Vicky bikingoa

Vicky bikingoa
Jatorria
Sortzailea(k)	Nippon Animation (en)
Jatorrizko hizkuntza	japoniera
Jatorrizko herrialdea	Alemania eta Japonia
Sasoi kopurua	3
Atalak	78
Ezaugarriak
Genero artistikoa	abenturazko anime eta manga
Iraupena	23 minutu
Emanaldia
Jatorrizko igorlea	ZDF
Hasiera-data	1974ko urtarrilaren 31
Amaiera-data	1975eko irailaren 24a
Fikzioa
	ikusi Vicky (en) ;
	vicke.ne.jp

Vicky bikingoa (alemanez: Wickie und die starken Männer; japonieraz 小さなバイキングビッケ) 1974an sortutako germano-japoniar marrazki bizidun telesail bat izan zen. Nippon Animation ekoiztetxeak ekoiztu zuen eta 78 atalez osatu zen, bakoitzak 22 minutu irauten zituelarik. Alemanian ZDF telebista katean 1974ko urtarrilaren 31n estreinatu zen, Japonian aldiz Fuji Television katean 1974ko apirilaren 3a eta 1975eko irailaren 24a artean emititu zen.

Lehenbiziko aldiz Hego Euskal Herrian 1975an TVE1 espainiar kateak emititu zuen, aldiz Ipar Euskal Herrian TF1 frantziar kateak 1979ko uztailaren 9an emititu zuen, berehala haur nahiz helduen artean oso ezaguna egin zelarik. Gerora, 1990eko hamarkadan zehar ETB 1 eta ETB 2 kateetan ere Euskal Herri osoan euskaraz nahiz gaztelaniaz emititu zen.

Istorioa

Oharra: Atal honek istorio osoa edo amaiera argitzen du.

Marrazki bizidun telesail honek bikingoak nolakoak ziren azaltzen digu (nahiz eta azaletik izan, euren kultura nolakoa zen jakiteko adina bai), euren itsasontziak, herriak, eta gehienbat, edozein egoeratan adimena bortizkeriaren gainetik erabiltzeak haientzat zuen garrantzia agertarazten digu.

Runer Johnson suediar idazleak sortutako pertsonaian oinarritzen da. Aurretik emititutako "Heidi" eta "Marco" telesailetatik urruntzen zen, azken hauek giro melodramatiko batean girotzen baitziren.

Telesailak Flake herriko Vicky bikingoa du protagonistatzat. Herrikideak oldarkorrak eta bortizkeria zaleak diren bitartean, Vicky izua eta ahula da, eta adimenaz konpondu nahi izaten ditu aurkitzen dituen arazoak. Vickyren aita, Halvar, herriko buruzagia da eta gerlarien kapitaina. Askotan eramango du Vicky haiekin espedizioetan, hasieran honela semea gizonduko duelakoan, eta gerora haren adimena baliagarri dela konturatzean.

Pertsonaiak

Vicky, saioko protagonista, 9 urte inguruko mutikoa da. Fisikoki ahula, izua eta beldurtia da, baina adimen azkarrekoa.
Halvar, Vickyren aita. Begian adabakia du, Flake herriko bikingoen buruzagia da. Gerlari ausarta eta ahoberoa, arazoak indarrez konpontzeko joera du.
Tjure eta Snorre, Halvarren taldean beti elkarri mokoka dabiltzan bi gerlari.
Urobe, herrixkako jakintsua eta druida. Vickyk bezainbat asmamen ez duen arren, ezagutza handia gordetzen du buruan, batez ere elezaharrei buruzkoa.
Faxe herrixkako gerlaririk handiena eta intartsuena da, baina baita motelena ere.
Gorm, Halvarren ontzian behatokian egon ohi den gerlaria. Errez kitzikatzen da, eta sarritan dio "liluraturik" dagoela.
Ulme, herrixkako bardoa, zintzoa eta poesia eta bertsozalea.
Ylva, Vickyren ama, aita baino askoz ulerkorragoa.
Gilby, herrixkako mutikorik indartsuena, eta Vickyren lehiakidea haurren munduan.
Sven, "Ikaragarria", bikingoa eta pirata gaiztoa, Vickyren herritarrei lapurtzeko beti prest dena.
Ylvie ("Ticky" zenbait tokitan), Vickyren auzokide eta laguna den neskatoa.
Pokka, Svenen laguntzailea.
Baltac, ondoko Schlack herriko buruzagia.

Ahotsak eta bikoizketa

K2000 etxeak egin zuen euskarazko bikoizketa: Hemen aktore eta bikoizleen zenbait ahots:


Pertsonaia	Jatorrizkoa (alemaniarra)	Jatorrizkoa (japoniarra)	Bikoizlea
Vicky	Florian Halm	Yōko Kuri	Monica Erdozia
Narratzailea	Manfred Seipold	Eiko Masuyama	Alvaro Sanchez
Halvar	Walter Reichelt	Kōsei Tomita	Jose Antonio Calzada
Ylva	Inge Schulz	Taeko Nakanishi	Belen Oskoz
Ulme	Kurt Zips	Setsuo Wakui	Josu Varela
Gorm	Manfred Lichtenfeld	Shun Yashiro	Josu Varela
Urobe	Leo Bardischewski	Kōichi Kitamura	Jose Luis Irigoien
Snorre	Eberhard Storeck	Junpei Takiguchi	Iker Diaz
Tejure	Werner Abrolat	Takashi Satomi	Pedro Arrieta
Snorreren emaztea	Lorley Katz		Mertxe Zubiaur
Faxe	Gernot Duda	Toku Nishio	Eduardo Gorriño
Ylvie	Alexandra Ludwig, Christa Hôssler	Yoneko Matsukane	Ana Tere Bengoetxea
Sven	Herbert Weicker, Dietrich Thoms	Masayuki Katō, Chikao Ōtsuka
Baltac	Herbert Weicker	Masashi Amenomori

Sarrerako abestia

Vicky bikingoa telesailaren euskarazko bertsioa Txema Regaladok abesten du eta bere hasierako abestiko hitzak honako hauek dira:

Vicky bikingoa telesaileko sarrerako abestia euskaraz entzuteko sakatu hemen.

Jei jei Vicky, Jei Vicky Jei,
mutil koxkor azkarra,
Jei jei Vicky, adimena,
behar dugun indarra,
Na na na, na na na, Vicky!

Giza txarrak bazterretan,
odolzale txit ankerrak,
nor da denen horien nerabe?
Vicky, ekin, gu garaile!

Jei jei Vicky, Jei Vicky Jei,
mutil koxkor azkarra,
Jei jei Vicky, adimena,
behar dugun indarra,
Na na na, na na na, Vicky!
Jeiiiii!

Kanpo estekak

Datuak: Q713578