Sona Jobarteh

Sona Jobarteh
	; Irudi gehiago
Bizitza
Jaiotza	Londres, 1983ko urriaren 17a (40 urte)
Herrialdea	Gambia ; Erresuma Batua
Familia
Familia	ikusi Amadou Bansang Jobarteh (en) (aitona);
Hezkuntza
Heziketa	The Purcell School for Young Musicians (en)
Hizkuntzak	ingelesa
Jarduerak
Jarduerak	musikaria eta abeslaria
Jasotako sariak	ikusi OkayAfrica 100 Women (2017) ; OkayAfrica 100 Women (2019) ;
	sonajobarteh.com

Maya Sona Jobarteh (Londres, 1983ko urriaren 17a) abeslari, musikagile eta aktore gambiarra eta ingelesa da^[1]. Griot familia batetik datorren aurreneko emakumezko kora jotzaile profesionala da^[2].

Biografia[aldatu | aldatu iturburu kodea]

Londresen jaio bazen ere bere gambiar jatorria aldarrikatzen du^[2] eta Ingalaterran beste bizi da Gambian. Afrika mendebaldeko tradizioak zabaldu eta berrinterpretatzen ditu, musiko garaikideek hip-hop eta jazzarekin egiten dituzten uztartzeak baztertuz.

Afrika mendebaldeko bost kora-jotzaile familia garrantzitsu daude eta horietako baten parte da Sona Jobarteh. Amadu Bansang Jobarteh kora jotzaile handiaren biloba da^[1]. Kora 21 soka dituen harpa antzeko musika tresna da, aitarengandik semearengana pasatzen dena^[2], eta Jobarteh aurreneko emakumezko kora jotzaile profesionala bihurtu da. 11 urte zaharragoa den Tunde Jegede anaiak erakutsi zion hiru urte baino ez zituela eta Gambiara anaiarekin edo aitarekin egiten zituen urteroko bidaietan praktikatzen zuen^[3].

Londresko Royal College of Music kontserbatorioan txelo, piano eta harpa ikasketak egin zituen eta Purcell School of Music gazteentzako akademian musika konposatzen ikasi zuen^[1].

Musika ibilbidea[aldatu | aldatu iturburu kodea]

Lau urte zituela hartu zuen parte emanaldi batean Londresko Jazz Café-ren eskenatokian^[4] eta haurtzaroan hainbat jaialditan haru zuen parte. Ikasle zela hainbat orkestratako proiektutan aritu zen, Royal Philharmonic Orchestrarekin ere kolaboratu zuen emanaldi batzuetan. Horrela iritsi ziren Spoken Herbs eta Nu Beginin diskoetako partehartzeak. 2005 urtean 500 Years Later filmean Tunde Jegede anaiak egin zuen soinubanda eta Sona Jobarteh kora-jotzaile gisa azaldu zen^[4].

2008 urtean Afro Acoustic Soul diskoa atera zuen, bere aurrenekoa. Abestiek maitasun gazigozoetaz hitzegiten zuten eta gai sozialak lantzen dituzten hitzak ere badaude^[1].

2010 urtean Afrikari buruzko dokumentala zen Motherland filmeko soinubanda egin zuen^[5]. Afrika mendebaldeko Griot tradizioa islatu zuen konposizioetan^[1].

2011n bigarren diskoa atera zuen, Fasiya^[1].