Aldaiko Irristaketa Kirol Taldea

Aldaiko Irristaketa Kirol Taldea Laudioko patinaje^[1] talde bat da. 2009ko urtarrilaren 15ean sortu zen elkartea.

Izena herri honetan dagoen "Aldaiko" toponimotik hartu du; elkarteak erabiltzen duen "Aldaiko plaza" deritzonari bere behean pasatzen den "Aldaikoerreka" lekuizenagatik bataiatu zuten horrela.

Elkartearen helburuak[aldatu | aldatu iturburu kodea]

Elkarteak markatuta dituen helburuak hauek dira:

Hainbat ekimenen bidez (klaseak, irteerak, herrian zehar ibilaldiak egitea...) Laudion patinatzaile-kopurua handitzea, kirol hau ezagunago bilakatzeko asmotan.
Ikastaroak emanez eta gai honen garrantzia azpimarratuz patinatzean segurtasunari lehentasuna ematea, kirol honekin izaten diren lehenengo esperientziak gozagarriagoak izateko.
Kirol-ekintza honen ezagupenean sakonduz aisialdia jostagarria den ekintza batekin betetzea, osasunaren gainean eragin positiboa edukitzeko.
Komunean hainbat ekintza burutuz beste patinaje kirol taldeekin harremanak izatea, elkartrukatzeak egin ahal izateko.

Elkarteak antolatzen dituen ekintzak[aldatu | aldatu iturburu kodea]

Ekintza pedagogikoak[aldatu | aldatu iturburu kodea]

Hiruhilabeteko irristalaritza-ikastaroak, larunbatetan burutzen direnak. Laudioko Aldaiko plazan antolatzen diren eskolak dira. Maila desberdinen arabera taldeak osatzen dira eta Bilboko Zona Verde^[2] taldeko monitoreek ematen dituzte.
Asteazkenero Laudioko Institutuan elkartzen gara. Ikastaroetan ikasitakoa praktikatzea da helburua.

Aisirako ekintzak[aldatu | aldatu iturburu kodea]

Hainbat irteera antolatu ditu: Muskizgo bidegorrian zehar patinatzera joatea, patin-dantzari buruzko ikastaro batean parte hartzeko Gasteizerako bidaia prestatzea eta hiri bereko izotz-pistara ere joan dira.
2009ko irailean antolatutako "Mugikortasunaren astearen" barruan Laudioko Txirrindularitza Elkartearekin batera, herrian zehar ibilaldi bat antolatu zuten, bai bizikletaz bai patinetan egiteko.

Informazioa errazteko ekintzak[aldatu | aldatu iturburu kodea]

Kanpo estekak[aldatu | aldatu iturburu kodea]

Antzeko beste elkarte batzuekin harremanak garatzen hasiak dira. Euren artean hauexek daude: Gasteizko Gaubela ^[3], Amurrioko Patinaje Taldekoekin...