Zodiako

Lurraren orbitak Eguzkiaren inguruan azken honen itxurazko mugimendua eragiten du ekliptikan zehar (gorriz). Lurraren ardatzak 23,4º-ko inklinazioa du ekliptikaren planoarekin, eta Lurraren ekuatorearen proiekzioa zeruan urdin-argiz ageri da hemen.

Zodiakoaren 12 konstelazioen argazkiak.

Astronomian, zodiakoa (grekoa: ζῳδιακός, zōidiakos) ekliptikaren gaineko zirkulu edo zerrenda bat da, 30°-ko zeru-longitudeko 12 zatiz osatua. Historikoki, 12 zati horiei zeinu deritze. Beraz, zodiakoa zeruko koordenatu-sistema bat da, ekliptikan oinarritua, ekliptika hartzen baitu latitudearen jatorritzat, eta Eguzkiak neguko ekinokzioan duen posizioa, berriz, longitudearen jatorritzat. 13 edo 14 konstelazio hartzen ditu.

Astrologian, zodiakoaren oinarria da Eguzkiaren, Ilargiaren eta planeten zeru-ibilbidea hartzen duen zeru-zerrendaren banaketan oinarritzen da. Hamabi zati dira, eta, hilabete bakoitzean, sektore bat aurreratzen da. Sektore bakoitzak konstelazio tradizional bat dauka, eta sektorearen izena, zeinua, konstelazioaren izena da.

Babiloniarrek eta grekoek egin zuten banaketa hori, eta sektore bakoitzean nabarmenen agertzen zen konstelazioaren izena eman zioten. Mendebaldeko astrologian funtsezko garrantzia du zodiakoak. Txinako astrologiak ere garrantzia ematen dio zeru-eskualde horri, baina zodiako desberdina erabiltzen du.

Zodiakoaren zeinuak

Hauek dira zodiakoko hamabi zeinuak eta konstelazioak:

Konstelazioa	Ikurra	Zeinu astrologikoa Datak	Egun-kopurua	Eguzkia benetan noiz dagoen konstelazioan (2012an)	Egun-kopurua
Aries (Aharia)		Aries 21-03 - 20-04	30	18-04 - 13-05	25,5
Taurus (Zezena)		Taurus 20-04 - 20-05	31	13-05 - 21-06	38,2
Gemini (Bikiak)		Gemini 21-05 - 21-06	32	21-06 - 20-07	29,3
Cancer (Karramarroa)		Cancer 22-06 - 22-07	31	20-07 - 10-08	21,1
Leo (Lehoia)		Leo 23-07 - 23-08	32	10-08 - 16-09	36,9
Virgo (Birjina)		Virgo 24-08 - 22-09	30	16-09 - 30-10	44,5
Libra (Balantza)		Libra 23-09 - 23-10	31	30-10 - 20-11	21,1
Scorpio (Eskorpioia)		Scorpio 24-10 - 21-11	29	20-11 - 29-11	8,4
Sagittarius (Sagitarioa)		Sagittarius 22-11 - 21-12	30	18-12 - 20-01	33,6
Capricornus (Kaprikornioa)		Capricornus 22-12 - 19-01	29	20-01 - 16-02	27,4
Aquarius (Akuarioa)		Aquarius 20-01 - 18-02	30	16-02 - 11-03	23,9
Pisces (Arraina)		Pisces 19-02 - 20-03	30/31	11-03 - 18-04	37,7
GUZTIRA			365/366		366

Kanpo estekak

• Zer da zodiakoa?

• Datuak: Q40540
• Multimedia: Zodiac / Q40540