Scilly uharteak

Scilly uharteak
	; St Martin's uhartea
Bertako izena	Isles of Scilly; Syllan
Geografia
Kokapena	Itsaso Zeltikoa
Uharteak denera	Biztanleekin 5 eta beste 140 jenderik gabe
Uharte nagusiak	St Mary's, Tresco, St Martin's, Bryher eta St Agnes
Azalera	16,03 km2
Politika
Herrialdea	Erresuma Batua
Estatusa	Sui generis unitarioa
Hiriburua	Hugh Town
Hiri populatuena	Hugh Town
Hiri populatuenaren biztanleria	1.068
Buruzagia	Julia Day
Gizartea
Biztanleria	2.100
Talde etnikoak	%97,3 britainiar kaukasiarrak, %2,4 atzerriko kaukasiarrak eta %0,3 beste talde etniko batzuenak

Scilly uharteak (ingelesez: Isles of Scilly; kornubieraz: Ynysek Syllan) Kornualles herrialde edo konderriko mendebaldeko kostaldean dagoen uharte multzoa da, Erresuma Batuako hego-mendebaldeko muturrean dagoelarik. Bertakoek edo uhartetarrek uharteei Scillonia izendapenaz deitzen diete. Beren azalera osoa 16,33 km²-koa da eta Itsaso Zeltikoaz (kornubieraz: Mor Keltek) inguraturik dago.

Ohitura edo usadioz uharte hauek eta Kornuallesko muturrik mendebaldekonea den Land´s End itsas-muturrak, bai eta Bretainiako Ouessant uharteak (Finisterreko frantziar departamentuan) Erresuma Batuako, Frantziako nahiz Mantxako kanaleko muturrik mendebaldekoenak izan dira, hau da, Finisterraea edo Lurraren Amaiera, handik aurrera Ozeano Atlantikoa eta Itsaso Ezezaguna hasten baitzen.

Uharte nagusiak[aldatu | aldatu iturburu kodea]

Hona hemen uhartediko uharte nagusiak (parentesi artean kornubierazko izena)

Saint Mary’s (Ennor) (1.666 bizt.) 6,29 km²
Tresco (Ynys Skaw) (180 bizt.) 2,97 km²;
Saint Martin’s (Brechiek) (142 bizt.) 2,37 km²;
Saint Agnes (Aganas) (70 bizt.) 1,48 km²;
Bryher (92 bizt.) 1,32 km²;
Gugh (Keow) (3 bizt.) 0,38 km²;
Samsom 0,21 km²;
Annet (Auk) 0,20 km²;
Saint Helen's (Ynys Elidius) 0,18 km²;
Teän 0,16 km²;
Great Ganilly (Guen Hily) 0,13 km²;
Beste 45 uharte 0,50 km²

Kirolak[aldatu | aldatu iturburu kodea]

Scilly uharteetako futbol liga jokatzen da urtero, bai eta lau Kopa txapelketa ere. "Munduko ligarik txikiena" ezizenaz ezagutzen da, bi taldek baino ez baitute parte hartzen ligan, "Woolpack Wanderers"ek eta "Garrison Gunners"ek. Talde biek 17 partida jokatzen dute elkarren aurka eta puntu gehien biltzen dituena da txapelduna.