Poloniar notazio

Aurrizki notazioa

Artizki notazioa

Atzizki notazioa

Matematikan, poloniar notazioa, aurrizki notazioa, idazkera poloniarra edo prefixu bidezko notazioa notazio mota bat da logikarako, aritmetikarako eta aljebrarako. Poloniar notazioan ez da adierazi behar parentesirik, ez beste mugatzailerik aurrena egin behar diren kalkuluak adierazteko; hala ere, ez dago anbiguotasunik ebazte ordenaren gainean. Eragileak zenbakizko balio elkartuen aurretik joan behar dira. Jan Łukasiewicz poloniar matematikariak sortu zuen notazio mota hori 1920aren inguruan, matematika eragiketen logika errazteko. Ez da asko erabiltzen egiunezko matematikan, baina bai erabiltzen da asko informatikan.

Notazioa

Eragileak zenbakien aurretik joan behar direnez, batuketaren poloniar notazioa hau da:

$\,\!{+}\ a\ b$

Egiunezko notazioan (artizkia) hau da:

$\,\!a+b$

Eragiketen ordena

Zenbat eta "barnekoagoa" den eragiketa, orduan eta lehenago exekutatu behar da.

Orduan, poloniar notazioa:

$\,\!\cdot \ {+}\ a\ b\ c$ edo $\,\!\cdot \ c\ {+}\ a\ b$

Egiunezko notazioan, hau da, hurrenez hurren:

$\,\!\left({a+b}\right)\cdot c$ edo $\,\!c\cdot \left({a+b}\right)$

ERAGIKETEN ZENBAIT ADIBIDE ETA NOTAZIO

Eragiketa	Egiunezko notazioa	Poloniar notazioa	Alderantzizko poloniar notazioa
$\,\!a+b$	a+b	+ a b	a b +
$\,\!{a+b} \over c$	(a+b)/c	/ + a b c	a b + c /
$\,\!{{a\cdot b}-{c\cdot d}} \over {e\cdot f}$	((a*b)-(c*d))/(e*f)	/ - * a b * c d * e f	a b * c d * - e f * /

Ikus, gainera

• Alderantzizko poloniar notazioa

Kanpo estekak

• Datuak: Q214510
• Multimedia: Polish notation (mathematics) / Q214510