Salburua (hiri-hedapena)
Salburua Gasteizen ekialdean sortzen ari den hiritartze berri bat da.
2000. urtean Gasteizko Udalak hurrengo urteetarako prestatu zuen Hiri Antolamenduko Plan Nagusiak aurreikusitako hedapen handienetako bat da, Zabalganarekin batera. Auzoa zortzi sektoretan banaturik dago: Salburua deituko den auzoa (bi sektore), Santo Tomás, Izarra, Ibaialde, Arkaiate, Larrein eta Olaran.
Eraikitzeko lehen lanak 2003an hasi ziren, eta 2008rako Salburua auzoarenak amaiturik zeuden. Santo Tomás, Ibaialde eta Izarra auzoetan etxebizitzak eraikitzen ari ziren, Arkaiate eta Larreinen hiritartze lanak egiten ari ziren, eta Olaranen lanak hasi gabe zeuden.
Hiritartzearen egitura
Salburuak guztira 3.595.037 metro karratu izango ditu.
Hiritartze berriaren sektoreak
| Sektorea | Azalera | Etxebizitzak guztira | Babes Ofizialekoak | Libreak |
|---|---|---|---|---|
| S-7 (Salburua) | 103.074 m2 | 104 | 0 | 104 |
| S-8 (Salburua) | 587.616 m2 | 2.614 | 1.960 | 654 |
| S-9 (Santo Tomás) | 359.919 m2 | 2.000 | 1.460 | 540 |
| S-10 (Izarra) | 158.583 m2 | 685 | 473 | 212 |
| S-11 (Ibaialde) | 266.637 m2 | 1.679 | 1.231 | 448 |
| S-12 (Arkaiate) | 413.791 m2 | 1.935 | 1.270 | 665 |
| S-13 (Larrein) | 357.559 m2 | 1.817 | 1.313 | 504 |
| S-14 (Olaran) | 346.350 m2 | 1.511 | 1.068 | 443 |
| S-15 (Salburuko parkea) | 1.001.508 m2 | 0 | 0 | 0 |
Salburuko urmaelak
Bizitegi-auzo bat izateaz gain, Salburua hainbat urmaelez osatutako hezegune garrantzitsu bat da ere, aipatutako auzoaren ipar-ekialdean dagoena. Hauetako urmael nagusiak Arkautikoa eta Betoñukoa dira. Hauen artean Durantzarrako urmaela dago. Espazio honi Salburuko parkea deritzo, eta Gasteizko Eraztun Berdearen atal garrantzitsua da.
Salburuko parkeak hainbat behatoki dauzka hegaztiak behatzeko. Urmael hauek Euskal Herriko hezegune kontinental baliotsuenetako bat osatzen dute.
Kanpo loturak
|
Gasteizko auzoak |
|
|---|---|---|
|
Abetxuku • Aretxabaleta-Gardelegi • Adurtza • Aldaia • Alde Zaharra • Anglo-Vasco • Arana • Aranbizkarra • Arantzabela • Ariznabarra • Arkaiate • Arriaga-Lakua • Babesgabeak • Borinbizkarra • Done Jakue • Ehari-Gobeu • Ekialdeko Nekazaritza Eremua • Elejalde • Gazalbide • Hego-mendebaldeko Nekazaritza Eremua • Ipar-mendebaldeko Nekazaritza Eremua • Ibaialde • Izarra • Judimendi • Koroatzea • Larrein • Lovaina • Mariturri • Mendizorrotza • Olaran • Pilar • Salburua • San Kristobal • San Martin • Sansomendi • Santa Luzia • San Tomas • Txagorritxu • Zabalgana • Zabalgunea • Zaramaga | ||