Erasmus Quellinus II.a
Erasmus Quellinus II.a, baita Erasmus Gaztea izenez ezaguna (Anberes, 1607ko azaroaren 19a - ib., 1678ko azaroaren 7a) flandriar margolaria eta marrazkilaria. Artisten familia baten kidea, eskultoreak gehienbat, besteak beste aita Erasmus Quellinus I.a eta anaia, Artus Quellinus.
Biografia eta lana
Aitak eman zizkion lehendabiziko ikasketak baina bizibide margolaritza aukeratu zuenez, Caravaggioren estiloa erabiltzen zuten flandiar artistengan jarri zuen begia, besteak beste Theodoor Rombouts edo Gerard Seghers.
1633 urtean Anberesen margolari zela, San Lukas taldeko kide egin zen eta Rubensekin elkarlanean aritu izan zen; lehendabizi Anberesko 1635 urteko apirilaren 15eko ospakizunetako Fernando Austriakoaren behin-behineko luxuzko arkitekturak apainduz, ondoren Felipe IV.ak aginduta, Torre de la Parada apaintzeko, bertan Rubens ere 1636 urtez geroztik han zela.[1] Hemen Quellinusek Rubensek egindako sei zirriborroen margoak egin behar zituen, hauek guztiak Pradoko Museoan ikusgai gaur egun. Une honetatik aurrera bere pinturak hanpatu kutsua hartuko du eta bere margoen gaiak mitologia, historia edo erlijioa izango dira, atzeko irudiak arkitektura klasiko ukituak dituela.
Daniel Seghersekin eta Jan Felipe van Thielen ezkonanaiarekin ere elkarlanean aritu izan zen eta 1656 urteaz geroztik, Artus Quellinus anaiarekin batera, Amsterdamgo udaletxeko udaletxeko dekorazioan lan egin zuen. Diseinu irudiak ere egin zituen, besteak beste Thurn und Taxis familiaren historiari dagozkionak.
Jarraitzaileen artean Jan-Erasmus Quellinus semea izan zuen.
Erreferentziak
Oharrak
- ↑ Javier Portús, Torre de la Parada, Pradoko Museoa.
Literatura
- Vlieghe, Hans, Arte y arquitectura flamenca 1585-1700, Madril, Cátedra, 2000, 138-140 eta 156-157. orr., ISBN 978-84-376-1842-5
- Sanchez Rivera, Jesus Angel, Sobre una serie de cobres flamencos de pintores en la estela de Rubens, Anales de Historia del Arte (2011), 483-505. orr.
Wikimedia Commonsen badira fitxategi gehiago, gai hau dutenak: Erasmus Quellinus II.a |