Equisetum arvense

Wikipedia(e)tik
Hona jo: nabigazioa, Bilatu


Equisetum arvense
Sailkapen zientifikoa e
Erreinua: Plantae
Dibisioa: Pteridophyta
Klasea: Equisetopsida
Ordena: Equisetales
Familia: Equisetaceae
Generoa: Equisetum
Espeziea: Equisetum arvense
Linnaeus, 1753

Equisetum arvense Equisetaceae familiako landare-espeziea da. Euskaraz eztainu-belar eta azeri-buztan izenak ematen zaizkio, Equisetum generoko beste espeziei bezala[1].

Landare bizikorra da. Zurtoina errizoma modukoa du, zeina antzua edo ugalkorra izan baitaiteke. Zurtoin ugalkorrak atera eta gero sortzen dira antzuak. Zurtoin antzuak luzeagoak izaten dira, eta adar luzeak (5-50 cm) eta 20 segmenturainokoak izaten dituzte; zurtoin ugalkorrak, aldiz, motzagoak izaten dira, eta zukutsuagoak. Mineraletan aberatsa da: silikatoak (%5-8), potasioa (%1,8), kaltzioa (%1,3), aluminioa, sufrea, magnesioa eta manganesoa[2]

Ipar hemisferioan bizi da. Beharrezkoa du hezetasuna eta, beraz, toki laiotz hezeetan hazten da, erreka bazterretan eta iturri edo putzuetatik hurbil.

Sendagintzan erabiltzen da, propietate diuretikoak dituelako, batez ere; giltzurruneko gaitzak eta harriak sendatzeko baliatzen da, bai eta odoljario eta odol-gorakoen kontra egiteko ere. Garai batean, zainzuriak bezala jaten zituzten azeri-buztanaren zurtoinak, eta espartzuak egiteko ere erabiltzen zuten landarea. Gaur egun, nekazaritza ekologikoan ere baliatzen da, onddo eta izurriteen kontra[3].

Erreferentziak[aldatu | aldatu iturburu kodea]

  1. Equisetum Euskalterm. Euskara.euskadi.net
  2. Navdeep Singh SANDHU, Sarabjit KAUR, Divneet CHOPRA: «Equisetum arvense: Pharmacology and Phytochemistry - A Review» Asian Journal of Pharmaceutical and Clinical Research. Vol. 3, Issue 3, 2010. Ajpcr.com
  3. Jakoba ERREKONDO: «Azeri-buztana» Argia.com

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Equisetum arvense Aldatu lotura Wikidatan
  • «Azeri-buztana» Euskal Herritar Medikuntza. Euskalherritarmedikuntza.blogspot.com.es