Qinghai

Qinghai
Txinako Herri Errepublika
Administrazioa
Izen ofiziala	青海省
Estatu burujabe	Txinako Herri Errepublika
ISO 3166-2	CN-QH
Hiriburua	Xining
Gobernuburua	Liu Ning (en)
Zatiketa	ikusi Xining, Haidong Prefektura, Haibei Tibetar Prefektura autonomoa, Huangnan Tibetar Prefektura autonomoa, Hainan Tibetar Prefektura autonomoa, Guoluo Tibetar Prefektura autonomoa, Yushu Tibetar Prefektura autonomoa eta Haixi Mongoliar eta Tibetar Prefektura autonomoa
Geografia
Koordenatuak	35°N 96°E
Azalera	696.700 km²
Mugakideak	Xinjiang, Tibeteko eskualde autonomoa, Gansu eta Sichuan
Punturik altuena	Bukadaban Feng (en)
Demografia
Biztanleria	5.930.000 (2010) 5.923.957 (2020) (2010)
Dentsitatea	8,51 bizt/km²
Ordu eremua	UTC+08:00
qh.gov.cn

Qinghai (青海 txinera sinplifikatuz), Txinako Herri Errepublikako probintzia da. 721.000 kilometro koadroko azalera dauka eta 2004ko erroldaren arabera 5.390.000 biztanle bizi ziren bertan.

Inguru naturala eta kokapena

Xiningo Herritarren Parkearen ikuspegia.

Quinghai probintziaren mugakideak honakoak dira: Gansu probintzia ipar-ekialdean, Xinjiangko lurralde autonomoa ipar-mendebaldean, Sichuan probintzia hego-ekialdean, eta Tibeteko lurralde autonomoa hego-mendebaldean.

Probintziaren izena Qinghai lakutik eratorria da.

Geografia

Qinghai, Goi-ordoki tibetarraren ipar-ekialdean dago. Txinako ibai garrantzitsu guztiek Qinghai probintzian dute iturburua, Ibai Horiak probintziaren erdialdean, eta Yangtze eta Mekong ibaiek hego-mendebaldean. Erliebea, altuerak baldintzatzen du, eta batez-beste 3.000 metrotik gora daude probintziako hiri guztiak. Qinghaiko mendilerro garrantzitsuenen artean, Tanggula eta Kunlun mendiak daude.

Eskualde autonomo ez den probintziarik handiena da eta probintzian Txinako Herri Errepublikako lakurik handiena dago, Qinghai lakua. Qaidam arroa probintziaren ipar-mendebaldean dago, eta lehengai ugari aurki daitezkeen 2.600 eta 3.300 metro arteko gune oso lehorra da.

Sanjiangyuan Natura Erreserba eta Hiru Ibaien Natura erreserba, gobernuak Qinghain sortutako bi gune babestuak dira. Hiru Ibaien erreserban, Txinako hiru ibai garrantzitsuenen iturburua dagoelarik.

Klima

Klima, altuera handiak baldintzatzen du, eta urteko batez besteko tenperatura -5 eta 8 gradu artekoa da kokagunearen arabera. Urtarrilean termometroak -18 eta -7 bitartean eta uztailean 5 eta 21 gradu artean egon ohi dira.

Prezipitazioak urriak dira urte osoan zehar, baita uda garaiko montzoia denean. Horrez gain, otsailetik apirilera hare ekaitzak ugariak izaten dira.

Banaketa administratiboa

Mapa	#	Izena	Txinera sinplifikatuz	Pinyineraz	Mota
	1	Haixi (Mongoliar eta Tibetarra)	海西蒙古族藏族自治州	Hǎixī Měnggǔzú Zàngzú Zìzhìzhōu	Prefektura autonomoa
	2	Haibei (Tibetarra)	海北藏族自治州	Hǎiběi Zàngzú Zìzhìzhōu	Prefektura autonomoa
	3	Xining	西宁市	Xīníng Shì	Prefektura mailako hiria
	4	Haidong	海东地区	Hǎidōng Dìqū	Prefektura
	5	Hainan (Tibetarra)	海南藏族自治州	Hǎinán Zàngzú Zìzhìzhōu	Prefektura autonomoa
	6	Huangnan (Tibetarra)	黄南藏族自治州	Huángnán Zàngzú Zìzhìzhōu	Prefektura autonomoa
	7	Yushu (Tibetarra)	玉树藏族自治州	Yùshù Zàngzú Zìzhìzhōu	Prefektura autonomoa
	8	Golog (Tibetarra)	果洛藏族自治州	Guǒluò Zàngzú Zìzhìzhōu	Prefektura autonomoa

Politika

Qinghai probintziako gobernadorea Song Xiuyan da. Txinako Alderdi Komunistak probintzian duen ordezkaria Qiang Wei da.

Garraioa

Aireportuak

Kokapen Hiria	NAZE	NAGE	Aireportuaren izena
QINGHAI
Golmud	ZLGM	GOQ	Golmud Aireportua
Xining	ZLXN	XNN	Xining Caojiabu Aireportua

Kanpo estekak

• (Txineraz) Qinghaiko gobernuaren webgunea.

• Datuak: Q45833
• Multimedia: Qinghai / Q45833

Artikulu hau Txinako geografiari buruzko zirriborroa da. Wikipedia lagun dezakezu edukia osatuz.