Redout

Wikipedia, Entziklopedia askea
Redout
Jatorria
Argitaratze-data2016
Jatorrizko herrialdeaItalia
Argitaletxea34BigThings (en) Itzuli
Banatze bideabanaketa digital eta deskarga digitala
Ezaugarriak
Genero artistikoaracing video game (en) Itzuli
Hizkuntzaingelesa, italiera, gaztelania, frantsesa, alemana, errusiera, Brasilgo portugesa, Txinera sinplifikatua, japoniera, koreera, portugesa eta txinera tradizionala
Joko-moduabakarka jokatzeko modua eta Jokalari anitzeko modua
EuskarriaMicrosoft Windows eta Nintendo Switch
Adin-sailkapenaEveryone
TelesailaRedout (en) Itzuli
Ekoizpena
Garatzailea34BigThings (en) Itzuli
34bigthings.com…

Redout anti-grabitate lasterketa-bideojoko bat da[1], 34BigThings estudio italiarrak garatu eta argitaratua. F-Zero, Wipeout, Rollcage eta POD bezalako lasterketa-jokoetan inspiratzen da, Steam-en jokoaren orrian adierazten den bezala.[2]

Jokoa Microsoft Windows-erako jarri zen martxan 2016ko irailean, eta PlayStation 4 eta Xbox One gailuetarako, berriz, 2017ko abuztuan.[3] Windowsen bertsioa errealitate birtualean joka daiteke.[4] Nintendo Switchen bertsio bat, Nicalisek argitaratua, Q2 2017 askatzeko diseinatu zen hasiera batean, baina atzeratu egin zen, eta 2019ko maiatzean atera zen.[5] 2020ko urriaren 20an kaleratu zuten jokoa Amazon Lunarako.[6]

Jostagarritasuna[aldatu | aldatu iturburu kodea]

Redout anti-grabitate lasterketa-jokoa da, 2560an kokatua. Jokalariak lehiatu egiten dira, mota ezberdinetako hainbat ibilgailu zirkuitu ezberdinetan zehar pilotatuz.[7]

Zazpi lasterketa-talde daude, eta talde bakoitzak lau ontzi ditu. Ontzi bakoitzak bere ezaugarriak ditu: azelerazioa, abiadura maximoa, itsaspena, egituraren erresistentzia, energia eta energia kargatzeko abiadura. Jokalariek beren ontziaren ezaugarriak pertsonaliza ditzakete hobekuntzak instalatuz eta sei potentzia pasibo eta aktibo aukeratuz. Bost lasterketa-gune daude (eta beste zazpi DLC bidez gehitu dira), eta bakoitzak bost zirkuitu ditu. Zirkuituen diseinuan sartzen dira kiribiltze bertikalak, jauziak, teleportatze atariak, itsaspeko sekzioak, sekzio tubularrak eta grabitate gutxiko edo batere ez duten zatiak. [beharrezko hitzordua]

Jokoak lasterketa-modu desberdinak ditu: lasterketa estandar bat; arena-lasterketak, non bizirik irauten duen azken ontziak irabazten duen; abiadura, jokalariek gutxieneko abiadurari eustea eskatzen duena; puntuazioa, jokalariak zirkuituari emanako bira bakoitzean puntuazio altuenak lortzeko lehiarazten dituena; nagusia, non jokalariek zirkuitu ezberdinen atalak zeharkatuko dituzten teleportatze atariak erabiliz; eta instagib, hormak ukituz gero lasterketa ontziek jasotako kalteak zeharo handitzen dituena. Multijokalariari dagokionez, online bidez hamabi jokalarirainoko jokaldiak antola daitezke, ostalari batek gela bat sortuz eta partaideak bertan batuz. Era lokalari dagokionez, bi jokalarik jolas dezakete gailu bakar batean, pantaila bananduaren sistema profitatuz.[8]

Anti-grabitate ontzien kontrolak hegazkinen kontrolen antzekoak dira, mugimendu lateralak eta ibilgailuaren aurreko muturraren mugimenduak barne; maldan gora joatean denean, muturra altxatu behar da ontziak lurra jo ez dezan (ontzia geldotu eta hondatzea saihesteko), eta maldan behera joatean, muturra jaitsi behar da pilotuak hobeto ikusi eta zorabiatu ez dadin (efektu estetikoa).[9]

Harrera[aldatu | aldatu iturburu kodea]

Metacritic-en, Redout-ek iruzkin positiboak jaso zituen Windows, PlayStation 4 eta Xbox One-rentzat; Switch bertsioak iritzi nahastuak jaso zituen.[10][11][12][13] PC Gamer-ek esan zuen "Itxura, soinua eta abiadurari dagokienean bete-betean jotzen du", baina "sentsazioari dagokionean geldi geratzen da".[14] Nintendo Lifek "joko nahiko ona" bezala deskribatu zuen, baina Switch bertsioaren multijokalariaren funtzionaltasuna eta errendimendua kritikatu zituen.[15] Push Squarek esan zuen "generoaren adibiderik onenetariko bat" dela, eta nagusia izeneko jolasteko moduaren lasterketak "salbuespen berezia" direla esan zuen.[16]

Sekuelak[aldatu | aldatu iturburu kodea]

Redout: Space Assault izeneko spin-off bat iOS eta macOSentzat merkaturatu zen, Apple Arcaderen bidez, 2019ko urriaren 8an. Windows, PlayStation 4, Nintendo Switch eta Xbox One-rako argitaratu ziren 2021eko urtarrilaren 22ra arte.[17][18]

Redout 2 izenburua duen Saber Interactivek argitaratutako bigarren joko bat Microsoft Windows, Nintendo Switch, PlayStation 4, PlayStation 5, Xbox One eta Xbox Series X/S-entzat argitaratu zen 2022ko ekainaren 16an.[19]

Erreferentziak[aldatu | aldatu iturburu kodea]

  1. ↑ Gamerauntsia. «Redout: Enhanced Edition» gamerauntsia.eus (Noiz kontsultatua: 2024-03-11).
  2. ↑ Redout: Enhanced Edition. Steam.
  3. ↑ «34BigThings Factsheet» 34bigthings.com.
  4. ↑ Griffin, Ben. (15 September 2016). «Redout review» PC Gamer (Future plc).
  5. ↑ (Ingelesez) «34BigThings on Twitter: "We are super happy and proud to announce that Redout will release on Nintendo Switch on May 14th!"» Twitter 2019-04-17.
  6. ↑ (Ingelesez) Gartenberg, Chaim. (2020-10-20). «Hands-on with Amazon's Luna game streaming service» The Verge.
  7. ↑ McFerran, Damien. (2017-01-13). «Nicalis Bringing Redout And The Binding of Isaac: Afterbirth+ To Nintendo Switch» Nintendo Life.
  8. ↑ Foxall, Sam. (2017-05-13). «RedoutTxantiloi:'s 1.2.0 patch finally adds local split-screen, along with its Neptune DLC» PCGamesN.
  9. ↑ (Ingelesez) Life, Nintendo. (2019-05-23). «Review: Redout - A Slightly Rough Port Of An Otherwise Decent Wipeout Wannabe» Nintendo Life (Noiz kontsultatua: 2024-03-11).
  10. ↑ «Redout (PC)» Metacritic.
  11. ↑ «Redout (PS4)» Metacritic.
  12. ↑ «Redout (XB1)» Metacritic.
  13. ↑ «Redout (NS)» Metacritic.
  14. ↑ Griffin, Ben. (2016-09-15). «Redout review» PC Gamer.
  15. ↑ Vogel, Mitch. (2019-05-23). «Redout Review (Switch)» Nintendo Life.
  16. ↑ Banas, Graham. (2017-09-11). «Redout: Lightspeed Edition (2017)» Push Square.
  17. ↑ (Ingelesez) «Redout dogfighter spin-off Space Assault is now available on Apple Arcade» Eurogamer.net 2019-10-07.
  18. ↑ (Ingelesez) «Redout: Space Assault Gets Console And PC Release Date» noisypixel.net 2020-12-16.
  19. ↑ «Redout 2 Fills the WipEout Hole in Our Hearts on PS5, PS4 Next Year» Push Square December 11, 2021.

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Redout&oldid=9636606"(e)tik eskuratuta