Hatz

Hatzak
Latinez	Digiti manus
MeSH	Fingers

Hatzak giza-eskuen mutur artikulatuak dira. Oinetakoak behatzak dira.

Zenbait animaliak ere hatzak dituzte, hala nola, primate eta tetrapodoek.

Giza hatzen anatomia

Gizakiek bost hatz dituzte eskuko:

• erpurua, hatz lodi edo handia, gauzak hartzeko ezinbestekoa
• hatz erakuslea
• hatz luzea edo erdikoa
• hatz nagia edo eraztun hatza, kultura batzuetan ezkontza eraztuna darama
• hatz txikia, txikiena

Hatz eta behatzak I eta V artean zenbakitzen dira (zenbaki erromatarrekin), erpurutik (edo behatz loditik) hasita.

Hatz bakoitzak hiru falange ditu, erpuruak izan ezik, bakarrik bi baititu. Hiru hauek falangea, falangina eta falangeta dira, ahurretik hatz-puntetaraino.

Azken honetan hazten da azazkala. Falange honek nerbio ugari ditu, eta hortaz sentsibilitate handia du, batez ere hatz-mamian. Hatz-markak sortzen dituzten ximur txikiek ukimenenean funtzio handitzaile dute. Hatz-puntetako azalak zerbait ukitzean, ximur hauek mikro-bibrazioak eragiten dituzte, nerbio-sistemak sumatu eta garunak interpretatzen dituenak.

Erpuruaren baliokidea-edo oinean behatz lodia da.

Biologia

Hau da hatzen sortze ordena, umekiaren garapenean: nagia, txikia, luzea, erakuslea eta, azkena, erpurua.

Hatzek ez dute giharrik. Tendoien bidez mugitzen dira, besoan kokatutako giharrei lotuak.

Ikus, gainera

• Azazkal
• Hazbete