Zacatecas

Wikipedia, Entziklopedia askea
Hona jauzi: nabigazioa, Bilatu
Zacatecas
Coat of arms of Zacatecas.svg
Administrazioa
Herrialdea  Mexiko
Hiriburua Zacatecas
Gobernadorea Alejandro Tello Cristerna (PRI)
Laburdura Zac.
Diputatuak 10
Geografia
Koordenatuak 23° 17′ 34″ N, 102° 42′ 02″ W / 23.292777777778°N,102.70055555556°W / 23.292777777778; -102.70055555556Koordenatuak: 23° 17′ 34″ N, 102° 42′ 02″ W / 23.292777777778°N,102.70055555556°W / 23.292777777778; -102.70055555556
Zacatecas in Mexico (location map scheme).svg
Azalera 75.539 km²
Demografia
Biztanleria 1.490.668 biztanle (2010[1])
Dentsitatea 19.73 bizt/km²
www.zacatecas.gob.mx

Zacatecas Mexikoko 31 estatu federaletako bat da, herrialdearen erdialdean dagoena. Iparraldean Coahuila de Zaragozarekin du muga, ipar-mendebaldean Durangorekin, mendebaldean Nayaritekin, ekialdean San Luis Potosírekin eta hegoaldean Jalisco eta Aguascalientesekin. 75.539 kilometro koadroko eremua hartzen du, eta 2010ean 1.490.668 biztanle zituen.[1] 58 udalerritan banaturik dago. Hiriburua Zacatecas da, eta udalerri jendetsuena Fresnillo.

Jarduera ekonomiko garrantzitsuenak meatzaritza, nekazaritza eta turismoa dira. Zacatecasi entzute handia eman diote bertako zilar-hobi handiek, arkitektura kolonialak eta baita Mexikoko Iraultzan izan zuen garrantziak ere.

Geografia[aldatu | aldatu iturburu kodea]

Mexikoko erdialdeko goi-ordokian dago Zacatecas, Iparraldeko goi-ordokiaren hego muturrean, eremu zabal elkorrez eta hauek zeharkatzen dituzten mendi lerroez osatua. Hegoaldean 3.000 m. inguruko mendiek dituen Zacatecasko mendi lerroa nabarmentzen da. Mendi lerro gehienak sumendietako gaiz osatuak daude. Klima lehor eta euri gutxikoa du, eta 2-15 °C bitarteko hozberoa. '

Historia[aldatu | aldatu iturburu kodea]

1540an Peralmides Chirinok hartu zuen eskualde hori, baina lurralde pobrea zela eta, berehala utzi zuen. Handik sei urtera, ordea, zilar meatzeak aurkitu ziren bertan, eta haien ustiaketa izan zen kolonizazio garaiko lanbide nagusia. Nueva Galicia lurraldearen barnean geratu zen XVI. mende erdialdetik aurrera. 1824an, Mexikoko Errepublikaren estatu bihurtu zen.

Ekonomia[aldatu | aldatu iturburu kodea]

Klimaren ezaugarriak direla eta, nekazaritza gutxi izan da, baina ureztatze artifizialei esker laborea eta kanabera ustiatu da. Meatzeak daude Zacatecas mendi lerroan. Garrantzitsuak dira elikagaien industria (esnea, alkohola, azukrea, irina, olioa), ehungintza, larrugintza eta kimika industria.

Erreferentziak[aldatu | aldatu iturburu kodea]

  1. a b Macmillan, Palgrave, The Statesman's Yearbook 2017: The Politics, Cultures and Economies of the World, 823. orrialdea, Macmillan Publishers, books.google.es
Wikimedia Commonsen badira fitxategi gehiago, gai hau dutenak: Zacatecas Aldatu lotura Wikidatan