Joseph Pulitzer
Wikipedia(e)tik
Joseph Pulitzer Estatu Batuetako kazetaria, hungariarra jatorriz (Mako, 1847 - Charleston, Hego Carolina, 1911). 1864. urtean jo zuen Estatu Batuetara, eta armada federalean borrokatu ondoren, ospe handiko kazetari eta politikari bihurtu zen. New Yorken hedadura handieneko The World egunkaria erosi zuen 1883. urtean, eta milioi bat dolar eman zizkion Columbiako unibertsitateari kazetaritza-eskola bat sor zezan. Pulitzer izeneko saria sortu zuen, urtero Columbiako unibertsitateak literatura-idazleak saritzen dituena. Kazetaritza-sariak ere antolatu zituen.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
