Stictoleptura scutellata
| Stictoleptura scutellata | |
|---|---|
 | |
| Sailkapen zientifikoa | |
| Erreinua | Animalia |
| Filuma | Arthropoda |
| Klasea | Insecta |
| Ordena | Coleoptera |
| Familia | Cerambycidae |
| Leinua | Lepturini |
| Generoa | Stictoleptura |
| Espeziea | Stictoleptura scutellata Fabricius, 1781 |
Stictoleptura scutellata Cerambycidae familiako kakalardoa da. Europan, Ekialde Hurbilean eta Afrika iparraldean bizi da. Euskal Herrian ere aurkitzen da[1].
Deskribapena[aldatu | aldatu iturburu kodea]
Tamaina txikiko kakalardoa da, 12-21 mm neurtzen ditu. Arrak emeak baino txikiagoak dira. Guztiz beltza da kolorez. Burua, pronotoa eta elitroak puntuz josita ditu eta zilar koloreko ile txikiz estalita daude, animaliari distira urdinxka emanez. Elitroak luzeak eta nahiko estuak dira. Elitroen artean duen ezkutu triangeluarra horixka izaten da[2].
Buruan antena sendoak eta nahiko luzeak ditu, gorputzaren luzeraren bi heren inguru hartzen dute.
Habitata[aldatu | aldatu iturburu kodea]
Baso hostoerorkorretan aurkitzen da, beldarrak zuhaitzen enbor lehorretako zurez elikatzen baitira. Helduek loreetako nektarra hartzen dute[2].
Bizi zikloa[aldatu | aldatu iturburu kodea]
Bi urtetako bizi zikloa osatzen dute. Larbak enborretan bizi dira eta beratn sortzen dute pupa. Bigarren urteko udaberrian jaiotzen dira helduak eta maiatza eta iraila artean ikusten dira[3].
Iruditegia[aldatu | aldatu iturburu kodea]
-
Stictoleptura scutellata. -
Heldua lore gainean. -
Bikotea.
Erreferentziak[aldatu | aldatu iturburu kodea]
- ↑ «EHAEko Coleoptera Catalogoa|Heteropterus» www.heteropterus.org (Noiz kontsultatua: 2023-09-09).
- ↑ a b «Stictoleptura scutellata - 30993» www.asturnatura.com (Noiz kontsultatua: 2024-02-29).
- ↑ «Stictoleptura scutellata» www.cerambyx.uochb.cz (Noiz kontsultatua: 2024-02-29).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q1533765
Multimedia: Stictoleptura scutellata / Q1533765
Espezieak: Stictoleptura scutellata