Gerezi-aranondo
 |
||||||||||||||
|---|---|---|---|---|---|---|---|---|---|---|---|---|---|---|
 Hostoak eta fruituak
|
||||||||||||||
| Sailkapen zientifikoa | ||||||||||||||
|
Gereziondo-aranondoa (Prunus cerasifera) Prunus generoko zuhaitza da.
Prunus terminoa basaranaren izena da latinez; cerasifera terminoa ere latinetik eratorria da, eta gerezi adierazten du -Prunus aviumaren fruituarekin duen antzagatik-. Prunus generoak 200 espezie baino gehiago ditu, eta loraldi goiztiarra eta ikusgarria -neguaren amaieran, eta hostoak sortu aurretik- da guztien berezitasun nabarmentzekoa.
Eduki-taula |
[aldatu] Ezaugarriak
Hosto erorkorreko zuhaitz txikia da gerezi-aranondoa, 8 m garai nekez gainditzen duena. Zuhaitzaren adaburua zabala eta goranzkoa da.
[aldatu] Zurtoina – Azala
Gerezi-aranondoaren azala leuna eta marroi iluna da.
[aldatu] Hostoak
Hostoak sinpleak, txandakatuak, obalatuak eta meheki horzdunak dira, purpura kolorekoak.
[aldatu] Loreak
Martxotik maiatzera loratzen da gerezi-aranondoa. Loreak -zuriak edo arrosak- bakarka edo multzo txikitan sortzen dira, hostoak baino lehen.
[aldatu] Fruituak
Fruituak udan heltzen dira, eta gerezi txikien antzeko drupa gorriak dira.
[aldatu] Habitata
Jatorriz, Asiako mendebaldekoa da gerezi-aranondoa, baina beste herrialde askotan kultibatu dute espezie apaingarri gisa.
[aldatu] Erabilera
Lorategiak eta parkeak apaintzeko erabiltzen da: gerezi-aranondoaren hostoek kolore purpura dute, eta loraldia -Prunus generoko beste zuhaitzetan bezala- goiztiarra eta ikusgarria da.
Fruituak gordinik jan daitezke, edo marmeladak eta jeleak egiteko erabili.
[aldatu] Erreferentziak
- Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.
