Abdomen

Burua, toraxa eta abdomena gizakietan eta artropodoetan.

Abdomena giza gorputzaren atala da, erdialdekoa, toraxa eta pelbisaren artean dagoena da. Bestalde, abdomena artropodoetan eta zenbait anelido poliketotan toraxetik atzerako segmentuek osatzen duten gorputz zatia da.

Gizakiari dagokionez, gorputz enborraren beheko zatia hartzen du abdomenak. Goiko aldean diafragmak bereizten du toraxetik; behean pelbisak eusten dio; atzetik bizkarrezurrak eta gihar ahaltsuek mugatzen dute, eta aurretik abdomen paretak. Abdomen barren osoa peritoneo ehunaren barruan dago kokaturik, heste guztiak ere barnean dituela. Hesteez gainera, urdaila, gibela, barea, pankrea, giltzurrunak, maskuria dira abdomenean aurkitzen diren organo eta gorputz zati garrantzizkoenak.

Hainbat organo dauka barruan:

• Aparatu kardiobaskularra: Aorta arteria, Kaba zaina.
• Digestio-aparatua: Urdaila, gibela, pankrea eta hesteak.
• Gernu-aparatua: Giltzurrunak.

Patologiak

• Beherakoa.
• Goitikoa.
• Idorreria.
• Tripako mina.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.