Ramón Lista

Ramón Lista
	; Irudi gehiago
Governor of Santa Cruz province (en)	; 1887 - 1892 ; ← Carlos María Moyano - Edelmiro Mayer (en) →
Governor of Santa Cruz province (en)
Bizitza
Jaiotza	Buenos Aires, 1856ko irailaren 13a
Herrialdea	Argentina
Heriotza	San Ramón de la Nueva Orán (en) , 1897ko azaroaren 23a (41 urte)
Hobiratze lekua	La Recoleta hilerria
Familia
Ezkontidea(k)	Agustina Andrade (en)
Jarduerak
Jarduerak	esploratzailea

Ramón Lista ( Buenos Aires, 1856ko irailaren 13a - Orán inguruak, 1897ko azaroaren 23a) militar eta esploratzaile argentinarra izan zen, Santa Cruzeko lurralde nazionaleko bigarren gobernadorea. 1886an Suaren Lurraldeko uhartean indiar onen sarraski handi baten (selknam) arduraduna izatea leporatzen diote.

Lehen esplorazioak[aldatu | aldatu iturburu kodea]

Bere aitona Ramon Lista infanteriako koronela izan zen.

Buenos Aires Ikastetxe Nazionalean ikasi zuen. Bere familia harremanei esker, oso gaztetatik Historia eta Geografia irakasle izan zen Salvadorko Ikastetxean (Buenos Aires). 1875ean Frantziara eta Alemaniara bidaiatu zuen. 1877an Buenos Airesera itzuli zen. Germán Burmeister bere maisuaren bitartez, Argentinako Elkarte Zientifikoan sartu zen, beranduago sortu zuela esango zuen, eta Entre Ríosko probintzian esplorazio batzuk egin zituen.

1877an Patagoniara abiatu zen bere lehen esplorazioan, zeinak porrot egin zuen matxinada militar baten ondorioz Punta Arenasen (Txile).

1878ko urtarrilean Puerto Santa Cruzen lehorreratu zen Carlos María Moyano tenientearekin, eta elkarrekin esploratu zuten Santa Cruz ibaia, bere ibaiadarra Chico ibaia, eta honen ibaiadar bat, Chalía ibaia.

1879an Buenos Airesen ezkondu zen Agustina Andrade olerkariarekin, Victor Andrade (1839-1882) kazetari eta politikariaren alaba.

1880an esplorazio berriak egin zituen San Antonio badian .

1882an Misionesko probintziaren ekialdetik esplorazio bat egin zuen, honen emaitzak hurrengo urtean argitaratu zituelarik.

1884ko otsailean, Thetis badiatik, Ramón Listak gutun bat idatzi zion Tribuna Nacional egunkari roquistari, non aitortzen duen selknam indigenak arpilatu dituela Suaren Lurraldean.

1885ean, Bahía Blancatik Deseado ibairaino espedizio bat zuzentzea agindu zitzaion. Urtarrilean atera zen, Carmen de Patagones, San Antonio badia, Valcheta, Telsen, Puerto Madryn eta Trelew zeharkatu zituen. Gainontzeko bidaia, itsasontzi bidez egin zuen Deseado Porturaino, eta Deseado ibaia El Plumaraino igo zuen. Janaririk gabe, negu betean, itzuli egin behar izan zuen, eta Buenos Aires aintzira ezagutzeko aukera galdu zuen.