Sokratesen heriotza

Wikipedia, Entziklopedia askea
Jump to navigation Jump to search
Sokratesen heriotza
La Mort de Socrate
David - The Death of Socrates.jpg
Egilea Jacques Louis David
Mugimendua Neoklasizismoa
Sorrera 1787
Kokalekua Metropolitan Museum of Art, New York  AEB
Materiala Olioa oihal gainean
Neurriak 130 × 196 cm

Sokratesen heriotza (frantsesez, La Mort de Socrate) Jacques-Louis Davidek 1787an bukatu zuen margolan ezaguna da. Lana Trudaine anaien enkargua izan zen. Egun, New Yorkeko Metropolitan Museum of Artearen egoitzan erakusten da.

Deskribapena[aldatu | aldatu iturburu kodea]

Margolanak Antzinako Greziako Sokrates filosofoaren heriotza erakusten du. Sokrates gazteen artean betiko jainkoen aurkako ideiak zabaltzearen eta, ondorioz, Atenasen gazteak galbideratzearen kargupean heriotzara kondenatua izan zen.

Lanaren erdian Sokratesen irudiak du nagusitasuna; eserita altxatzeko keinua egiten ari da. Sokrates ez dago lotuta nahiz eta inguruan kateak ageri. Inguruan bederatzi dizipuluek haien mina erakusten dute. Ezkerrean, eserita, etsituta, Platon dago nahiz eta historikoki egun horretan gaixorik zegoenez bera bertan ez izan; horrela aitortu zuen pentsalariak bere Fedon liburuan. Denbora hartan Platon gaztea zen baina Davidez agure bat bezala erakusten du. Pasabide baten beste aldean beste hiru gizon agertzen dira, eskailera bat igotzen eta, halaber, batek agurtzen du. Kriton Atenaskoa Sokrates ondoan eserita agertzen da, bere eskua Sokratesen iztar gainean pausatuta; pozoia ez hartzeko emate du adierazten diola. Sokatesek bukatu berria du arimaren hilezkortasunaren gaineko diskurtsoa eta prest dago pozoia hartzeko. Kartzelazainak, lotsatuta, zikuta kopa luzatzen dio.[1]

Platon zahar bat bezala irudikatuta margolanean.

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

  1. Sébastien Allard: « La mort dans l'âme : Essai sur la représentation des derniers moments de Socrate dans la peinture française du xviiie siècle »

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Sokratesen heriotza Aldatu lotura Wikidatan