San Joan Jainkoarenaren Ordena Ostalaria

Wikipedia, Entziklopedia askea
Jump to navigation Jump to search
San Joan Jainkoarenaren Ordena Ostalaria
Sanatorio Marítimo de Viña del Mar.svg
Latinezko izena Ordo Hospitalarius Sancti Ioannis de Deo
Goiburua Caritas
Fundatzailea(k) Joan Jainkoarena
Fundazio urtea 1572
Mota Eliza katolikoaren eskeko ordena
Nagusi jenerala Jesús Etayo
Kideak 1.061 (2015)[1]
Webgunea http://www.oh-fbf.it/Objects/Home1.asp

San Joan Jainkoarenaren Ordena Ostalaria (latinez: Ordo Hospitalarius Sancti Ioannis de Deo, O. H. laburtua) eskeko ordena katolikoa da, Joan Jainkoarenak 1572an sortu zuena. Bai eritasunengatik, bai errekurtso faltagatik, kaltetuen diren pertsonei laguntza ematea da ordenaren helburua; xede horrekin, gizarte eta osasun-jardueren nazioarteko programak abiarazi eta garatzen dituzte.[2] Ordenak mundu osoko 55 herrialdetan egiten du lan; 2015ean 1.061 anaia, 45.000 langile, 8.000 borondatezko eta 300.000 diru-emaile zituen.[1]

Historia[aldatu | aldatu iturburu kodea]

1539. urtean, Joan Jainkoarenak ospitale bat sortu zuen Granadan. 1552an, berriz, Antón Martínek Nuestra Señora del Amor de Dios Ospitalea sortu zuen Madrilen. Haien jarraitzaileek fundatu zuten ordena 1572an; hasieran Espainia eta Italian hedatu zen bereziki. XVII. mendetik aurrera, Ameriketako espainiar kolonietara zabaldu zen, eta Europa aldera ere bai. XX. mendean, Afrika, Asia eta Ozeaniara iritsi zen. XXI. mendean ere haziz joan da; horren erakusle dira Txina eta Hondurasko zentro berriak.[2] Elkartasunaren Nazioarteko Nafarroa saria jaso zuen 2006an, eta Elkartasunaren Asturiasko Printzesa saria 2015ean.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: San Joan Jainkoarenaren Ordena Ostalaria Aldatu lotura Wikidatan