Eduardo Urkulo
Eduardo Urkulo (Santurtzi, 1938ko irailaren 21a - Madril, 2003ko martxoaren 31a) euskal herritar margolari eta eskultorea izan zen.
Biografia
Oviedoko La Nueva España egunkarian komikiak egiten hasi zen. 1957an La Felguerako Hogar del Productor aretoan erakustaldia egin ondoren, Langreoko Udalak Madril eta Parisen ikasteko beka eman zion. Asturiasera itzuli eta Oviedon lan egin zuen. 1960ko hamarkadan informalismo abstraktua eta 1975 eta 1979 artean pop artea[1] landu zituen. Bere azkeen urteetan geisharen ikonografia landu zuen[2].
Bere eskultura nagusiak:
- "El viajero" (Madrilgo Atocha geltokia, 1992)
- "El regreso de William B. Arrensberg" (Oviedoko Porlier plaza, 1993)
- "Exaltación de la manzana" (Villaviciosako Vallina parkea, 1996)
- "Homenaje a Emilio Alarcos" (Oviedo, 1999)
- "Homenaje a Santiago Roldán" (Bartzelona, 1999).