Éric Rohmer
Éric Rohmer —jaiotza-izena: Jean-Marie Maurice Schérer— (Nancy, Frantzia, 1920 - Paris, Frantzia, 2010) zinemagilea eta kritikaria izan zen.
[aldatu] Bizitza
Zinema-irakaslea izan zen, eta zinema-kritikak idatzi zituen Gazette du Cinéma eta Cahiers du Cinéma aldizkarietan; 1957an Alfred Hitchcocki buruzko liburu bat idatzi zuen Claude Chabrolekin batera. Nouvelle Vague mugimenduko kidea izan zen. Hasieran film laburrak egin zituen; 1959an lehen film luzea egin zuen, Le signe du lion (Lehoiaren zeinua). Telebistarako film pedagogikoak ere egin zituen.
Rohmerren filmografiak bi sail nabarmen ditu; Contes moraux (Ipuin moralak) da lehena, zazpi filmetan gizon baten eta bi emakumeren historia umore handiz eta antzezle ezezagunekin, komedia moduan kontatzen duena: La collectionneuse (1967, Bildumagilea), Ma nuit chez Maud (1969, Mauderenean pasa nuen gaua), Le genou de Claire (1970, Claireren belauna). Gero bi eleberri klasiko egokitu zituen: La marquise d´O (1976, O-ko markesa) eta Perceval, le gallois (1978, Perceval, galiarra).
1980tik aurrera Comédies et Proverbes saila (Komediak eta esaera zaharrak) egin zuen; egunoroko pasadizoak kontatzen dituzten filmak, hizketen bat-batekotasuna, kronika kutsua eta umorea ezaugarri dutenak eta antzezle ezezagunekin eginak: La femme de l´aviateur (1981, Abiadorearen emaztea), Le beau mariage (1982, Ezkontza ederra), Le rayon vert (1986, Izpi berdea).
1990ean beste sail bat hasi zuen, Contes des quatre saisons (Lau urtaroetako ipuinak): Conte de printemps (1990, Udaberriko ipuina) eta Conte d´hiver (1991, Neguko ipuina).
Les Amours d'Astrée et Céladon (2007) du azken filma.
[aldatu] Filmak
- Journal d'un scélérat (1950)
- Présentation ou Charlotte et son steak (1951)
- Les Petites filles modèles (1952)
- Bérénice (1954)
- La Sonate à Kreutzer (1956)
- Véronique et son cancre (1958)
- Le Signe du Lion (1959)
- La Carrière de Suzanne (1963)
- La Boulangère de Monceau (1962)
- Nadja à Paris (1964)
- Place de l'Étoile (1965)
- Une Étudiante d'aujourd'hui (1966)
- Fermière à Montfauçon (1967)
- La Collectionneuse (1967)
- Mi noche con Maud (1969)
- Le Genou de Claire (1971)
- L'Amour l'après-midi (1972)
- La marquesa de O (1976)
- Perceval le Gallois (1978)
- La Femme de l'aviateur (1980)
- La buena boda (1982)
- Loup y es-tu? (1983)
- Pauline en la playa (1983)
- Les Nuits de la pleine lune (1984)
- Le Rayon vert (1986)
- Quatre aventures de Reinette et Mirabelle (1987)
- L'Ami de mon amie (1987)
- Cuento de primavera (1990)
- Conte d'hiver (1992)
- L'Arbre, le maire et la médiathèque (1993)
- Les Rendez-vous de Paris (1995)
- Cuento de verano (1996)
- Conte d'automne (1998)
- L'Anglaise et le duc (2000)
- Triple Agent (2004)
- Les Amours d'Astrée et Céladon (2007)
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
