Kama ibaia

Wikipedia(e)tik
Hona jo: nabigazioa, Bilatu
Kama
река́ Ка́ма (ru)
Kama River (4x3 photo).jpg
Kama ibaiak Perm zeharkatzen.
Kokapena Errusia
Luzera 1.805 km
Arroa 522.000 km²
Emaria 3.800 m³/s
Iturburua Udmurtia
Ibai ahoa Volga
Kamarivermap.png

Kama (errusieraz: река́ Ка́ма; tatareraz: Чулман, latinez: Çulman; udmurteraz: Кам) Errusiako ibaia da, Volgaren ibaiadar nagusia ezkerraldetik. Izan ere, bilgunearen aurreko ibilbidea kontuan hartuta, Kama Volga baino luzeagoa da. 1.805 kmko luzera eta 522.000 km²ko arroa ditu[1].

Geografia[aldatu | aldatu iturburu kodea]

Iparraldeko Ural mendietan du iturria, Udmurtiako Kuligi (errusieraz: Кулига) herriaren ondoan. Hasieran iparralderantz doa, ekialde eta hegoalderantz gero, eta hego-mendebalderantz amaieran. Kazanetik behera, Samarako urtegian, Volgara isurtzen da, 1.805 km korritu ostean[2].

Hidrologia[aldatu | aldatu iturburu kodea]

Azaro amaiera edo abendu hasieratik apirilera arte Kama ibaia izozturik egoten da. Emari handiena, urte osokoaren %60, udaberrian izaten du, elurra urtzen den garaian[2]. Errate baterako, Sarapulen (arro osoaren %37) urteko batezbesteko emaria 1.754 m³/s da; handiena maiatzean du (6.512 m³/s) eta txikiena martxoan (507 m³/s)[3].

Kamaren batez besteko emariak (/s) Sarapulen neurtuak[3]
Datuak: 1914-1961 bitartean

Ekonomia[aldatu | aldatu iturburu kodea]

Mendeetan erabili izan da Ural mendietatik egurra eramateko. Gaur egun garrantzi handia du Errusiako ibai nabigazioan. Bestalde, haren ibilguan daude Perm eta Votkinsk ur indarretxeak, 500 eta 1.000 MW-ko potentziakoak.

Ibaiadar nagusiak[aldatu | aldatu iturburu kodea]

  • Kosa ibaia
  • Vishera ibaia
  • Sylva ibaia
  • Chusovaya ibaia
  • Belaia ibaia
  • Ik ibaia
  • Izh ibaia
  • Vyatka ibaia

Hiriak[aldatu | aldatu iturburu kodea]

Bere bazterretan dauden hiri nagusiak Solikamsk, Berezniki, Perm, Sarapul eta Naberezhnye Chelny dira.

Erreferentziak[aldatu | aldatu iturburu kodea]

  1. «Kama River» Global.britannica.com
  2. a b «The Kama River» Gorodperm.ru
  3. a b «Kama at Sarapul» Webworld.unesco.org
Commonsen badira fitxategi gehiago, gai hau dutenak: Kama ibaia Aldatu lotura Wikidatan