Vicente González Moreno

Wikipedia, Entziklopedia askea
Hona jauzi: nabigazioa, Bilatu
Vicente González Moreno
Gómez Moreno - Magués.jpg
Bizitza
Jaiotza Cádiz1778ko abenduaren 9a
Herrialdea  Espainia
Heriotza Urdazubi1839ko irailaren 6a (60 urte)
Heriotza modua Atentatua
Hezkuntza
Hizkuntzak gaztelania
Jarduerak
Jarduerak militarra
Zerbitzu militarra
Gradua jeneral
Gatazka Iberiar Penintsulako Gerra
Lehen Karlistaldia

Vicente González Moreno (Cadiz, 1778ko abenduaren 9a - Urdazubi, 1839ko irailaren 6a) Espainiako militar karlista izan zen. Oso gazte zela Frantziako Konbentzioaren aurkako gerran parte hartu zuen. Kapitain izendatu zuten 1801. urtean. Napoleonen armadaren inbasioari aurre egiteko 9.000 lagunek osaturiko gudarostea eratu eta Zaragoza eta Tuterako hiriak hartu zituen, besteak beste. Mariskal izendatu zuten 1830. urtean eta Torrijos jeneral liberalaren matxinada zapuztu zuen. Torrijos eta bere gizonak fusilatu zituen. Granadako kapitain nagusi izendatu zuten ondoren. Fernando VII.a hildakoan (1833), Karlos V.a erregegaiaren esanetara jarri zen eta hark Ingalaterra, Frantzia eta Euskal Herrira eginiko bidaietan lagundu zion. Zumalakarregi hil eta gero Iparraldeko Armadako jeneral nagusi izendatu zuten, baina postu hartatik kendu zuten Mendigorriko hondamendiaren ondoren. 1837. urtean Kapitain Nagusi izendatu zuten. González Morenok ez zuen sekula harreman onik izan Marotorekin eta Bergarako Besarkadaren aurka zeuden militarren buru jarri zen. Ipar Euskal Herrira ihes egiten saiatu zen batean atxilo hartu eta hil egin zuten Marotoren jarraitzaileek.

Erreferentziak[aldatu | aldatu iturburu kodea]