Ángel María Villar
| Datu pertsonalak | ||
|---|---|---|
| Izen osoa | Ángel María Villar Llona | |
| Jaio | 1950eko urtarrilaren 21a | |
Bilbo, Bizkaia ( EH) |
||
| Posizioa | Erdilaria | |
| Futbolari ibilbidea | ||
| Urteak | Taldea | Part. (golak) |
| 1968-69 1969-70 1970-81 |
Galdakao KE Getxo KK Athletic Club |
361 (11) |
Ángel María Villar Llona, (Bilbo, 1950eko urtarrilaren 21a - ) euskal futbolari ohia eta futbol buruzagia da. Euskal Herriko futbol selekzioarekin ere lau aldiz jokatu zituen. Egun Espainiako Futbol Federakuntzaren presidente, FIFAko presidenteordea eta UEFAko hirugarren presidenteordea da. Zuzenbidea ikasi zuen Deustuko Unibertsitatean.
Hemeretzi urte zituela, kimikako ikasle zela, Bilboko Athletic futbol taldeak kontratatu zuen jokalari profesional gisa. Ikasketak bertan behera utzi zituen; baina hogeita hiru urterekin, berriro ikasten hastea erabaki zuen, zuzenbide karrera, kimikakoaren ordez. 1979an lortu zuen lizentzia eta harrezkero legelari gisa jardun zuen, beste bi legelarirekin batera. Gaztetan Galdakao eta Getxo taldeetan jokatu ondoren, 1970ean Bilboko Athleticen egin zuen debuta futbolari profesional gisa. Bere futbolari karrerako hemeretzi urteetatik hamaika talde horretan jokatu ditu; 1973ko Espainiako Errege Kopa irabazi zuen, eta 1997an txapeldunorde geratu ziren Kopan eta UEFAn. Espainiako selekzioarekin, berriz, 22 aldiz jokatu zuen, Ladislao Kubalaren esanetara gehienetan. 1978an Espainiar Futbolari Elkartearen sortzaileetako bat izan zen eta elkarteko lehendakariorde izatera iritsi zen. 1981ean, profesional gisa jokatzeari utzi zion urtean, Bizkaiko Futbol Federazioko lehendakari hautatu zuten, eta 1988an Espainiako Futbol Errege Federaziokoa. 1984tik aurrera federazio horretako Zuzendaritza Batzordeko kide izana zen. 1992an berriro hautatu zuten lehendakari beste lau urtetarako, eta karguan berretsi zuten ostera 1996an.
[aldatu] Palmaresa
- Errege Kopa 1 (1972-73)
[aldatu] Kanpo loturak
 |
Artikulu hau biografia bati buruzko zirriborroa da. Wikipedia lagun dezakezu edukia osatuz. |
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
