Arria erreka edo ArrierrekaBizkaiko erreka da, Oiz mendian jaio eta Ibaizabalera isurtzen dena eskuinetik azken hau Durangora heldu baino lehen. Erripa handidun erreka da eta tradizioz errota eta burdinola ugari egon dira bertan, baita Bizkaiko lehen paper-fabrika[1] ere. Instalazio hauek, XX. mende hasieran zentral hidroelektriko txikiek ordezkatu zituzten, Durango elektrizitatez hornitzeko, horretarako makinaria zein instalazio osagarriak (kanalak) gaur egunera arte ere Durangoko Udalaren jabetza izanik. Hori dela eta, normala da presak eta makinaria mugiarazteko ura eramaten duten kanalak aurkitzea bertan.
