Pedro Salaberri

Pedro Salaberri
Bizitza
Jaiotza	Iruñea, 1947ko maiatzaren 1a (76 urte)
Herrialdea	Nafarroa Garaia, Euskal Herria
Hezkuntza
Heziketa	Iruñeko Arte eta Goi Mailako Diseinu Eskola
Hizkuntzak	gaztelania
Jarduerak
Jarduerak	margolaria
Jasotako sariak	ikusi Vianako Printzea Saria  (2022)
Mugimendua	Iruñeko Eskola

Pedro Salaberri Zuntzarren (Iruñea, Nafarroa, 1947ko maiatzaren 1a -) nafar pintorea da.

Biografia

1963tik 1968ra Iruñeko Arte eta Lanbide Eskolan ikasi zuen, eta 1973an lehenengo saria eskuratu zuen Ciudad de Pamplona lehiaketan. Urte berean egin zuen bere aurreneko bakarkako erakusketa Iruñean bertan. Ordutik aurrera, Donostia, Gasteiz, Bilbo, Santander, Zaragoza eta Madrilen erakutsi ditu bere lanak.

1975ean, Gasteizen eta Sevillan eratutako erakusketa bitan, hamarkada hartan Iruñean lanean ziharduten hainbat margolariren lanak aurkeztu ziren elkarrekin. Pedro Salaberriren margolanekin batera, besteak beste, Mariano Royo Ximenez, Pello Azketa, Pedro Manterola, Javier Morrás edota J. Antonio Eslabaren lanak aurkeztu ziren.

Urtebete lehenago, 1974an, José María Moreno Galván Triunfo aldizkarian idatzitako artikulu batean hasi zen "Escuela de Pamplona" izena zabaltzen Iruñean lanean ari zen artista taldea izendatzeko, eta urteek aurrera egin ahala hedatu egin da deitura hori.

Salaberrik Arco 95ean parte hartu zuen, eta, bi urte geroago, Paisajes de un Siglo izeneko erakusketa kolektibo ibiltarian parte hartu zuen.

2022an Kulturaren Vianako Printzea Saria eskuratu zuen.

Erreferentziak

• Datuak: Q2879418