, Zenbaki eta funtzio aljebraikoak); Elements of linear algebra (1994, Aljebra linealaren elementuak); eta Free rings and their relations (1971, Eraztun libreak eta haien arteko erlazioak) monografia. Azkeneko hau da denetan ezagunena, eraztunei buruzko emaitza garrantzitsuak jasotzen baititu. Cohnek sari ugari jaso zituen bere lanari esker: Mathematical Association of America delakoaren (Amerikako Matematika Elkartea) Lester R Ford saria (1972) eta London Mathematical Society delakoaren (Londresko Matematika Elkartea) Senior Berwick saria (1974), besteak beste.

1989an erretiratu zen, baina jardunean jarraitu zuen, irakasle emeritu gisa eta ikerketako ohorezko kide gisa 2006an hil zen arte.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q949132
Multimedia: Paul Cohn / Q949132