Indonesia AirAsiaren 8501 hegaldia

Wikipedia, Entziklopedia askea
Indonesia AirAsiaren 8501 hegaldia
Irudia
Map
Motahegazkin istripu
Data2014ko abenduaren 28a
KokalekuKarimata Strait (en) Itzuli
HerrialdeaIndonesia
Partehartzaile kopuru162
AireontziA320-200 (en) Itzuli
AbiapuntuJuanda International Airport (en) Itzuli
HelmugaSingapur Changi aireportua
KudeatzaileaIndonesia AirAsia (en) Itzuli
Hegazkinaren erregistroaPK-AXC
Pertsona hilak162
Pertsona desagertuak56
Bizirik irten direnen kopurua0

Indonesia AirAsiaren 8501 hegaldia (QZ8501/AWQ8501) Indonesia AirAsiaren 2014ko abenduaren 28ko hegaldia izan zen, Surabaya (Indonesia) eta Singapur artekoa.

Desagerpena[aldatu | aldatu iturburu kodea]

05:20ean aireratu zen eta Borneo irlaren ingurutik igaro zenean berarekin harremana galdu zuten, 07:25 aldera (Euskal Herrian 00:25 zirenean). Pilotuak ibilbidea aldatzeko eskatu zion kontrol dorreari, baldintza meteorologiko txarrengatik, aireratu eta ordubetera. Eguraldia txarra zen desagertu izanaren arrazoietako bat[1].

Bidaiariak[aldatu | aldatu iturburu kodea]

162 bidaiari zeuden: 155 bidaiari eta hegazkin konpainiako zazpi kide. 156 lagun Indonesiakoak ziren, hiru Hego Koreakoak, Malaysiako bat, Singapurreko bat eta frantses bat[1].

Erreskatea[aldatu | aldatu iturburu kodea]

Abenduaren 28an, bilaketa lanetan egon ziren Indonesiako hegazkin bat, sei itsasontzi eta hiru helikoptero. Argi gutxi zegoelako bertan behera utzi zituzten lanak behin-behinean[1].

Gertaeraren bilakaera[aldatu | aldatu iturburu kodea]

Abenduaren 29an, Indonesian desagertutako hegazkina itsasora erori zela uste zuten bilatzaileek[2]. Hala ere, lehenago, desagertutako hegazkinarena izan zitekeen objektu bat ikusi zuten. Ustezko hondakina AirAsia enpresako hegazkina azkenengoz ikusitako lekutik 700 bat miliara azaldu zen[3]. Indonesia, Malaysia, Singapur, Australia eta Hego Korea bilaketan parte hartu zuten Belitung uhartearen inguruetan. AEB, Frantzia, Erresuma Batua, Txina, India eta Japoniak laguntza eskaini zuten[4].

Abenduaren 30ean, desagertutako AirAsiako hegazkinaren bila jarraitzen zuten[5]. Hegazkinaren arrastoak aurkitu zituen arrantzale batek, eta horietan Air Asia konpainiaren ikurra identifikatu zutela adierazi zuen Indonesiako Gobernuak. 40 bat bidaiariren gorpuak erreskatatu zituzten[6]. Indonesiako hegazkina erori zen lekua topatu zuten.

Abenduaren 31ean, biktima gehiago bilatzeko operazio "zabalagoa" egingo zuten[7]. Java itsasoan, Indonesian, aurkitu zituzten hegaldiaren hondakinak, harremanak eten ziren zonaldetik hurbil[8].

Urtarrilaren 3an, AirAsiako hegazkinaren lau zati handi aurkitu zituzten Javako itsasoan. Ordura arte, 30 lagunen hilotzak berreskuratu zituzten[9].

Urtarrilaren 4an, hegazkineko 34 gorpu ziren erreskatatu zituztenak. Poliziak bederatzi gorpu identifikatu zituen. 80 urpekari baino gehiago ari ziren beste bidaiarien gorpuak bilatzen[10].

Urtarrilaren 7an, AirAsiako hegazkinaren atzealdea aurkitu zuten Javako itsasoan eta hegazkinaren kutxa beltzak laster aurkitzea espero zuten erreskate taldeek[11].

Urtarrilaren 11ean, AirAsia hegazkinaren kutxa beltz bat aurkitu zuten Javako itsasoan. Urtarrilaren 12an saiatuko ziren itsasotik ateratzen. 48 hilotz baino ez zituzten berreskuratu[12].

Urtarrilaren 12an, AirAsiako hegazkinak eztanda egin zuela itsasora erori baino lehen jakin zen. "Presio aldaketa bat" izan zen leherketaren arrazoia[13]. Egun berean, Air Asiako kutxa beltzetako bat ere aurkitu zuten[14].

Erreferentziak[aldatu | aldatu iturburu kodea]

  1. ↑ a b c «Bertan behera utzi dituzte Indonesian desagertutako hegazkina bilatzeko lanak, behin-behinean», Berria, 2014-12-28
  2. ↑ «Indonesian desagertu den hegazkina itsasora erori dela uste dute bilatzaileek», Berria, 2014-12-29
  3. ↑ «Desagertutako hegazkinarena izan daitekeen objektu bat atzeman dute», EiTB, 2014-12-29
  4. ↑ «Hegazkina Javako itsas hondoan dagoela uste du Indonesiak», EiTB, 2014-12-29
  5. ↑ «Indonesian desagertutako AirAsiako hegazkinaren bila jarraitzen dute», Berria, 2014-12-30
  6. ↑ «Eroritako hegazkinean zihoazen 40 bat bidaiariren gorpuak erreskatatu dituzte», Berria, 2014-12-30
  7. ↑ «Indonesiako hegazkina amildu zen lekua topatu dute», EiTB, 2014-12-30
  8. ↑ Adrian Garcia, «AirAsiako hegazkinaren aztarnak eta hainbat gorpu aurkitu dituzte», Berria, 2014-12-31
  9. ↑ «AirAsiako hegazkinaren lau zati handi aurkitu dituzte Javako itsasoan», EiTB, 2015-01-03
  10. ↑ «AirAsiako hegazkinaren 34 gorpu erreskatatu dituzte dagoeneko», EiTB, 2015-01-04
  11. ↑ «AirAsiako hegazkinaren atzealdea topatu dute, Javako itsasoan», EiTB, 2015-01-07
  12. ↑ AirAsia hegazkinaren kutxa beltz bat aurkitu dute Javako itsasoan. EiTB 2015eko urtarrilaren 11a.
  13. ↑ AirAsiako hegazkinak eztanda egin zuen, itsasora erori baino lehen'. EiTB 2015eko urtarrilaren 12a.
  14. ↑ Air Asiako kutxa beltzetako bat aurkitu dute. Berria 2015eko urtarrilaren 13a.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Indonesia_AirAsiaren_8501_hegaldia&oldid=9013359"(e)tik eskuratuta