Francisco de Orellana

Wikipedia(e)tik
Hona jo: nabigazioa, Bilatu
Francisco de Orellanaren burua Trujillon.

Francisco de Orellana (Trujillo, Gaztelako koroa, 1511 - Amazonas ibaia, Amerika, 1546) espainiar konkistatzailea izan zen. Amazonas ibaia esploratu zuen lehen europarra izan zen[1].

Peruko konkistan ibili zen Pizarrorekin batera. Pizarrok Quitotik ekialdera zeuden lurraldeak aurkitzeko asmoz prestatu zuen espedizioko kide izan zen. Espedizioak hirurogei egun egin zituen noraezean, eta atzera egin behar izan zuen; orduan Pizarro eta haren gizonak iparralderantz abiatu ziren, Coca eta Napu ibaietan gora, eta Aguarico eta Curaray ibaiek bat egiten duten lekuan zer jan ez zutela geratu ziren. Pizarrok jatekoaren bila joan zedila agindu zion Orellanari. 1542ko otsailean abiatu zen, ez ordea jatekoaren bila, Ipar Itsasoaren bila baizik, Pizarro eta espediziokideak han utzita. Zazpi hilabeteren buruan Amazonasen bokalera iritsi eta Venezuelara jo zuen. Espainiara joan zen, eta agintariek Amazonas inguruan aurkitutako lurraldearen gobernari izendatu zuten.

1545ean itsasoratu zen Sanlucar de Barramedan Amazonastik Quitora joatekoa zen espedizioa, Orellana buru zuela. Amazonasa iritsi zirenean gizon eta ontzi ugari galdu zituen, eta bera ere hil zen, manaos indiarren lurraldean.

Erreferentziak[aldatu | aldatu iturburu kodea]

  1. Francisco de Orellana Global.britannica.com
Commonsen badira fitxategi gehiago, gai hau dutenak: Francisco de Orellana Aldatu lotura Wikidatan