Basagereziondo

Wikipedia, Entziklopedia askea
Basagereziondo
Hostoak eta fruituak
Irudi gehiago
Iraute egoera

Arrisku txikia (IUCN 3.1)
Sailkapen zientifikoa
ErreinuaPlantae
OrdenaRosales
FamiliaRosaceae
LeinuaAmygdaleae
GeneroaPrunus
Espeziea Prunus avium
Banaketa mapa
Datu orokorrak
Gizakiak ateratzen dizkion produktuakgerezi, sweet cherry (en) Itzuli, cherry pit (en) Itzuli, cherry pit oil (en) Itzuli eta cherry juice (en) Itzuli
Genomaren kokapenaplants.ensembl.org…

Basagereziondoa (edo basagerezia), edo batzuetan gereziondoa soilik (edo gerezia), (Prunus avium) Cerasus azpigeneroko zuhaitza da. Gingondoarekin batera (Prunus cerasus), gereziak emateko landatzen diren barietateen jatorria da.

Prunus terminoa basaranaren izena da; Avium terminoak, berriz, txoriena adierazten du: txoriek gogoz jaten dituzte gereziondoen fruituak.

Ezaugarriak[aldatu | aldatu iturburu kodea]

Hosto erorkorreko zuhaitza da, eta 30 m garai izan daiteke.

Zurtoina – Azala[aldatu | aldatu iturburu kodea]

Enbor lodia du, eta azala, arre-gorrixka eta distiratsua, zerrenda horizontaletan askatzen da. Gaztaina-kolorekoa edo gorrixka da egurra, eta gogorra eta astuna.

Hostoak[aldatu | aldatu iturburu kodea]

Obalak eta horzdunak dira hostoak; bi guruin gorri dituzte txortenarekin lotzeko puntuan.

Loreak[aldatu | aldatu iturburu kodea]

Hostoak baino lehen hazten dira loreak, martxoaren amaieran edo apirilean; zuriak dira, eta multzo txikitan -ginbeletan- agertzen dira.

Fruituak[aldatu | aldatu iturburu kodea]

Drupa gorri jangarria da fruitua: gerezia. Maiatzetik uztailera heltzen da.

Habitata[aldatu | aldatu iturburu kodea]

Ia Europa osoan, Asia mendebaldean eta Afrika iparraldean dago hedatuta. Oso ohikoa da Euskal Herriko isurialde kantauriarrean.

Lurzoru fresko eta sakonetan bizi ohi da: harizti, pagadi eta baso mistoetan.

Erabilera[aldatu | aldatu iturburu kodea]

Zura oso estimatua da ebanisterian. Estimu handiko mahai-frutak dira gereziak, eta infusio diuretikoak egiten dira txortenekin

Ikus, gainera[aldatu | aldatu iturburu kodea]

Erreferentziak[aldatu | aldatu iturburu kodea]

  • Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.