Gerra zikinaren kronologia

Gerra zikinaren kronologia honek ez ditu gerra zikinaren ekintza guztiak jasotzen, ezta gutxiago ere, batez ere aurreneko urteei dagokienean, garaiko errepresioaren ondorioz eta hedabide alternatiboen faltaren ondorioz, gertaera guztiak jasotzen ez zirelako. Gainera garai horretan mehatxuak, ondasunen aurkako ekintzak eta abar oso ugari eta zabalak ziren, denak jaso ahal izateko. Erabilitako iturriek ere ez dituzte datu guztiak sistematikoki jaso.

Azken urteetako datu gehienak ere falta dira. Horregatik, "gerra zikina"ren kronologia hau zabalik dago gertaera hauen inguruko lan eta ikerketa berriak burutzen direnean jaso ahal izateko.

Beste aldetik, eztabaidagarria izan daiteke gerra zikinaren zenbait gertaera kategoria honetan sailkatzea. Kasu askotan inork bere gain hartu ez zituelako, bestetan hainbat unetan zaila delako indar uniformatu eta "inkontrolatuen" ekintzak eta egintzak bereiztea. Askotan, uniformedun berberak eskuin muturreko kideak izan dira ere, edota gerla zikinaren ekintzak burutu dituzte besterik gabe. Baita legez kanpo eta legaltasunaren muga-mugan dauden ekintzak.

Beste zenbaitetan poliziaren eta militarren ekintzak "alegalak" izan daitezke, edota bere legaltasuna inoiz ez da argitu, besterik gabe, legez kanpoko entzunketak bezala.

Indar polizial eta militarrek burututako "Legez kanpoko exekuzioak" berriz, gerra zikintzat jo izan dira beti munduko beste zenbait gatazkatan, esate baterako Irlandako gatazkaren kasuan.

Azkenik, hainbat gertaera ilun-eta oraindik argitu gabe daude, eta horiek sailkatzea zaila da. Hainbat kasutan egileari buruzko zalantzak daude, edota datu kontrajarriak.

1959.

Urte honetan faxisten aldetik zenbait mehatxu eta ekintza jasota daude, Erregimen Frankistaren "legaltasunetik" kanpo hartu daitezkeenak.

• Mehatxu bat.
• bi boikot ekintza.

Sakontzeko, irakurri: Gerra zikina Euskal Herrian, 1959

1960.

Urte honetan faxisten aldetik zenbait mehatxu eta ekintza jasota daude, Erregimen Frankistaren "legaltasunetik" kanpo hartu daitezkenak.

• Bi mehatxu gertaerak.

Sakontzeko, irakurri: Gerra zikina Euskal Herrian, 1960

1963.

Urte honetan faxisten aldetik zenbait ekintza jasota daude, Erregimen Frankistaren "legaltasunetik" kanpo hartu daitezkenak.

Sakontzeko, irakurri: Gerra zikina Euskal Herrian, 1963

1965.

Urte honetan bi gertaera jasota daude.

Sakontzeko, irakurri: Gerra zikina Euskal Herrian, 1965

1966.

Urte honetan gerra zikinaren gertaera bat jasota dago.

Sakontzeko, irakurri: Gerra zikina Euskal Herrian, 1966

1967.

Urte honetan euskal errefuxiatu politiko baten bahiketa saiakera eman zen.

Sakontzeko, irakurri: Gerra zikina Euskal Herrian, 1967

1969.

Gertaera bakarra jasota dago. Lehertu ez zen bonba-paketea eliza gizon baten kontra.

Sakontzeko, irakurri: Gerra zikina Euskal Herrian, 1969

1971.

Urte hartan bi gertera jasota dago. Apaiz bati emandako jipoia eta Juan Maria Bandres abokatuaren kotxe erreketa.

• Jipoi bat.
• Kotxe bat erreta

Sakontzeko, irakurri: Gerra zikina Euskal Herrian, 1971

1972

Urte hartako bi gertaera jasota daude:

• Lehergailu bat.
• Erreketa bat.

Sakontzeko, irakurri: Gerra zikina Euskal Herrian, 1972

1973

Urte hartako 5 gertaera jasota daude.

• Lau lehergailu.
• Jipoi bat zauritu batekin.
• Erreketa bat.

Sakontzeko, irakurri: Gerra zikina Euskal Herrian, 1973

1974

Urte hartako 2 gertaera jasota daude.

• Erreketa bat.
• Zehaztu gabeko eraso bat.

Sakontzeko, irakurri: Gerra zikina Euskal Herrian, 1974

1975

Urte honetan, gerra zikinaren ekintzen igoera handia eman zen, Erregimen Frankista errepresioa areagotzearekin batera.

Sakontzeko, irakurri: Gerra zikina Euskal Herrian, 1975

1976

Urte honetan, aurreneko urteko gerla zikinaren aktibitate handia mantentzeaz gain, eragindako lehendabiziko erahildako eta desagertuak eman ziren.

Sakontzeko, irakurri: Gerra zikina Euskal Herrian, 1976

1977

Urte honetan gerra zikinak hildako bakarra eragin arren, zauritu eta kalte material ugari eragin zuen.

Sakontzeko, irakurri: Gerra zikina Euskal Herrian, 1977

1978

Urte honetan ere mantentzen da gerra zikina hildako bat, zenbait zauritu eta kalte material ugari eraginez.

Sakontzeko, irakurri: Gerra zikina Euskal Herrian, 1978

1979

• Urte honetan, besteak beste, Juan Maria Bandres bahitzen eta Egin egunkaria lehertarazten saiatu dira, eta Xabier Vinader kazetaria desagertarazteko plangintza egin dute BVEko taldekoek .

Gerra zikinak 5 hildako, hainbat zauritu eta kalte materialak eragingo ditu.

Sakontzeko, irakurri: Gerra zikina Euskal Herrian, 1979

1980

Urte honetan Gerra zikinak behintzat 22 hildako eragin zituen, zaurituak eta kalte material ugari, baita desagertu bat.

Sakontzeko, irakurri: Gerra zikina Euskal Herrian, 1980

1981

Urte honetan Gerra zikinak bi lagun hil zituen, eta zenbait zauritu. Hau nahiz eta legez kanpoko beste zenbait ekintza polizialek lagun gehiago hil zituzten. Bereziki larria izan zen Almeriako kasua, ETAkoekin nahasturik Goardia zibilek Santanderreko hiru mutil torturatu eta erahil zituztenean.

Sakontzeko, irakurri: Gerra zikina Euskal Herrian, 1981

1982

Urte honetan gerla zikinaren zenbait gertakari eman ziren hildakoak eta zaurituak eraginez. Zenbait gertakari oraindik ilun eta erantzukizunari begira argitu gabe daude.

Sakontzeko, irakurri: Gerra zikina Euskal Herrian, 1982

1983

• Uztailaren 21a : Kaleko arropaz jantzitako poliziek pistolaz eta burdinezko barraz armatuta jendeari eraso diote Oreretako udaletxeko aurrean jaien hasierako ekitaldirako bilduta zeudenean
• Irailaren 30a : Guardia Zibilak ETAko militanteen edo errepresioak hildakoen oroimenezko plakak eraisteari ekin zion Gipuzkoa osoan barrena.
• Urriaren 16a: Joxean Lasa eta Joxi Zabala tolosarrak bahitu zituzten Baionan (Lapurdi). Beren gorpuak 1985ean agertu ziren Busoten (Alacant), mendian lurperatuta. Mutilazioak, tortura aztarnak eta tiro bana zuten buruan. Baina gorpuok ez ziren 1995era arte identifikatu.
• Urriaren 18a: Espainiako lau polizia Jose Mari Larretxea Goñi bahitzen saiatu ziren Baionan (Lapurdi). Frantziako jendarme batzuk bertatik pasatu eta lau poliziak atxilotu zituzten.
• Urriaren 21a: Maite Lasa, "Txikierdi" errefuxiatuaren arrebak bere aurkako heriotz mehatxuak salatzen ditu Oreretako epaitegian.
• Azaroaren 16a: Gay eta Lesbianen mugimenduaren ordezkariek, "inkontrolatuek" homosexualen aurkako jarraipenak, erasoak eta mehatxuak salatzen dituzte.
• Azaroaren 21a: Jose Ignazio Arenaza, Portugaleteko ezker abertzaleko militanteak, bere aurkako etengabeko heriotz mehatxuak salatzen ditu.
• Azaroaren 24a: Lakuntza herrian, eta goardia zibilak kontrol batean hildako Mikel Arregi ezker abertzaleko zinegotziaren omenezko oroitarria berriro suntsitzen dute.
• Azaroaren 29a: Flandriako legebiltzarkide abertzaleek zera salatzen dute; Hainbat biltzarkidek jasotako mehatxuak Bruselasko Espainiako Enbaxadatik etorri direla.
• Abenduaren 4a: Segundo Marey bahitu zuten Hendaian (Lapurdi). Espainiako polizien agindupean ziharduten mertzenario frantsesek haren lankide bat bahitu nahi zuten baina erratu egin ziren. Urrian atxilotutako Espainiako poliziak askatzea eskatu zuten. Poliziak abenduaren 8an askatu zituzten, eta Segundo Marey abenduren 13an. GALek hartu zuen bere gain abenduaren 14an.
• Abenduaren 19a: Ramón Oñaederra tiroz hil zuten Baionan (Lapurdi), Kaietenea tabernan lanean ari zela. GALek hartu du bere gain.
• Abenduaren 25a: Polizi nazional batek balaz zauritzen du Donostian "Auzolan" alderdiko kilitantea den Angel Garikano.
• Abenduaren 26a: Zenbait "inkontrolatu" Eibarko "Arrano" taberna, Herri Batasunaren egoitza, erretzen saiatzen dira.
• Abenduaren 28a: Frankotiratzaile batek Mikel Goikoetxea zauritu du Donibane Lohitzunen(Lapurdi), bere etxe aurrean autotik irtetera zihoanean. 1984ko urtarrilaren 1ean hil zen.
• Abenduaren 30a: Herrera de la Manchako kartzelaren bidean, euskal preso politikoen senideak daramatzan autobusa erasotzen dute harriz eta burniez Madriletik 30 kilometroetara.

1984

• Urtarrilaren 9a. Inkontrolauen talde batek Derioko udaletxean kokatua zegoen eta 1971 urtean goardia zibilak hildako Jon Goikoetxa Elorriaga gogoratzen zuen plakak kentzen du.
• Urtarrilaren 11. Justo de la Cueva soziologoaren etxea metrailatzen dute Lizarran, bera eta emaztea barruan daudela, inor zauritu gabe. Lehen goardia zibilaren auto bat ikusi zuten etxe aurrean igarotzen, eta halaxe salatzen dute epaitegian. Zenbait egun geroago, deitzaile anonimo batek ekintza GALen izenean hartuko du bere gain.
• Urtarrilaren 17a. Willy Kulpers abertzale eta legebiltzarkide flandiarra, zera salatzen du. Bere aurka ustez Belgikako ETAko komando batek jaurtikitako mehatxuak, benetan "Espainar Inguru Zentralistetatik" datozela.
• Urtarrilaren 15a. Duela egun gutxi inkontrolatuek apurtutako David Alvarez, Mario Alvarezen eta Jon Goikoetxearen aldeko plakak berriro jartzen dituzte Derio zein Barrikako hilerrietan.
• Urtarrilaren 31. Lehergailu batek Juan jose Uriarte "Bermi" EAJko kide eta euskaltzalearen kotxea txikitzen du Arrasaten.
• Otsailaren 8a: Bixente Perurena eta Angel Gurmindo Hendaian (Lapurdi) tirokatu eta hil dituzte. GALek hartu du bere gain.
• Otsailaren 9a: Ezezagunek berriro metrailatzen dute Frankismoan espainar poliziak hildako Eustakio Mendizabal "Txikia" militantearen gurasoen etxea Itsasondon.
• Otsailaren 25a: Frankotiratzaile batek Eugenio Gutierrez Salazar hil du Mendin (Zuberoa). GALek hartuko du bere gain.
• Otsailaren 25a: Sopelan hainbat herritarrek bi pertsona atzematen dute Herri Batasunaren haueskunde propaganda kentzen. Aurre egiterakoan, batek arma bat erakusten du eta goardia zibila dela dio.
• Otsailaren 28a: Herri Batasunaren zenbait eledunek, GALek sinatutako heriotz mehatxuak jasotzen dituzte.
• Martxoaren 1a: Trenbideko langile Jean Pierre Leiba hil dute Hendaian (Lapurdi).GALek hartu du bere gain.
• Martxoaren 3a: Jon Arrizibitak uko egiten dio Gorriti herriko seme kutuna izateari, herriko alkateari "Comando Antiterrorista de Navarra" delako talde batek mehatxatu ondoren.
• Martxoaren 19a: GALeko kide Jean Pierre Cherid hil da Miarritzen, ekintza bat prestatzean bonba nahi gabe lehertu zaionean.
• Martxoaren 19a: Mozkortutako goardia zibil batek, uniformerik gabe, taxista bati mehatxua egiten dio bere pistolarekin Iruñean.

Komando Autonomo Antikapitalisten 4 kideren hilketen margo oroigarria Pasaian. Espainiako Polizia Nazionalak hil zituen 1984ko martxoaren 22an.

• Martxoaren 22a: Pasaian poliziak txalupa batean lehorreratzera zihoazen Komandako Autonomo Antikapitalistetako lau kide atxilotu eta bertan fusilatu dituzte aurrez prestatutako segada batean. Txalupan zihoan bosgarren laguna bizirik utzi dute. Hildakoak: Dioni Aizpuru Kurro, azpeitiarra; Pedro Mari Isart Pelitxo, azpeitiarra; Jose Maria Izura Pelu, Iruñekoa; Rafael Delas Txapas, Iruñekoa. Joseba Merino da bizirik utzi duten bakarra
• Martxoaren 23a: Xabier Perez de Arenaza tiroz hil dute gasolindegi batean Biarritzen (Lapurdi). GALek hartu du bere gain.
• Maiatzaren 3a: Rafael Goikoetxea tiroz hil eta Jesus Zugarramurdi zauritu dituzte Baigorrin (Behe Nafarroa).GALek hartu du bere gain.
• Maiatzaren 7a : Jose Portu Espina balaz zauritu dute kalez jantzitako poliziek Errenterian.
• Maiatzaren 10a: Soraluzeko Herri Batasunaren zinegotzi batek, hainbat heriotz mehatxu jaso duela salatzen du. Antza mehatxu hauen zergatia berari buruz Madrilgo egunkari batek esandakoa da.
• Maiatzaren 25a: Errenteriko udalak Xabier Lorenzo herritarrak inkontrolatuen eskutik jasandako bahiketa salatzen du.
• Maiatzaren 26a: Inkontrolatuek Algortako herritar bat, Endika Lorenzo, bahitzen eta jipoitzen dute .
• Ekainaren 14a: Inkontrolatuek berriro tirokatzen dute Irungo Penalti taberna.
• Ekainaren 15a: Tomas Perez Revilla eta Ramon Orbe zauritu dituzte moto batean jarritako bonba batez Biarritzen (Lapurdi). Perez Revilla uztailaren 28an hilgo da. GALek hartu du bere gain.
• Uztailaren 1a: Antonio Ruiz, Beasaingo herritarra, balaz zauritzen du larriki polizi inspektore batek Zumarragako dantzaleku baten ataria. Gertaera publikoki salatu zuten zenbait lekukoek, mehatxuak jasoko dituzte isiltzeko.
• Uztailaren 11a: Donibane Lohitzuneko (Lapurdi) "La Consolation" taberna barrura lehergailu bat bota eta Jose Luis Oliva Gallastegi, Bonifacio Garcia eta Juan Jauregi Aurria zauritu dituzte. GALek hartu du bere gain.
• Uztailaren 21a:Luis Olarra enpresa gizonak dio GAL ETAren terrorismoari emandako erantzun biguna dela.
• Uztailaren 21a: Herrera de la Manchako Kartzelako funtzionario batek heriotz mehatxuak luzatzen dizkie hango euskal preso politikoei funtzionario bati zerbait gertatzen bazaio.
• Abuztuaren 1a: Hainbat tiro jaurtikitzen dute ustezko poliziaren kotxe kamuflatu batetik Donostiako Amara auzoan, amnistiaren aldeko manifestazio bat eta gero.
• Abuztuaren 3a: Hainbat ezezagunek Muskizeko Herri Batasunaren militantea den Mikel Estabillo hainbat ordu bahitu, mehatxatu eta jipoitzen dute.
• Abuztuaren 5a: Denek Kooperatiba lehergailuz eraitsi dute Hendaian. GALek hartu du bere gain.
• Abuztuaren 6a: Jose Rodriguez de Grado bere emaztearekin batera kalean zebilela, balaz zauritzen dute Donostiako Aldapetako Polizi Nazionalaren koartelaren parean, gertakari ilun batean.
• Abuztuaren 20a:Bilboko konpartsek zera salatzen dute; Paisanozko poliziak direla banderen gerraren

inguruan Bilboko Aste Nagusian gertatutako bezperako istilu larrien sortzaileak.

• Abuztuaren 20a: Sua ematen diote Amnistiaren aldeko Batzordeen egoitzari Bilboko alde Zaharrean.
• Abuztuaren 23a: Baionako "Etxabe" taberna tirokatu eta bertan ziren lau pertsona zauritu dituzte. GALek hartu du bere gain.
• Abuztuaren 31a: Arrasateko langile batek mehatxuak salatzen ditu poliziarekin ez kolaboratzeagatik.
• Irailaren 3a: Sua ematen diote haltzarien koperatiba bati Iparralden abertzaleekin lotzen dutelako.
• Irailaren 11a: Gerardo Etxarri derrame bat izan eta hil da bere alaba atxilotu dutenean, Pasaian.
• Urriaren 5a: Donostiako Egia auzoan Montxo Andia euskal militantea omentzen zuen plaka suntsitu zuten ezezagunek polizia frankistarekin izandako enfrentamendu batean hil eta bere 9.en urtemugan.
• Urriaren 7a: Lehergailu batek eztanda egiten du Hernaniko Herri Batasunaren egoitzan.
• Urriaren 7a: Paisanozko bi poliziek "Herriei gutuna" kanpainako sinadura orrialdeak ebasten dituzte Iruñeko La Milagrosako auzoan
• Azaroaren 18a: Christian Olaskoaga dantzaria tiroz hil dute Biriatun (Lapurdi). GALek hartu du bere gain.
• Azaroaren 20a: HASIko buruzagi eta sendagile Santi Brouard Deustuko (Bizkaia) kontsultan tiroz hil dute. GALek hartu du bere gain.
• Azaroaren 23aa : Pablo Gonzalez Larrazabal hil da polizia Euskaldunako langileen aurka oldartu denean Bilbon.
• Abenduaren 11a: Juan Jose Iradiren aurkako ekintza. Lehergailu bat aurkitu du Lopez de Abetxukoren autoan Hendaian (Lapurdi). GALek hartu du bere gain.

1985

• Otsailaren 1a: Herri Taldeetako kide Xabier Manterolaren autoan bonba bat jarri eta zauritu dute. GALek hartu du bere gain.
• Otsailaren 5a: Auton jarritako lehergailuaren eztandaz Christian Casteigts zauritu dute Baionan (Lapurdi). Hanka biak moztu behar izan dizkiote. GALek hartu du bere gain.
• Martxoaren 4a: Baionako "Lagunekin" taberna tirokatu eta Josu Amantes eta Gotzon Zabaleta zauritu dituzte. GALek hartu du bere gain.
• Martxoaren 13a: Getariko "Briketenia" jatetxearen barrura esku bonbak bota eta Michel, Martin eta Jean Philippe Ibarboure jatetxearen jabeak zauritu dituzte. GALek hartu du bere gain.
• Martxoaren 26a: Ziburuko "Bittor" taberna postaz tirokatu eta esku bonba bota dute. Jose Luis Calderon eta Ramon Basañez zauritu dituzte. GALek hartu du bere gain.
• Martxoaren 28a: Baionako (Lapurdi) "Les Pyreneés" taberna tirokatu dute: Benoit Pecasteing hil eta Jean Marie Mutio, Jean Jacques Hum eta Kepa Pikabea zauritu dituzte. Tabernan zegoen jendea hiltzaileari jarraitu eta atxilotu dute: Pierre Baldes da. GALek hartu du bere gain.
• Martxoaren 30a: Egin egunkariko kazetari Xabier Galdeano hil duteDonibane Lohitzunen (Lapurdi). GALek hartu du bere gain.
• Ekainaren 14a: Ziburuko (Lapurdi) "Trinkete" taberna tirokatu dute. Emile Weiss eta Claude Doer hil dituzte. GALek hartu du bere gain.
• Ekainaren 27a : Santos Blanco Gonzalez tiroz hil dute Baionan (Lapurdi).GALek hartu du bere gain.
• Uztailaren 8a: Ziburuko "Bittor" taberna tirokatu eta Juan Karlos Lezertua larri zauritu dute. GALek hartu du bere gain.
• Uztailaren 16a: Fernando Egileorren autoan lehergailu bat jarri duteAngleten (Lapurdi) GALek hartu du bere gain.
• Abuztuaren 2a: Juan Manuel Otegi hil dute Donibane Garazin (Behe Nafarroa). GALek hartu du bere gain.
• Abuztuaren 31: Dominique Labeyrie tiroz hil dute Donibane Lohitzunen (Lapurdi). GALek hartu du bere gain.
• Irailaren 25a: Jose Mari Etxaniz, Iñaki Asteazu Izarra, Agustin Irazustabarrena eta Sabin Etxaide Ibarguren tiroz hil dituzte Baionako "Monbar" tabernan. GALek hartu du bere gain.
• Azaroaren 26a : Mikel Zabaltza atxilotu dute goardia zibilek Donostiako Altza auzoan. Torturaz hil eta hilik agertuko da abenduaren 15ean Bidasoa ibaian.
• Abenduaren 4a: Fernando Biurrunen etxean lehergailu bat jarri duteHeletan. GALek hartu du bere gain.
• Abenduaren 6a: Argilo elkartearen aurkako ekintza egin duteHendaian.
• Abenduaren 24a: Biarritzen Robert Caplanne zauritu eta urtarrilaren 6an hilgo da. GALek hartu du bere gain.

1986

Urte honetan gerra zikinaren zenbait gertaera suertatu ziren hi hildako, zenbait hildako eta kalte materialekin.

Sakontzeko, irakurri: Gerra zikina Euskal Herrian, 1986

1987

• Urtarrilaren 3a : Jean Philipe Labade mertzenarioa Portugalen atxilotu dutela jakin da. GALeko haninbat ekintzatan parte hartu eta ekintzak egiteko jendea kontratatzen ibili bide da.
• Apirilaren 3a : Jose Amedo Fouce Bilboko polizia GALeko loturak dituela agertu da Portugaleko Espresso egunkarian.
• Maiatzaren 30a: Guardia Zibilak zirela esanez, inkontrolatu batzuek Komite Antinuklearretako eta LKIko kide baten etxean sartu, pistolaz mehatxatu eta GAL siglak grabatu zizkioten besoan.
• Uztailaren 24a: Juan Carlos Garcia Goena hil dute Hendaian bere autoan jarritako lehergailuaren bidez. Hau izango da GALen azken ekintza.
• Irailaren 10a : Bost inkontrolatuk Delfin Laguera gaztea erasotu eta Falange Españolaren siglak grabatu dizkiote soinean, Iruñean.
• Irailaren 12an : Gasteizen Edurne Sampedro bahitu eta gurutze gamatua grabatu diote. Azaroaren 13an berriro erasoko dute.
• Irailaren 25a : Agustin Celihueta eta Juan Ramon Iriarte inkontrolatuek egin dizkieten erasoa eta torturak saltu dituzte. Sinbolo faxistak eta GAL hitza grabatu dizkiete soinean. Erasotzaileak goardia zibilak direlakoan daudela esan dute. Azken hilabetetan ohikoak dira mota honetako erasoak Euskal Herrian.
• Azaroaren 16a : Iranzu Mugeta gazteak bahitu, jipoitu eta gurutze gamatua grabatu diote bizkarrean. Erasoak berriro errepikatuko dira hurrengo egunetan.
• Azaroaren 25a : Henk Eric Antton Haenlewyn alemaniarra hil du tiro batez paisanozko goardia zibil batek Irungo Gwendolyne diskotekan.
• Azaroaren 25a : Mohamed Kiar tiroz hil dute Parisen. GALeko hainbat ekintzatan hartu du parte.

1988

Urte honetan gertaera bakarra jasota dago, bahiketa bat.

Sakontzeko, irakurri: Gerra zikina Euskal Herrian, 1988

1989

• Maiatzaren 19a : Manifestazioak egin dira Hego Euskal Herriko lau hiriburuetan inkontrolatuen impunitatea salatzeko. Ikastetxeetan borroka eguna egin da.
• Maiatzaren 27a : Poliziek, espetxeko funtzionarioek eta beraien familiarrek harrika eraso diete euskal preso politikoen familiar eta lagunei autobusean Alcala Mecora joan direnean.
• Abuztuaren 21a : Teodoro Julian gasteiztarra balaz larri zauritu dute goardia zibilek alto eman eta lurrera bota denean.
• Irailaren 20a : Oreretan Jose Antonio Cardosa postaria hil da HBko militante bati bidalitako pakete bonba lehertu denean.
• Irailaren 21a : Jose Antonio Cardosaren hiletan Gipuzkoako gobernadore zibil Goni Tirapuren bizkarzain batek jendeari tiro egin eta Felex Garcia Rivera balaz zauritu du.
• Azaroaren 20a : Josu Muguruza hil eta Iñaki Esnaola larri zauritu dituzte Madrilgo Alcala Hotelean HBko diputatuak afaltzen ari zirela tirokatu dituztenean. Angel Duce polizia eta Ricardo Saenz de Inestrillas eskuin muturreko kidea atxilotuko dituzte uztailaren 30ean, ekintzaren ustezko egileak izateagatik.

1990

• Urtarrilaren 21a : Jose Enrique Borda balaz zauritu dute goardia zibilek Irunen jarritako kontrol batean.
• Maiatzaren 2a : Goardia Zibileko komandante Rafael Masa , GALeko jardueran inplikatuta dagoena, teniente koronel izendatu dute.
• Uztailaren 6a : Espainiako Auzitegi Nazionala Georges Mendaille GALeko kidea libre utzi du.

1991

• Martxoaren 19a : Herrera de la Manchan dagoen preso sozial batek funtzionarioek espetxeetan euskal preso politikoak hiltzeko GAL moduko bat antolatzen ari direla salatu du.
• Uztailaren 24a : Preso Sozialen Elkarteak(APRE) espetxeetan euskal preso politikoak hiltzeko GAL antolatzen ari dela salatu du berriro.
• Irailaren 20a : Espainiako Auzitegi Nazionalak Jose Amedo eta Michel Dominguez poliziei 108 urteko espetxe zigorra ezarri die GALeko jardueretan parte hartzeagatik.

1993

• Urtarrilaren 5a : Ezezagun batzuek Egin Irratiaren antena saboteatzen saiatu dira.
• Urtarrilaren 26a : kalez jantzitako guardia zibil batek autotik atera eta tiro egin du Iruñean, manifestazio batean.
• Irailaren 24a : Gurutze Jantzi urnietarra hil da Guardia Zibilaren Madrilgo Tres cantos polizia etxean.
• Irailaren 24a : Xabier Kalparsoro "Anuk" Indautxuko polizia etxeko leiho batetik "jausi" eta hil egin da. Lehen, ETAko zuzendaritzari helaraziktako gutun batean, hainbat ertzainek ilegalki bahitu eta drogatu zutela salatzen du. Gertaera guztia oso iluna da.

1994

• Maiatzaren 29a : Artxanda eta Muskizen lurretik poltsa lehergarriak hartu eta hiru lagun larri zauritu dira

1995

• Ekainaren 22a : Rosa Zarra 58 urteko donostiarra larri zauritu dute Ertzainek hurbiletik botatako pilotakada batez. Ekainaren 30ean hilgo da.

1997

• Martxoaren 27a : Josu Zabala "Basajaun" hilda agertu da Punta Mendatan, Itziar eta Deba artean, bihotzean tiro bat duela. Bertsio ofizialak bere burua beste egin duela esan arren, bere ingurukoek ziur esaten dute atxilotu eta hil egin dutela .
• Abuztuaren 6a : Jose Luis Salegi Elorza "Txipi" hilda agertu da Irapuaton, Mexikon. Autopsia ofizialaren arabera infarto batek jota hil da. Salegiren familiarrek jipoi bat emanda hil zela ziurtatu dute, gorpuak kolpeak eta urradurak zituelako. 1983. urtean ere GAL saiatu zen Salegi hiltzen .

1998

• Martxoaren 31 : CESIDek (Espainiako zerbitzu sekretuak) 1992tik Herri Batasunaren Gasteizko Ramiro de Maeztu kaleko 6. zenbakian zuen egoitza sei urtez espiatu zutela aurkitu zuten. Epaiketa 2003ko martxoan egin zen, sei akusatu egon zirela, besteak beste Emilio Alonso Manglano eta Javier Calderon CESIDeko zuzendari ohiak. Victor Casteran eta Felipe Millan absolbitu egin zituzten. Manglano, Calderon eta Francisco Bujan guardia zibila urtebetera zigorgabetu zituen Auzitegi Gorenak eta 2005ean Espainiako Gobernuak indultua eman zion Mario Canterori.

1999

• Martxoaren 20a : Joselu Geresta "Ttotto" hilda agertu da Oreretan, zelai batean, buruan tiro bat duela. Bertsio ofizialak bere burua beste egin duela esan arren, bere ingurukoek ziur esaten dute atxilotu eta hil egin dutela. Espainiako Armadako teniente general Jose Antonio Saenz de Santamariak estatuaren gerra zikinaren ekintza izan dela iradoki du elkarrizketa batean .

2001

• Abuztuaren 20a : Donostiako Txioka tabernan utzitako jostailu bat hartu eta lehertzerakoan Maria Eraunzetamurgil hil eta bere iloba Jokin zauritu ditu. Espainiako Barne ministro Mariano Rajoyk kale borrokarekin lotu du leherketa. Amnistiaren Aldeko Mugimenduak estatuaren gerra zikinaren jostailu-bonba-tranpa bidezko ekintza izan dela salatu du.

2004

• Martxoaren 13a: bi egun lehenagoko Madrilgo atentatuen ondorengo giroan, Angel Berrueta, Iruñeako Donibane auzoko okina, bere dendan "ETA NO" zioen kartel bat ez jartzeagatik erail zuten labankadaz eta tiroz. Hiltzaileak, Valeriano de la Peña Espainiako polizia nazionala eta Miguel José de la Peña bere semea izan ziren, Pilar Rubio emazteak xaxatuta. Ondorengo epaiketan, besteak beste, "bizilagunen arteko sesioa besterik ez zela izan" esan zuen epaileak. Bestalde, Angelen familiak mehatxuak jasotzen ditu hilketaz geroztik.

2005

• Urtarrilaren 13a: Mikel Martin, EHGAM eta Zutik erakundeetako militantea, jipoitu zuten Donostian. Erasotzaileak militarrak ziren..
• Ekainaren 1a: Batasuna alderdiak Baionan duen egoitzan espioitza sistema bat topatu duela salatzen du..
• Urriaren 12a: Kepa Bereziartuak, EAE-ANVko lehendakaria zera salatzen du; duela hiru urte Oiartzungo Aritxulegin jarritako EAE-ANVko 36ko gerlako gudarien aldeko oroitarria suntsitu dutela..

2006

• Irailaren 30a : Algortako UKBERRI.NET aldizkari digitalaren lokaletan sartu eta artxiboak eta materialak eraman dituzte ezezagun batzuek .
• Abenduaren 6a: Oiartzungo Aritxulegin, EAE-ANVko gudariak omentzen dituen oroitarriaren aurkako bigarren erasoa salatzen dute..
• Abenduaren 12a: Aritxulegiko EAE-ANVko gudarien aldeko oroitarri berria erasotzen dute, berriro ere. Oraingo honetan mailuz eta zintzelez "Hijos de Puta", eta "Viva España" grabatzen dute bertan..
• Abenduaren 22a : Uribarri auzo bilbotarreko Herriko Taberna eraso dute bost ultraeskuindarrek. Lokal barrura sartu, han zegoen jendea eraso egin dute eta altzariak apurtu dituzte.

2007

• Urtarrilaren 27a : 25-30 urteko zortzi lagunek eraso egin dituzte Donostiako Zurriola Maritimo tabernatik irten eta etxera bidean zihoazen bi herritar. Ertzaintza agertu eta erasotzaileak identifikatu ditu: guardia zibilak ziren .
• Maiatzaren 24a : Iruñako Iturrama auzoan "parapolizialek" Ezpala taberna erasotu dute .
• Ekainaren 3a : Kalez jantzitako hiru militarrek Mungiako Herriko Tabernako langilea 40 minutuz erretenitu eta hiltzeko mehatxuak egin dizkiote .
• Ekainaren 8a : Guardia Zibilak Guzman Paskual Belasko getariarra Etxalarren kontrol batean geratu eta jipoitu du .
• Abuztuaren 28a : Donostiako hiru gazteri etxean mikrofonoak ezarri dizkietela ezagutu da .
• Irailaren 3a : Donostiako Gros auzoko amnistiaren aldeko mugimenduko bi kideren autoei gurpilak zulatu eta kristalak hautsi dizkiete .
• Irailaren 4a : Oñatiko ezker abertzaleko militante bati hiltzeko mehatxuak egin eta artefakto bat jarri diote autoan .
• Irailaren 7a : Iruñeko biztanle batek bere auto azpian jarraipena egiteko aparatu bat aurkitu duela salatu du .
• Urriaren 5a : Tafallan, kaleko arropaz jantzitako guardia zibilak goizaldean kalean zehar ibili dira jaian ziharduten gazteak erasotzen .
• Urriaren 12a : Donostiako Gros auzoan preso politiko ohi baten autoaren kontrako erasoa egin dute .
• Azaroaren 21a : Talde ultraeskuindarrek Tuterako herriko taberna eraso dute .
• Abenduaren 2a : Inkontrolatuek eraso faxistak burutu dituzte Iruñeko hainbat auzotan eta Barañainen ere. Zurgai Herriko Tabernan “muerte a los etarras” gisako pintaketak egin zituzten lokaleko atzekaldeko eta aurrekaldeko paretetan, eta sarreran begi puntu bat jarri zuten. Pintura arrosaz beteriko arraultzak bota zituzten ere bai. Pintura berdinarekin eta antzeko esaldiekin, pintada ezberdinak burutu zituzten Errotxapean eta Barañainen. Etxe batzuk erasotu zituzten, presoen aldeko ikurrak zituzten etxeak, hain zuzen ere.

.

• Abenduaren 14a : Tuterako Argia ikastolaren kontrako erasoa burutu dute: kalteak eragin dituzte altzairuetan eta eraikinaren fatxadan. .

2008

• Urte honetan ezker abertzaleko kideen eta hedabideen aurkako zenbait espioitza kasu eman ziren.
• Ezker abertzalearen egoitzen eta militanteen jabetzen aurkako erasoak izan ziren.
• Baita zenbait ordu iraun zuen bahiketa bat ere.

Sakontzeko, irakurri: Gerra zikina Euskal Herrian, 2008

2009

Urte honetan, Genozidio Frankistaren biktimen elkarteek zein errepresioaren aurkako taldeek salatu dutenez, gerra zikinaren ekintzen ugaritze nabarmena etorri zen.

• Urtarrilaren 17a : Puerto de Santa Marian dauden presoak bisitatzera doazen familiarren autobusari gurpilak zulatu zizkieten.
• Otsailaren 1a : Amaiureko monumentuan pintada faxistak egin zituzten. Besteak beste, «Naparra España da», «Gora España», «Viva Cristo Rey» y «Gabatxos maquetos» idatzi zuten. Amaiur bertako "Gerlari ezezagunaren" aldeko oroitarria ere pintaketekin kaltetu zuten.
• Otsailaren 22a: PSOEko militante batek, ETAKo lehergailu batek Lazkaoko PSOEko egoitza eta bere etxea kaltetu ondoren, bertako Herriko Taberna erasotzen du mazo batekin, dena txikitu arte. Erasoa ETAren lehergailuaren aurkako konzentrazio bat burutu eta gero eman zen. Tabernako arduradunek salatu zuten erasotzailea Ertzantzaren pasibotasunaren aurrean hainbat denbora eman zuela dena txikitzen. Poliziek azkenean PSOEko militantea bere lantegian amaitu zuenean atxilotu zuten, eta handik hiru ordura askatu zuten.. Geroztik, hainbat hedabide espainarretan eta beraien foroetan, erasotzailearen ekintzaren apologia egingo da.
• Martxoaren 18a : Lehergailu bat jarri zuten Tuterako Herriko Tabernan
• Apirilaren 17a: Iñaki Quijera, 1979.en urtean espainiako poliziak manifestazio batean hildako donostiarraren omenezko plaka lapurtu zuten Donostian bertan.
• Apirilaren 23a : Lehergailu bat jarri zuten Arguedasko (Nafarroa) Zisko Bardenero gaztetxean, eta pintaketa mehatxugarriak egiten dituzte bertan
• Maiatzaren 8a : Pintada eta mehatxu faxistak egin zituzten Bera eta Lesakan bertako EAE-ANVren zinegotzien kontra eta bertako bi preso politikoen aurka.
• Maiatzaren 15a : Mehatxuak egin dizkiete hainbat gazte abertzaleri Iruñeako Iturraman eta Arrosadia auzoetan. Zenbait gazteen izenak diana batzuen barruan azaldu ziren eta haien alboan "Viva España" esaldia. Arrosadiako ostatu baten alboan mehatxugarriak ziren panfletoak azaldu ziren beste gazte baten izenarekin.
• Maiatzaren 15a : ABren bulegoan material informatikoa (ordenagailuak eta telefonoak) ebatsi zuten. ABk lapurreta arrunta ez zela izan salatu zuen.
• Maiatzaren 15a : Jon Anza preso ohia desagertu izanagatik plenta ezarri zuten Baionako Auzitegian. Gerra zikina izan daitekeela iradoki zuten .
• Maiatzaren 18a : Iruritan jarritako frankismoko esklaboen oroigarria apurtu eta mehatxuak zabaldu zituzten preso ohi baten aurka .
• Maiatzaren 21a : Alboka ostatua eraso zuten beiratea apurtuz Iruñeako Arrosadia auzoan.
• Maiatzaren 28a : Bilbon Lander Fernandez preso ohia bahitu, mehatxatu eta kolpatu zuten ustez ertzain batzuek .
• Maiatzaren 28a : Iruñean Ahaztuak erakundeko kide bati heriotza mehatxuak egin eta autoari eraso diote .
• Ekainaren 17a : Berangoko lau gaztek salatu zuten kalean aparkatuta zeuzkaten autoak gauez miatu zituztela. Uribe Kostako Amnistiaren Aldeko Mugimenduak ezker abertzaleko kideen kontrako holako kasu gehiagoren berri zutela salatu zuten .
• Ekainaren 24a : Oiartzungo Aritxulegin, 36ko gerran hildako EAE-ANVko ekintzaileen aldeko oroitarria metrailatu zuten .
• Uztailaren 17a : Getxon Zigor Goikoetxea preso ohiaren gurasoen etxeari eraso egin zioten. Atariari su eman zioten, eta mehatxuzko pintadak egin zituzten.
• Uztailaren 17a : Artika kontzejuak salatu zuen herriko hilerrian ezarrita zegoen Frankismoaren 17 biktimen aldeko plaka suntsitu, eta bertan "Viva Cristo Rey" pintatu zutela .
• Uztailaren 23a : Arbizuko Alain Berastegi preso ohiak 7 orduz bahitu, jipoitu eta kolabora zezan dirua eskaini ziotela salatu zuen.
• Uztailaren 24a: Otarte iritzi taldeak Oiartzungo Aritxulegin dagoen EAE-ANVko 36ko gerlaren gudarien aldeko oroitarriaren aurkako eraso berria salatzen du. Oraingo honetan Espainiako bandera margotu eta atzeko partean "Viva España" marraztu dute. Aldi berean oroigarrian dagoen plaka lapurtzen saiatu dira.
• Abuztuaren 12a: Sonia Polok, Bilboko jaietako aurtengo txupinerak, bere argazkia eta bala bat zituen gutuna jasotzen du bere lanpostua duen Bilboko udaletxean PP eta PSE-EE erasoaren «erantzule» egin dituzte LABek eta Bilboko Konpartsek. Bi alderdi hauek eta zenbait komunikabideek kanpaina gogorra egin zuten Sonia Poloren izendapenaren aurka euskal preso politiko baten arreba delako .
• Abuztuaren 21a : Hiltzeko mehatxuak egin zizkieten Arbizuko EAE-ANVko zinegotziei eta Orkoiengo ezker abertzaleko kide bati. Geroztik udalak salaketa ezarriko epaitegian eta herritarrei antzeko erasoak salatzeko eskatuko die.Arbizuko kasuan pintaketan udaletxeko atean eta horman agertu ziren. Hau salatzeko udalak irailaren 5an burutu zuen manifestazio bat.
• Abuztuaren 22a. Basaurin Javier Gorostiaga espetxetik atera eta handik gutxira hildako preso politikoaren aldeko oroitarria lapurtu zuten zenbait ezezagunek.
• Abuztuaren 22a: Nafarroako Ezkaba mendiko gotorlekuan bertako presondegian erahil zituzten Frankismoaren presoak omentzen zuen mausoleoa erabat txikitzen dute. Lekuan "Arriba España", "Cristo Rey" eta Falangeren pintaketak azaltzen dira.
• Abuztuaren 22a: Aitzoaingo hilerrian, Frankismoaren biktimen aldeko oroitarria apurtzen dute eta bertan "Jose Antonio Presente", "Ainzoaín a sus caidos en la Cruzada" eta "Falange Espainolaren" pintaketak azaltzen dira.
• Abuztuaren 23a. Duela gutxi euskal preso politikoen argazkiak erakusteagatik jabeek Madrileko Espainiako Auzitegi Nazionalean aurkeztu behar izanez gero, Iruñeko Ezpala eta Zurgai tabernak pintaketa faxistez josita azaldu ziren. Baita Errotxapea auzoko Ipar Gorri taberna ere. Pintaketetan mira-puntuak, ikur faxistak eta "legiak zerratzen ezpaitu Falangeak eginen du" bezalako esaldiak agertzen ziren.
• Abuztuaren 25ean, Amnistiaren Aldeko Mugimenduak salatzen du Oiartzungo Udaletxean pintaketa faxistak azaldu direla. Pintaketetan "Gora España", "Vigilancia y terror falangista" zein ikur faxistak azaldu ziren. Antza hau da abuztuan zehar bigarren aldia antzeko pintaketak udalean bertan egiten dituztela..
• Abuztuaren 26a: Pintaketa faxistak azaldu ziren Berrioplanoko hilerrian "Caidos por Dios y Por España contra el comunismo" leloarekin. .
• Abuztuaren 27a: GAL-eko biktimak izan ziren Josean Lasa eta Joxi Zabalaren monolitoan, Tolosan, pintaketak azaldu ziren. "Gora Galindo" eta "Cerdos comunistas" leloekin .
• Abuztuaren 31a. Remi Aiestaran, Billabonako EAE-ANVko alkateordea herriko jaietan euskal preso politikoen aldeko ekitaldi baten goraberan, Ertzaintzarekin istilu bat izan eta gero, bihotzekoak jota hil zen. Handik zenbait astetara, Amnistiaren Aldeko Mugimenduak salatu zuen Billabonan bertan "Viva España" pintaketa ugari azaldu zela.
• Irailaren 2a: Hainbat pintaketa agertzen dira Bidarraien eta Gixunen esbastikekin eta "España" leloarekin presoen aldeko aurreneko pintaketak ezabatzen
• Irailaren 3a: Malerrekako Gazte Asanbladak, Legaseko jaietan bere txoznan egindako pintaketa faxistak salatzen ditu. Falangearen ikurraz gain, "Hemen ez", "Alde hemendik" eta "Puta semeak" idatzi zizkieten. Txosnan.
• Irailaren 9a: Amnistiaren Aldeko Mugimendua ak salatzen du Granadan euskal preso politikoei bisita egitera zihoan furgoneta bati bi kaputxadun hurbildu zirela, eta ihes egin zutela senideek ikusterakoan. Amnistiaren aldeko Mugimenduak gertaera gerra zikinaren saiakeratzat jotzen du gertaera.
• Irailaren 10a. Ezezagunek Hondarribiko Muara Elkarteko ikurrinari sua eman zioten herriko jaietan. Ez da lehendabiziko erasoa Taberna-egoitza honen aurka. Hainbat aldiz saiatu dira atea bortxatzen eta presoen aldeko zenbait bandera lapurtu dituzte.
• Irailaren 16a. Daniel Saralegi nafarrak prentsaurrean salatu zuen ustezko polizia batzuek zazpi orduz bahitu eta mehatxuak egin zizkiotela. Imanol Pancorbo eta Saioa Zerain gazteek ere ustezko polizien jazarpena salatu zuten prentsaurreko berean .
• Irailaren 22a: "Falange y Tradicion" izeneko talde batek bere gain hartzen ditu Euskal Herriko Hegoaldeko lau herrialdetan izandako mota ezberdinetako 25 eraso.
• Irailaren 30a: Amnistiaren aldeko mugimenduak salatzen du Interneten bidez euskal preso politikoen argazkiak nola tirokatzen dituzten bideoa zabaltzen ari direla.
• Irailaren 30a: Gasteizko Gaztetxeko atean eta kanpoko paretetan hainbat pintaketa egin dituzte; Espainiaren aldekoak, ETA erakundearen kontrakoak eta euskal presoentzat heriotza eskatzen dutenak. Pintaketak egiteaz gain, tabloi bat ere hautsi dute.
• Urriaren 3a: Ezezagunek Lizarrako udalak Fray Diego de Lizarra kultur etxeko patioan aldatutako Gernikako Arbolaren kimua aizkorakadaz txikitzen dute.
• Urriaren 6a: Iruñeako Errotxapea auzoko Basajaun taberna abertzalearen ikurriña erretzen dute gauean.
• Urriaren 7a: Eraso faxistak salatzeko manifestazioa deitzeko ohar batean, zera salatzen da. Duela zenbait aste faxisten talde bat handi bat inpunitate osoz eta egun argitan Ioar mendira igo zirela EITBko errepikagailuan pintaketa faxistak egiteko.
• Urriaren 8a: Donostiako zenbait gazteek salatzen dute hiriko diskoteka batean talde faxista baten erasoa jasan zutela, botilkadak ,kolpeak eta abar, elastiko errebindikatiboak eramateagatik. Erasotzaile batek esan zien militarra zela. Gaztetako bati buruan bost puntu eman behar izan zizkioten.
• Urriaren 9a: Koldo Plak, Antsoaingo Nafarroa Bai ko zinegotzia, gutun bat jasotzen du Falange y Tradicion taldearen izenean heriotz mehatxuekin Nafarroan hilabete batean uzten ez badu. Pla lehen inkontrolatuen erasoa jasandako Txinparta elkarteko kidea da, baita Nafarroan Fusilatutako Senideen Elkartekoa.
• Urriaren 11a: Hainbat talde eskubitar eta falangista espainolek Iruñean deitutako manifestazioaren kontra kontramanifestatzen ari ziren 6 antifaxista atxilotzen ditu Espainiako Polizia Nazionalak. Beste aldetik Lizarran manifestazioa deitzen dute Gernikako Arbolaren kimuaren mozketaren aurka, eta jakiten da ere azken egunetan eskualdeko ultraeskuindar ezagun batek Ziraukiko gazte bat jipoitu duela .
• Urriaren 15a: Durangoko Aralarkide eta Iratzarri-kide batek mehatxu faxista eta homofoboak salatzen ditu.
• Urriaren 15a: Beasaingo Arrano elkarte abertzalearen etxaurrean zegoen pankarta erretzen dute gauean.
• Urriaren 23a: Falange y tradicion taldearen kideak eta hainbat erasoen egileak izatea egotzita, Goardia zibilak bost lagun atxilotzen ditu Nafarroan eta Zaragozan.
• Urriaren 28a: Federico Engels Fundazioak eta Ikasleen Sindikatuak zera salatzen dute: Gasteizko beraien egoitzetan pintaketa faxista mehatxugarriak azaldu direla.
• Azaroaren 2a: Hondarribiko elkarte abertzale baten presoen aldeko bandera erretzen dute berriro. Eraso faxisten zenbait biktimek prenstaurrekoa eskaintzen dute Iruñean.
• Azaroaren 2a: Mikel Arregiren omenezko plaka lapurtzen dute Etxarri Aranatzen. Mikel Arregi, HBko zinegotzia Lakuntzan, Goardia Zibilak hil zuen errepide kontrol batean 1979an.
• Azaroaren 16a: Igorreko gazte abertzale batek zera salatzen du: lau ezezagunek, poliziak bezala aurkeztu zirenak, mehatxu egin ziotela eta bala bat eskuan jarri poliziarekin kolabora zezan.
• Azaroaren 17a: Gerra zikinak erahildako Josu Muguruza ezker abertzaleko diputatuaren aldeko oroitarria eraso egin zuten Bilbon pintaketa iraingarrien bidez.
• Abenduaren 28a: LAB sindikatuak Bilbon duen egoitzan Goardia Zibilaren aldeko eta Falange Españolak sinaturiko margoketak egin dituztela salatzen dute.

2010

• Otsailaren 7a: Urduñako herritar batek prentsaurrekoan salatzen ditu GALen izenean bere aurka egindako etengabeko heriotz mehatxuak
• Otsailaren 13a: Ezezagun batzuek Hondarribiko Muara Kultur Elkartearen aurrealdean zegoen ikurriñari su eman zioten gauez. Elkarteko bazkide batek salatu du azkenengo urtean ikurriña sei aldiz lapurtu edo erre dutela.
• Martxoaren 24a: Zizur Nagusian, Eder Ariz preso ohiaren etxe alboan margoketa bat egiten dute: "Eder Muerete" testoarekin eta diana baten marrazkiarekin.
• Apirilaren 5a: Amnistiaren Aldeko Mugimenduak egun batzuk geroago salatu zuenez, Guardia Zibilak Zestoan jarritako kontrol batean Azpeitiko hiru gazteren autoa geldiarazi zuen; hiru gazteren aurpegietan armak jarrita zituztela haietariko bat torturekin mehatxatu zuten.
• Maiatzaren 9a: Oiartzunen, Ertzain batzuek Esteban Muruetagoienaren omenezko plaka puskatzen dute mailu batez. Oiartzungo Amnistiaren Aldeko Mugimenduak jakinarazi duenez gertaera goizeko laurak inguruan gertatu zen..Zenbait egun geroago Rodolfo Ares barne sailburuak onartzen du Ertzain bat egon daitekela eraso honen atzetik.
• Maiatzaren 21a: Iruñean, talde faxista batek Ekologistak Martxanen erakusketa bati eraso egin dio. Materiala apurtu dute eta esvastika bat marraztu dute hareaz .. Prentsa ohar berberean ekologistek gogora ekarri zuten joan den astean esvastika bat marraztu zutela Lizarrako gaztetxearen aurrean.
• Maiatzaren 21a: Patxi Itziar, Iñaki Ormaetxea eta Jokin Leundaren omenezko monolitoa desagertarazten dute Arno gailurretik. Aurreko egunetan, ertzaintza monolitoaren kokapenarengatik galdezka ibili ziren..
• Ekainaren 1a: Birritan bahitu eta herio mehatxua egin diotela salatu du Aulestiko gazte batek. Guardia Zibilaren aldetik «jazarpen itzela» jasaten ari dela eta, salaketa jarri du Mikeldi Zenigaonaindia gazteak.
• Ekainaren 3a: Andiako mendilerroan kokaturik Euskal Herriko erdigune geografikoa seinalatzen duen eta mairu baratzaren itxura daukan oroitarriak erasotzen eta apurtzen dute.
• Uztailaren 3a: Ezezagunek Bilboko Deustu auzoko ibarrean jarrita zegoen ikurriña lapurtu dute masta apurtu ostean.
• Uztailaren 10a: Harriak eta botilak jaurti dituzte Gasteizko gaztetxearen kontra. Gaztetxeko kideek "herri mugimenduaren aurkako eraso" gisa jo dute .
• Uztailaren 10a: Iruñean zenbait pintaketa egin zituzten irain eta lelo espainolista eta abertzaletasunaren kontrakoekin "El karmen" kaleko Herriko Tabernan.
• Uztailaren 10a:Iruñeako San Ferminetan, San Fermin Peñaren tabernako komunak nahita saboteatu zituzten taberna itxiarazteko.
• Uztailaren 11a: Iruñeako San Ferminetan "Independentzia" leloarekin elastikoa zeraman gazte bat taberna batean jipoitu zuten. Taberna hura Goardia zibilaren koartel batetik gertu dago eta zenbait goardia gaztea erretenitu zuten erasotzailekin mintzatzen ziren bitartean.
• Uztailaren 11a: Iruñean "Viva España" oihukatzen zuten zenbait ezagunek "San Fermin" Peñako bi kide jipoitu zituzten.
• Uztailaren 11a: Iruñean, eztabaida bat eta gero, Espainako bandera zeraman hiritar frantziar batek zenbait herritar erasotu zituen, eta beraiek ere bera erasotu zuten beraien aldetik.
• Uztailaren 22a: Getxoko Erromo auzoan Branka elkarteak mehatxuak jaso zituen Falangearen izenean. Ezezagunek burua moztuta zeukan oilo bat txintxilikatu zuten elkartearen atean mezu mehatxugarri batekin.
• Abuztuaren 8a: Donostiako udaltzaingoak bi pertsona atxilotu zituen Gipuzkoako Foru Aldundiaren eraikinean bandera espainarraren inposaketa salatzeko ezarrita zegoen plaka ebazteagatik. Ondoren libre utzi zituzten "plakaren lapurketa" leporatuz.. Geroztik jakin zen eskuin-muturreko talde karlista baten kideak zirela biak.
• Abuztuaren 28a: Astebukaerero Puerto de Santamariako espetxera euskal preso politikoak bisitatzera senideak eramatean duituen autobusa harriz eraso egin zuten. Nahiz eta pertsona batek polizia deitu eraso izaten ari zen bitartean, inor ez zen bertaratu. Etxerat elkarteak salatu zuenez, senide beraiek joan behar izan zuten komisaldegira salaketa aurkeztera. Autobusaren kristalak kaltetuta suertatu ziren.
• Irailaren 7a: Autoan mailatuak egin eta irainak idatzi zizkioten AHTk kalteturiko herritar bati Legorretan. Kaltetua izatean gain herritarrak familiaren baserriaren inguruko obrak legez kanpo egiten ari ziren salatuta zeukan.
• Irailaren 14a: Ekin erakunde independentistaren aurkako polizi operezio batean, Goardia Zibilak Kantabriako Nojan atxilotutako Aniaiz Ariznabarretaren militantearen bikoteak zera salatzen du; beraien kotxea zenbait kaltekin topatu zituela bere lagunaren atxiloketa eta gero, zehazki bi gurpil zulatuta.
• Azaroaren 10a: Amnistiaren aldeko mugimenduak zera salatu zuen: Urbasako Otsoportillo delako parajean, bertan 36ko gerlan frankistek erahildako dozenaka herritarrak omentzen dituen oroitarriak erasotu egin zutela. Bertan pintaketa mehatxugarriak azaldu ziren «Ezinezkoa da jada Bakea izatea, gerra galdu zenuten eta" "Lehertuko zaituztet" leloekin. Harekin batera, oroitarrian espainiako banderak marraztu zituzten eta bertan ezarritako loreak txikitu zituzten. Ez da lehenengo aldia oproitarri hori eraso egiten dutela.
• Abenduaren 10a: Arnaldo Otegi askatzeko espetxeraino egin zen martxan parte hartzen ari zen pertsona batek jipoi bat jaso zuen, beste pertsonengandik ehun metrora zegoela. Martxako antolatzaileek ekitaldiaren amaieran jakinarazi zutenez, faxista talde batek gazte batzuk jipoitu zituen. Esan zutenez, jipoia jaso zuen gaztea Logroñokoa da, eta Iruñeko bi lagunekin hurbildu zen martxara. Handak zenbait hilabetera Alianza Nacional talde faxistak jipoia eta mehatxuak bere gain hartu zituen bere WEB horrialdean.
• Abenduaren 18a: Andoni Akesolok Arratiako gaztea etengabeko dei mehatxugarriak jasotzen ari dela salatzen du.

2011

• Urtarrilaren 10a: Bermeoko herritar baten kotxearen alde guztiak marra gorri eta horiekin, Espainiako bandera imitatzeko asmoz, zikinduta agertu ziren. Horrez gain, bi gurpil zulatuta agertu ziren.
• Otsailaren 21a: Baionako AEKko egoitza eta Kalostrape taberna pintura zuriz zikinduz erasotu zuten.
• Ekainaren 4a: Hiru ezezagunek Iruñeko Ezpala tabernako zerbitzaria jipoitu zuten. Ezpalako bazkide asanbladak gertaera hurrengo astean ezagutarazi eta salatu zuen.
• Ekainaren 9a: Ezezagunek Zallako gaztetxea erre zuten . Hurrengo astean eraso berria jasan zuen, berriro erre zutelarik.
• Uztailaren 2a: Usurbilen ezezagunek sua eman zioten preso politikoen aldeko bandera bati etxean bertan sute bat eraginez.
• Uztailaren 4a: Lasarten ezezagun batzuek Xirimiri elkarte abertzalearen atarian zabor poltsa bat hustu eta sua eman zioten, elkarteko kide bat barruan zelarik.
• Uztailaren 9a: Donostiako Genozidio Frankistaren Biktimen Elkarteak Donostian bertan azken egunetan suntsitu eta lapurtutako zenbait oroitgarrien kontu ematen du. Udalak ekintzak salatu eta berriro ezartzeko hitza ematen du.
• Uztailaren 30a: Lasarteko Bilduko alkateak bere aurkako mehatxuak salatzen ditu.
• Abuztuaren 6a: Andoaingo Bilduko alkateak bere kontrako mehatxuak salatzen ditu.
• Abuztuaren 7a: Sare Antifaxista taldeak Uribe kostan agertutako pintaketa faxistak salatzen ditu. Antza pintaketa mehatxugarri hauek "Resistencia Norte" talde nazi espainolistak egindakoak dira eta Sare Antifaxistak salatzen du beraien zenbait edukin deliktiboa dela. .
• Abuztuaren 9a: Gasteizko Etxerat-ek, euskal preso politikoen aldeko elkartea, Gasteizko jaietan bere egoitzan izandako asaltoa salatzen du.
• Abuztuaren 17a: Zibilez jantzitako Guardia Zibil talde bat Burlatako Euskal Herria peñara sartu eta probokatu nahian ibili zen, lokal barruan zegoen jendea bultzatuz, irainduz eta mehatxatuz. Burlatako zenbait herri erakundek salatu dutenez zazpi lagunek (bost gizon eta bi emakume) osatzen zuten probokatzaile taldea, haietariko bik Guardia Zibil plakak erakutsi zituztelarik.
• Irailaren 16: Donostiako Abuztuaren 31 kaleko hainbat auzokideek mehatxu larriak jaso zituzten preso politikoen aldeko banderolak esekitzeagatik.
• Irailaren 22a: Laurence Marineak, Iparraldeko Askatasunako kidea, bere kotxean agertutako segimendurako tresna elektronikoaren ezarketa salatzen du publikoki.
• Irailaren 29a: Aulestiako eta Gernikako Udalek Mikeldi Zenigaonaindia Aulestiko gazteak, ustez poliziak izan daitezken ezezagunen aldetik, etengabeko jazarpena eta mehatxuak salatzen dituzte.
• Urriaren 1a: Ezezagunek sua ematen diote Bilboko alde zaharreko Herriko Tabernari hainbat kalte eraginez.
• Urriaren 5a: Iñaki Errazkinek, Azpeitiako EAE-ANVko alkate ohia eta Gipuzkoako Foru Aldundiaren Bilduren goi kargua, heriotz mehatxuak jasotzen ditu.
• Azaroaren 12a: Oñatiko Bilduko hautetsia den Iosu Lizarraldek mehatxu gutuna jaso duela salatzen du .

Ikus, gainera

• Gerra zikina
• Estatu terrorismoa
• GAL
• BVE

Bibliografia

• AMEDO. El Estado contra ETA Melchor Miralles - Ricardo Arques. Plaza&Janes/Cambio16, 1989 - ISBN 84-7863-006-6
• EL GAL. El terrorismo de Estado en la Europa de las democracias CEDRI. Txalaparta, 1990 - ISBN 84-86597-25-0
• EUSKADI ETA ASKATASUNA. EUSKAL HERRIA Y LA LIBERTAD Txalaparta, 1993 - ISBN 84-86597-87-0
• QUE SE VAYAN Javier Bordagaray Hordago, 1978 - ISBN 84-7099-042-X
• 1984ko urtekaria Egin, 1985.
• INDARKERIA POLITIKAREN ONDORIOZ IZANDAKO GIZA ESKUBIDEEN URRAKETEN BIKTIMAK. Jon Mirena Landa Gorostiza.

argitaletxea Eusko Jaurlaritza, Justiza, Lan eta Gizarte Segurantza Saila. Gasteiz, 2009.- ISBN 978-84-457-2915-1