Ernst Mayr
Ernst Mayr (Kempten, Alemania, 1904ko uztailaren 5a - Bedford, Massachusetts, AEB, 2005eko otsailaren 3a) alemaniar biologoa izan zen.
Biografia
Greifswaldeko Unibertsitatean egin zituen ikasketak 1923tik 1925era, eta Berlingo Unibertsitatean eskuratu zuen doktoregoa. Harrezkero, unibertsitate horretan lan egin zuen 1930ra arte. Gero, bi urteko bidaldia egin zuen Ginea Berrira eta Salomon uharteetara, eta hango hegaztien eta animalien bilakaera aztertzeaz arduratu zen.
1931tik 1953ra, New Yorkeko Historia Naturaleko Amerikar Museoan lan egin zuen ikertzaile gisa, hegaztien taxonomiaren arduradun. Hain zuzen ere, bilakaerari, taxonomiari eta genetikari buruzko ikerketa lanengatik da, batez ere, ezaguna. 30eko hamarkadaren hasierarako, jabetuta zegoen Darwinen eboluzioaren teoriaren zuzentasunaz. Hala, 1937an, bat egin zuten Theodosius Dobzhanskyk "Genetika eta moten jatorria" liburuan azaldu zuen eboluzioaren teoria sintetiko modernoarekin. 1950ean, fosilen sailkapen alternatibo bat eman zuen, hominidoak barne hartzen zituena, eta proposamen horrek arrakasta handia lortu zuen.
Erreferentziak
 |
Wikimedia Commonsen badira fitxategi gehiago, gai hau dutenak: Ernst Mayr  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.