Abebe Bikila

Wikipedia(e)tik
Hona jo: nabigazioa, Bilatu
Abebe Bikila
Abebe Bikila
Erromako Olinpiar Jokoetako garaipenaren oroigarri plaka
Datu pertsonalak
Izen osoa አበበ ቢቂላ
Jaio 1932ko abuztuaren 7a
Jato, Amhara (Etiopia)
Hil 1973ko urriaren 25a
Addis Abeba (Etiopia)

Abebe Bikila (ge'ez alfabetoan: አበበ ቢቂላ) (Jato, Amhara, 1932ko abuztuaren 7a - Addis Abeba, 1973ko urriaren 25a) distantzia luzeko lasterketetan aritzen zen etiopiar atleta izan zen. 1960 eta 1964ko Olinpiar Jokoetan maratoiko urrezko domina irabazi zuen.

Biografia[aldatu | aldatu iturburu kodea]

Abebe Bikila Etiopiako herrixka bateko ahuntzain baten semea zen. 17 urterekin Addis Abebara joan eta Haile Selassieren Guardia Inperialean sartu zen. Onni Niskanen suediar prestatzailearen eskutik, 1960ko Olinpiar Jokoetako maratoian aritzeko entrenatu zen[1]. Lasterketaren egunean, kirol oinetakoek min ematen ziotela eta, oinutsik laster egitea erabaki zuen. Bikilak, lasterketa irabazteaz gain, munduko errekorra hautsi zuen, 2:15:16.2 denborarekin[2]. Garaipen horrekin, Olinpiar Jokoetan urrezko domina irabazten zuen Saharaz hegoaldeko Afrikako lehen atleta bilakatu zen.

Lau urte geroago, Tokioko Olinpiar Jokoetan, berriro urrezko domina eskuratu zuen. Orduan ere munduko marka berria ezarri zuen: 2:12:11. 1968ko Olinpiar Jokoetan, lesio baten, eta oxigeno urritasunaren ondorioz, 17. kilometroan proba utzi behar izan zuen. Urte bat geroago, zirkulazio istripu batean paraplegiko geratu zen[2].

1973ko urriaren 25ean hil zen, garuneko odoljario batek jota. Hiletan 65.000 lagun bildu ziren Etiopiako heroi nazionalari adio esateko[2].

Lortutako sari nagusiak[aldatu | aldatu iturburu kodea]

Olinpiar Jokoak
Urrea 1960ko Udako Olinpiar Jokoak (Erroma) Maratoia
Urrea 1964ko Udako Olinpiar Jokoak (Tokio) Maratoia

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Abebe Bikila Aldatu lotura Wikidatan