Sansomendi

Wikipedia, Entziklopedia askea
Sansomendi
 Euskal Herria
Vitoria - Sansomendi 03.jpg
Kokapena
Herrialdea  Araba
Udalerria Gasteiz
Administrazioa
Posta kodea
Geografia
Demografia
Biztanleria 21.989 (2008)
Adierazpen errorea: Ustekabeko < eragileaEspresio akatsa: Ez dago operadorerik -(r)entzat

Sansomendi edo Lakua 03 Gasteizko (Araba) auzoa da. Hiriaren iparraldean kokaturik dago. Auzoak Arriaga-Lakuarekin egiten du muga ekialdean, eta Ehari-Gobeuko auzoarekin mendebaldean. Auzo honek bi zati berezi dauzka: alde batetik, gasteiztarren artean Sansomendi izenarekin ezagutzen dena, alegia Oto hiribidearen eta Antonio Machado kalearen artean dagoen gunea, eta bestetik Wellingtongo dukearen eta Zorrostea kalearen artean dagoena. Bigarren eremu hau, funtzionalki, Lakuaren baitan dago. Izatez, iparralderago dagoen etxadia Ibaiondo deitzen den auzoan kokaturik dago.

Auzo honen mugen barruan Ehari-Gobeuko industrialdearen zati bat sarturik dago. Etxebizitzen eremua eta lantegiak banatzen dituen parke luze batek auzoa erditik zatitzen du.

Historia[aldatu | aldatu iturburu kodea]

Sansomendi 1960ko hamarkadaren amaieratik aurrera gauzatu zen hiriaren kanpoaldean. Gaur egun auzoa hiriarekin erabat elkarturik dagoen arren, eraikitzen hasi zenean eraikita zegoen hiritik kilometro batera zeuden Sansomendiko lurrak. Horrek, auzoaren izaera markatu zuen, izan ere, etxebizitza gehienak babes ofizialekoak izan ziren, eta diru-sarrera gutxiko pertsonentzako.

1980ko hamarkadatik aurrera administrazio publikoak hiriko ijito gehienak Sansomendin biltzeko aukera sustatu zuen. Horrez gain Goardia Zibilaren koartel bat dago auzoan, 1977-78tik. Arriaga-Lakua eta Txagorritxuko auzo berriak eraiki eta gero, Sansomendi Gasteizekin erabat loturik geratu zen.

Euskarazko Wikipedian bada atari bat, gai hau duena:
Gasteiz

Kanpo estekak[aldatu | aldatu iturburu kodea]